أضف سؤال أو موضوع جديد          

معلومة عالطاير ستنهي الجدل بخصوص...

up 7 down 4
najito 938
قبل 9 سنه و 3 شهر



بخصوص خفة السوناتا الجديدة و عدم رساوتها

لاحظت كثرة الكلام في مشاكل السوناتا و اهمها و اكثرها تكرارا هي انها خفيفة جدا و يصعب السيطرة عليها عند السرعة العالية بحكم خفة وزنها على عكس الكامري الاثقل و الارسى


وهنا ابين لكم عدم صحة هذا الكلام نتيجة بحثي في الانترنت لمدة لم تتجاوز دقيقتين من خلال موقعي شركتي هونداي و تويوتا الرسميين

وزن هونداي سوناتا ٢٠١٢: ٣١٩٩ رطل = ١٤٥٥كيلوغرام
وزن تويوتا كامري ٢٠١٢  : ٣١٩٠ رطل = ١٤٥٠كيلوغرام

وبس سلامتكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يارجال يبون يطلعون عيب بالكوووري ومو عارفين وعاد من رساوة الكامري يوم تتقارن بها وربي رساوتها فاااااااااشله وتلعب على الخط


up 5 down 6
lolo-ss 4514
قبل 9 سنه و 3 شهر



اليوم بإذن الله بطلع السوسو من الوكالة
اسال الله ان يباركلي فيها
خفيفه ولا مهيب خفيفه يكفيني مواصفات المانيه بسعر مايتجاوز 80 الف ويكفي انها اصبحت في وقت قصير السياره الاكثر شعبيه ( حتى الشيبان في المعرض يقولون خذلك يولد من هالهونداي الي يسمونها ساناتا مننننتازه ) خخخخ


up 12 down 3
قلم مائل 788
قبل 9 سنه و 3 شهر



هههههههههههههههه والله صادق 


up 2 down 1
princ 18873
قبل 9 سنه و 3 شهر



يارجال جايبلي ارقام بس ... الارقام تقول ان الكورولا وزنها اكبر من الالتيما ... والله العظيم ان هذا الي قريته ... على العموم ماباقول ان الكامري ارسى ... لكن شهادة الجميع تقول انه ارسى من الهونداي .... واذا تبيها من الاخير وانا عارف ان الكلام ذا بيجيني دس لايك عليه ... تويوتا في المقدمة ي كل شيء


up 10 down 17
شهري 507 2305
قبل 9 سنه و 3 شهر



سبحان الله وبحمده سبحان الله العظيم


up 3 down 0
ابوحمد2009 1244
قبل 9 سنه و 3 شهر



اخوي الشهري مع احترامي الموقع الارقام هي الفيصل في النهاية في هكذا مقارنات و هي تعبر عن حقائق وليست تكهنات

و مع احترامي البالغ جدا مصدرك لمعلومات السيارات بالعربي مخروش

كيف الكورولا اثقل من الاتيما بالعقل يعني؟

ولو لازلت مصر هذه ارقام اخرى طازة لك من موقعي تويوتا ونيسان الرسميين

وزن الكورولا: ٢٨٠٠ رطل= ١٢٧٢ كغم
وزن الالتيما: ٣١٨٠ رطل = ١٤٤٦ كغم

فرق ١٧٤ كغم !!

تحياتي لك


up 7 down 1
najito 938
قبل 9 سنه و 3 شهر



اشكرك على التوضيح ياحلو ....

ولكن الفرق يعتبر شعره

شف خذها معلومه

متى السيارة تسمى راسية ....

1 حجم البدي وانسيابيته يشكل علامة كبيره + السيارة المدعمة بتحكم الدركسون الثاني

2 وزن السيارة من الاسفل من حيث عرض القطع + حجم الحديد فيها

3 ارتفاع السيارة عن الارض (الان السيارة كل مارتفعت كل ماخفت الرساوة فيها)"الدليل الجيب مو مثل الصغيره

4 كلما زادت السرعه خف الوزن (الا بوجود خصايص المدعمة للمنحيات وهذي موجودة بالالماني والاودي)

الطائرة لو جتك تقلع يوم تشوفها تقول وين تطير...... لكن لاسرعت خفت على وزنها وطائرة على سرعتهااا

يعني السوناتا والكامري هذا وزنها !!!!! اجل لو اسرعت كم بيكون وزنها .....


up 9 down 0
الجنرال2012 6586
قبل 9 سنه و 3 شهر



اخوي najito احب اقولك ان الي قريته انا من الاستمارة انا واحد من اخوياي ... على العموم انا لمن كتبت ردي وردودي السابقة انا اشوف الهونداي سوناتا بالتحديد رزة وفخامة لكن مابه ذاك الجودة شوف موديل 2011 بدأت تفقد هيبتها ةشكلها وتحسها بدأت تتهربد .... ولا فيه اثنين يختلفون على ان هونداي ضاربة السوق .... لكن ان شاء تتذكرون كلامي يابعد 3او 4 سنوات تشوف اغلب سيارات هونداي في التشاليح .... ياخوي انت تتكلم عن كوري .. الكوري مابدا يظهر الا من اربع سنوات .. وجاي تقارنونها بتويوتا حرام عليكم لها اكثر من خمسين سنة في السوق السعودي ...



up 4 down 7
شهري 507 2305
قبل 9 سنه و 3 شهر



طيب والي يقولك مجرب كامري مديل 10 ومجرب صني موديل 10 الصني ارسى من الكامري 


تصدقون ولا ماتصدقون براحتكم وكلامي من تجربه



الكورى فى تطور دائما الى الافضل


up 5 down 3
ابومازن999 286
قبل 9 سنه و 3 شهر



الوزن ليس مقياس دقيق لثبات السيارة ..
بالنسبة لسبب عدم ثبات السوناتا فهو صحيح وقد استأجرت سوناتا جديدة للسفر من الاحساء الى الرياض وكانت فعلا غير ثابتة لسبب واحد فقط

لاحظ خطوط السوناتا الجانبية البارزة .. هيونداي وضعتها ليساعد على ثبات السيارة وهذا صحيح فقد ساعد في الحفاظ على ثبات السيارة (فقط) اذا كان الجو بدون رياح او رياخ خفيفة

فلو وجدت رياح متوسطة او قوية فهذه الخطوط الجانبية تنقلب ضدك!
حاول ان تتخيل معي وانت ماسك خط .. والريح تضربك من يمين السيارة فالسيارة بتثقل من اليمين وتحذف الى اليمين ( الخط اليمين يضغط على السيارة للسفل بقوة اما اليسار يضغط بخفيف لانه يقص الهواء المقابل له فقط)
تمام مثل عمل الطائرات الشراعية.

بالنسبة للكامري والمكسيما والفورد والاكورد الخطوط الجانبية حقهم تساعد في الظغط على السيارة من الاعلى فقط وتلاحظ ان كل ما زات السرعة فيهم ينزلو لتحت عكس الهيونداي يقوم من قدام وينزل لتحت من وراء.

خلاصة القول السوناتا ثابتة اذا الرياح معدومة او خفيفة


up 3 down 0
marwan699 5854
قبل 9 سنه و 3 شهر



اخي انا لامن حقين الكامري ولاالسوناتا  الثقل لايس معيار حقيقي لسياره ابقول كلام  مجربه  عندك 2005 وعنك 2012 طبعا 2005 اثقل بالوزن من 2012 لذ 2005 ارسى عند السرعات العاليه من 12  و12 عند 140 150 تحس خفة وتلعب الدركسون بخفه مومره واضح    الزبده  الثقل لايس معيار ابدا


up 5 down 0
لافي يوسف 1153
قبل 9 سنه و 3 شهر



ياشباب انا اقصد الهايلكس


up 1 down 0
لافي يوسف 1153
قبل 9 سنه و 3 شهر



تبون سياره يابانيه راسيه

(( السوبارو ))  مجرب مديل 2002

العن منها مع اللفات مالقيت  مهما تشد عليها تبقى متماسكه

وسلامتكم


هههههههه اخوي الشهري شكله يجري بدمه شعار تايوتا يارجال لو تقرا وتشوف نصبه وتشوف مستودعاته بالخمره في جده وسيارات مخزنه قريب من البحر على رطوبه وغبار ويركب قطع صينيه وانتم الله الله على التايوتا التايوتا ولا زمانه احنا يوم نتكلم عنه نتكلم في السنوات الاخيره اما الي قبل نقول كلمة حق لو تقول بشتري سياره اقولك تايوتا اما الان لا والله بنصحك انك ماتشتريها يكفي انه جديده وتنقص زيت وانا مجرب الشي هاذا كامري 2011 عدادها ماوصل 40 الف  من الغربيه لرياض على سرعة 200 وصلت الرياض ناقصه ربع علبه تقريب او اكثر بالله تسميها شركه عريقه الوحد الشره مابتفيده ولا بتدفع فلوس له ولكن ادور شي لمصلحتي انا سياره عمليه وتخدمني 


up 3 down 1
princ 18873
قبل 9 سنه و 3 شهر



بالنسبة لقول ان السوناتا افضل
احب اذكركم ان الجودة عند تايوتا افضل من الجودة عند هونداي
بس بالسعر السوناتا افضل من الكامري
اجل ب 76 الف ما فيها الا مسجل


up 0 down 0
الرجل الخير 61
قبل 8 سنه و 5 شهر



الي يقول مهي راسيه وهو ماجربها تكفى اسكتَ ..


والي معه سوناتا ويشتكي من الرساوه وانها قاسيه على المطبات اقوله رح خفف ضغط الكفرات لانه مليانه وهذا سبب انها خفيفه وبس وراح تدعيلي * نصيحه مججرب *


up 0 down 0
3zooz718809 -11
قبل 7 سنه و 11 شهر



كل واحد يمدح سيارته عندكم موضوع ثاني نتكلم فيه نستفيد منه ,,,,,,


up 1 down 0
اليوووسف 2
قبل 7 سنه و 4 شهر