سوناتا كوري و امريكي

بالنسبة للسوناتا الامريكية فهي تقريبا نفس اللي عندنا بس تتفوق عليها في مواصفات الامان يعني خذ لك الارباقات 10 ارباقات والسعودية 4 ارباقات سواءن سوناتا ولا ازيرا واختلاف بسيط مثل الطبلون يكون بالميل والكيلو وشمعاتها الامامية تختلف يكون سكنها برتقالي وبعض القطع الاستهلاكية مثل صفاية البنزين تختلف عن السعودية بس ممكن تركب حقت الالنترا ماعندك مشكلة وباقي القطع نفسها ولحد يلعب عليك يقول تخرب بسرعة ولا حرارتها ترتفع تراها معي من 3 سنين والموتر الحمدلله ماشاء الله ماشي مافيه الا العافية وكل يو اروح عليها واجي ... وبالنسبة للكورية نفس قطع اللي عندنا وكل شي بس للاسف في الغالبية تجي مكينتها 2000 cc يعني صغيرة زي مكينتة بعض الالنترات اما الامريكية 2400cc اتمنى اني اكون افدتك ... تحياتي

السوناتا الامريكي تجي 6او4سلندر وتجي 8ايرباق ونظام الثبات الكتروني وحساس كفرات ويكون فيها نظام امان عالي ويكون شكلها احلى انصحك تشتري امريكي وقطعها زي السعودي

الا القير والميكنة زي ازيرا السعودي ماتفرق كلها زي القطع مدري ليش الناس متخوفين

من الامريكي تراه نفس القطع

لا انتبه لا امريكي ولاسعودي...يغرك البودي او المواصفات الداخليه لكن قطع ماتركب شوف كثير بالمنتدى يشتكو من قطع بسيطه ماتركب واحد معه سوناتا امريكي ماحصل مقص والثاني معه امريكيه انحرقت عليه الظفيره ولاحصل مثلها وباعها تشليح بتراب الفلوس انتبه تاخذ غير السعودي وان خربتها خذ خليجيه

جزاكم الله الف خير
 ما قصرتو مشكورين