أضف سؤال أو موضوع جديد          

عندي كم سؤال ميكانيكي

up 0 down 0
ssv8 1048
قبل 8 سنه و 7 شهر



السلام عليكم ورحمة الله وبركاته ، أسعد الله أوقاتكم بكل خير

عندي كم سؤال يا إخوان بخصوص الميكانيكا والكهرباء لسيارتي من نوع إكسنت 2012 
طبعا طمعان بخبرتكم !!

السؤال الاول / سير التايمن اللي داخل المكينة هل هو جنزير أو لا ؟! ومتى يتغير ؟! 

الثاني / عندي شوي تقطيع بالموتر وغيرت بواجي وطرنبة البنزين ما فيها مشاكل هل المشكلة ممكن تكون من أسلاك البواجي ؟!

الثالث / عندي عداد ال rbm يتأخر شوي ما يرتفع إذا شغلت السيارة هل هي مشكلة كبيره ، او ممكن تسبب لي مشاكل مستقبلا ؟!

الرابع / رديتر المكيف تعبني معاه لأني راعي خطوط ومن أصغر حصى ينشق و يهرب ولحمته 4 مرات هل فيه حل للمشكلة هذي ؟!


ومشكورين مقدما يا إخوان ، والله يجزاكم الجنة خير الجزاء







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


السلام عليكم

سير التايمن ليس جنزير وانما سير عادي و الافضل تبديله كل 90 الف كم وتبديل الشداد معاه
التقطيع ممكن يكون من الاسلاك




up 1 down 0
amegha 222
قبل 8 سنه و 7 شهر



السوال الثالث 
اذا قعد الانبير من ٣ - ٥ دقايق بعدين يرتفع هذا شي طبيعي عشان السياره تحمي 
 والمشكله الاخيرة حلها انك ما تسرع وقت العج والغبار


up 1 down 0
نادرالزهراني 429
قبل 8 سنه و 7 شهر



الأول: السير جلد وممكن تتأكد من دليل الصيانة على كم يتغير - اتوقع 80 ألف

الرابع: ركب برقع وأنت تفتك من الحصى وتحمي وجه السيارة

الثاني والثالث: ما عندي علم


up 1 down 0
أبو عبادة 4852
قبل 8 سنه و 7 شهر



ما قصرتوا ، جزاكم الله خير 


up 0 down 0
ssv8 1048
قبل 8 سنه و 7 شهر



سير التايمن يجي حديد وربل 

والربل بالغالب يتغير كل 100 الف

والحديد إذا الاستخدام نظيف يمشي حتى 500 الف بالراحه

..........................

التفتفه من عدة اشياء

بواجي او اسلاكها او كويلات

طرمبة بنزين او انسداد بالفلتر 

الثروتل

حساسات هواء و egr و tps وغيرها 

منظم هواء وليات الهواء وفلتر الهواء 


up 0 down 0
محمد فورد 507
قبل 8 سنه و 7 شهر



نزلت الرد بالغلط

الثالث مدري


والرابع فيه شبك مقوى تركبه قبل الرديترات وما ياثر بدخول الهواء


up 0 down 0
محمد فورد 507
قبل 8 سنه و 7 شهر