السيارة تطفى بالصباح الباكر

حياك ابو صالح

البواجي لو كانت رادينيوم وهي اغلب السيارات الجديده اصبحت رادينوم

ما تتغير الا بعد 300 الف لانها الكترونيه 

صفاية بنزين مالها دخل لو لها دخل الصفايه كان حتى وهي ساخنه فيها تفتفه وتطفي

شوف فلتر الهواء غيره لان التنظيف يفيد مره مرتين بعد كذا لازم غيار اصلي

وممكن تنظيف حساس الهواء اللي فوق فلتر الهواء تنظفه بدقيقتين وانت واقف وراح تتحسن معك

هلا بك اخوي , نسيت أقول إن السيارة فيها تفتفة وهي شغالة تحس الآر بي إم يرقص رقص !!! وش رايك ؟

اجل منظم الهواء فيه مشكله عندك اذا كانت حتى وهي ساخنه تسوي الحركه هذي 

اعتقد ما ينفع الا غيار ما ينفع فيه التنظيف

لكن لو كانت تسوي الحركه هذي وهي بارده بس تنظيف يضبط

لا يمكن تقييم عضو معين أكثر من مرتين في اليوم , ياله من نظام ظالم !!!! شكراً أخوي ما قصرت , منظم الهواء قصدك أي واحد ؟

فلتر أو القطعة ؟

اغلب السيارات تحصل المنظم هذا قطعه صغيره مربعه مثل حجم ساعه اليد او اكبر شي بسيط

تحصلها فوق القربه حقت فلتر الهواء من الخارج وفيها فيش مع الجنب وفيها بالغالب مسمارين تثبتها

تفك المسمارين وتطلع القطعه فيها مثل الاصبع لو طلعتها وفيه اسلاك صغيره مثل الفيوز

ترشها بمنظف الكترونيات وترجعها

الله يوفقك و يرزقك من حيث لا تحتسب , رايتك بيضا يا غالي , تشكر على الإفادة , تحياتي لك .

ملاحظه :   سيارتي توها ما عدت 65 ألف

يعني للحينها على الضمان روح ودها الضمان احسن لك من الورش يلعبون فيها

هلا بك بيني و بينك ما تحمست أروح الوكالة , لأنهم بيعطوني موعد و يمكن الموعد يطول و الخراب يزيد !!! ولا راح أستفيد غير

البهذلة و المشاوير , تسلم .

65 مو قليل بـ جو صحراوي اما 200 انت زوول مباااالغ فيك هههه يصيبها الله يجيركم ..ربو ،
ابو صالح سوي بـــرا الوكالة ما تسوى عليك مثل واحد يقول انتظرت 3 ساعات سرى ع تغيير زيت ، أعتقد انه طلاقهم بالاربع ما يرجع لهم ،،

مثال ماقالك "مشكلتي بصراحتي

اذا بتنظف افضل لك تنظف مدخل الهواء كــــامل الي بوابة الهواء "الثروتل
وان شاء تصفى معك
واذا انت مو منتظم بالصيانة ،، أقرب فرصة بالوقت والـ$ أنفضها مداخل الهواء ،، والبنزين وخطة من بعد التانكي ،، وخط الكهرباء فقط بواجي ..اسلاك أوو كويلات بعد 120 بالتوفيق

aziz...747

لو سيارتي ماشية 65 الف فقط وتتفتف وتشتغل وتطفي راح ارميها في الوكالة لابوهم لابو سيارتهم :)

سيارتك ماشيه 65 يعني نصيحة ابدا بقطع الاستهلاكية من فلتر وبواجي افضل لك

عندك. مشكله ١٠٠٪ في احد الحساسات تبي النصيحه سوي فحص كمبيوتر يطلع لك المشكله مع اني متأكد انها حساس يجي اسفل السياره سبق ان جت معي 

انا من ملاك سنتافي واقولك أعطي الخباز يخبز ولو أكل نص الخبز
الوكاله على الضمان وأتحمل المشاوير ولا تدويها لأبو يمن ابو هنود ويلعب في حسبه أبوها 
وبدل المشاوير على الورش تصير معها مشاوير شرطه وشكاوي على الضمان ياعسل