أضف سؤال أو موضوع جديد          

ماهي افضل سياره سيدان بسعر ممتاز ؟؟؟ ارجو الدخول

up 6 down 4
camry grandi 99 7276
قبل 6 سنه و 9 شهر



ياخوان ابي سياره عمليه وجديده 

انا مفكر في السوناتا بس مااادري هل هي عمليه ومافيه ازعاج صوت البانوراما وهل هي راسيه كفايه يعني لو مشيت 160 عادي ماتلعب 
بحكم ان معي كامري امشي 190 ماشاء الله راسيه ولله الحمد 
وانا اخترت السوناتا بحكم انها رخيصه وبالمتناول عكس الكامري اللي مطيرين سعرها في السما على غير سنع 
وكذلك الهوندا فانا اخترت السوناتا لانها شكلها جذاب ومواصفات رائعه جدا 

يعني منكم المجرب ومنكم الخبره فاتمنى تفيدوني واعتبروني مثل اخوكم لان مابي ادفع فيها مبلغ وقدره وتخيب الظن فيها

تحياتي لكم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


خذلك اوبتيما فل افخم واثقل وارسى ونفس ماكينة السوناتا و فوق ذا كله ارخص ومن وجهة نظري اجمل من السوناتا


up 2 down 1
najito 937
قبل 6 سنه و 9 شهر



ياناس ياعالم و هالحركات السوناتا الفل ب105 والكامري الفل 103 اسالكم بالله من الي اغلى السوناتا الاستاندر ب83الف والكامري ب83 الف والكامر افضل من ناحية الجودة والتحمل ومستخدمي السوناتا من المضحوك عليهم بالفخامة


up 3 down 12
شهري 507 2310
قبل 6 سنه و 9 شهر



نجي للامان ... السوناتا النص فل فيها ايرباج واحد والكورولا الاستاندر فيها 2 ... نجي عند السقف البانورامي ... السقف البانرومي خصص للسيارة الثقيلة والفخمة مثلا المرسيدس مهي سريعة الانقلاب وعشان كذا امان .. لكن لاسمح الله انقلبت سونتا وش بيكون مصير الي بداخلها ... اسمحولي وين العقول الي تفكر


up 2 down 8
شهري 507 2310
قبل 6 سنه و 9 شهر



+1 شهري507 .... لبى قلبك ياعسل

في خيارات افضل من السوناتا 

بصراحه الكوري مافيها الا الازيرا ...   السوناتا غير راسية ومكيفهاااااااااا......مايجمل بالمره مايجمل.....

والكوري اغلب مواصفاته تقنيااااات 

والكامري سعرها غالي ووكيلها اقل مايقال عنه مراوغ درجة 1 + الكامري الجديدة شكلها بالذات من الخلف XXX

عندك اختيارات اخرى ::

1 كابريس 2007+ (قوة + كشخه + وسااااع + راسي بالخط ولاهو حول الخيارات الي ذكرة+ رفاهية)

2 اكوووورد (قوية+ممتازة بالخدمه+راسيه + وحلو شكلها الخارجي)

3 يوكن + تاهو (شبابي - عائلي - قوي - فخامة - وساع)

بالنهاية استخير وربك كريم استخير اهم شي الاستخاره لانه بركة .........






up 3 down 3
الجنرال2012 6587
قبل 6 سنه و 9 شهر



والله ياخوان احترت بين ارائكم فيه المؤيد وفيه اللي يرفض انا محتار جدا سالت ناس معهم يقولون ما يعيبها شيء واللي يتكلم عنها تراه ما ساقها 
وفيه ناس تقول انها ما تصلح ماهي راسيه ومن هالحكي فانا محتار جدا وبالنسبه للاوبتيما ما حطيت النظر عليها ابد لانها ماهي بكثره بالشوارع وقليل اللي شروها
يمكن نطلع مشوار ما تحصل منها الا 1 ويالله بعد اما السوناتا مشوار ابو 5 دقايق تحصل 3 الى 5 سوناتات وانا هذا اللي مرغبني فيها 
فانا بستخير الله وان شاء الله يدلني على اللي يناسبني ويصلح لهالشوارع اللي ماشاء الله تحفه فنيه ههههههههههه 


up 3 down 0
camry grandi 99 7276
قبل 6 سنه و 9 شهر



هههههههههه يالشهري  الي يقول السعر الكوري اغلا انت غلطان  وممكن تسمع بس حكي ماسعرت السنوتا تحتالفل طبع نقصها عن الفل شاشه وبصمه بسعر 77 الف زيرو والفل سعرها بحدود 80 او اعلا الازيرا 2012 سعر الفل كامل 4 سلندر 95 الف ومواصفاتها ولانصها يحطها عبدالطيف الي صاجينا عليه في الكامري الفل والسته سلندر بحدود 117 الف وروح اسأل قالي تايوتا قال اخوي اشتر سنوتا وانت مغمض والله يا انه الكوري ابدع فيه واخذ جوائز على صناعته لسيارات مثل السنوتا والازيرا اذا فلوسك حول الميه دقلك ازيرا 4 سلندر فل كامل وروح شركة هونداي شوف السيارتين ونصيحه ابعد عن التايوتا الجديد لنه فاشل بمعنا الكلمه 


up 5 down 2
princ 18863
قبل 6 سنه و 9 شهر



لاتتردد ولاتحتار غير الاكورد ماتختار
وبحكم التجربه
الامان
القوه
وزن الاكورد 2طن
وزن السوناتا والكامري 1.5 طن
الاكورد يمسك سعر
الاكورد كل قطعه فيها تحفه فنيه
الاكورد رمز لليابان
الكامري والسوناتا فقط للتجاره


up 6 down 1
البطش 3576
قبل 6 سنه و 9 شهر



البطش + الجنرآل 

والله كفيــــــــتم و وفيتــم ، ولآتنسون الـ فورد فيـوجن + الـ،مونيدوَ 

سيآرتين بطلآتَ  وكلهآإْ .. اقوى وارخـص من الـ"سوناتا+الكامري" 


< والـــــــ شفروليه المآليبوَ .. 

< والماليبو الجديدَ ...بـ73 ،، ومع الآيآم ممكن تنقـصَ 


< والـدوج آفنجر ، لكن للإسف انقطعـت والسبب قله مبيعاتهآْ. . لكن كانت الفل كآمل بـ85 او 90 ،، 

لـــــــكن كآنتَ .. دفـع ربآعي + محرك تشآرجـر سته سلنــــدرَ 


والله العظيٍـمَ ...،‘ محد بيرتـآْح بالسيآرآت الآ اللي عندهـ مخ  و [مشغله ] لإن الكل عندهم مخ بس نآيم خخخخخخخ  

< ولآ هآيلكس دبل بـ"115" ههههههههههه قيمـه سييرآ دبلَ < والله شيء يحـزن هـع لآ وزيادهـ على كذا 2.7 

والله شر البليـه مآيضحكَـ ،، 


up 3 down 0
فهد}~ 1263
قبل 6 سنه و 9 شهر



الجماعة ما قصرو معك لكن بالنسبة لي حالي ارشح الاوبتيما فخم ورخيص وفلوسك تبين فيه


up 2 down 0
marwan699 5847
قبل 6 سنه و 9 شهر



يالشهري تألف من راسك اسعار السوناتا , السوناتا نصف فل بشاشه 81 , يعني سعرها نفس الكورلا الفل كامل , فما بالك بسعر الكامري يكون أغلى بالدبل , الله يصلحك بس


up 3 down 0
poor 1445
قبل 6 سنه و 9 شهر



تبي الصدق بيني و بينك لو تروح لمازدا 6 بتلقى فرق و صدقني بتنسى الكامري و شلته


up 1 down 0
xxعبدالعزيزxx 4
قبل 6 سنه و 9 شهر



والله قريب لي معاه سوناتا ٢٠١١ مبسوط عليها مره
لاكن انا ماجربتها بس على كلامه يمدحه
انا معاي اكورد ٢٠٠٨ ماعتقد احد يشتري اكورد ويندم انها اشتراها تستاهل كل الريال ينحط فيها سياره قوه ورساوه وتحمل


up 0 down 0
بشوش 5097
قبل 6 سنه و 9 شهر



والله ياخوان انا اشكرك جهودكم واشكر كل من رد ولو بكلمه واحده 

لكن الى الان ما وصلني شيء عن مميزاتها في القياده وهل هي مريحه ام لا ابي واحد جربها وساقها اقل شيء لمدة 4 شهور عشان يكون على بينه

وبالنسبه للماليبو والفيوجن والتورس والاوبتيما كل هذي سيارات جيده نوعا ما بس ما رغبت غير السوناتا لان من الموديلات اللي قبلها وهي جيده وممتازه

خصوصا من موديل 2005 الى 2010 هذي كانت مممتازه وقد جربتها وسقتها وعجبتني 

لكن الجديده لا اعلم عنها شيء وانا كلمت احد الشباب عنده وحده بروح اسوقها واخذ عليها كم مشوار واشوف لانه هو توه شاريها ويقول الى الحين السياره جيده

الله يوفقني واياكم في الرزق الحلال والشيء الطيب اللي يسر الخاطر ولا هنتو جميعا ع الردود الطيبه 

وبالنسبه الخيار الثاني ممكن الاوبتيما هي اقرب شيء بعد السوناتا اما الماليبو والتورس والفيوجن لا افقه فيها شيء سوا انني ارها في الشوارع 

واللي يقول الهوندا انا عارف ان الهوندا افضل منهم كلهم لكن الدراهم تحكم وانا اخوك والهوندا السبيشل ب94 خبال هو والله جد شيء يقهر 

ع العموم الله لا يهينكم جميعا وتحياتي لكم ..,


up 0 down 0
camry grandi 99 7276
قبل 6 سنه و 9 شهر



نقاطك وقفت على 4509 لك 100 نقطة كل 24 ساعة ماراح تزيد الا بعد 12 في الليل وعساك بالصحة والخير .


up 1 down 0
مستر بن . 10376
قبل 6 سنه و شهر



اهم شي عندي الاعتمادية للسيارة والله يوفقك بكل اختيارتك 


up 0 down 0
amh2222 418
قبل 5 سنه و 5 شهر



والله انا انصحك باالنترا2015 فل كامل


up 0 down 0
mazan8855
قبل 3 سنه و 8 شهر



السيارات اللي تنفع للخطوط كثيرة جداً مابين سيدان وجموس وجيوب 
سأذكر قائمة وكلها طبعاً محركات 6 سلندر و 8 سلندر 




سيدان : 
كابرس 
افلون 
جنسيس 
كادينزا 
ازيرا 
أكورد




جيوب :
باترول 
لاندكروزر




الجموس :
يوكن 
تاهو 
اسكاليد 




عموماً ركزت على السيارات الشعبية المنتشرة , وآسف على الإطالة 




موفق  









منقوووووووووووووووووول


up 0 down 0
سهل التماني -8
قبل 3 سنه و 7 شهر



صراحة اللي يشوف التعليقات ,, ما يزيده الا حيرة ... 


up 0 down 0
768
قبل 3 سنه و 2 شهر



ياخي وش ذا العالم الرجال يسأل عن مواصفتها وقوع تحملها وهذا يقول انصحك بسيارة الفلانيه وهذا يقول السيارات الى تنفع يااهبل فهم السؤال نصف الاجابه


up 0 down 0
ابو رغد القرني
قبل 2 سنه و 11 شهر