وش تعني هذي العلامه في الطبلون

يعني روح جده واجلس تقهوى قدام نافورة الملك فهد بالحمراء

تشبه الصوره

يا اخي موية المساحات ناقصه لهذي الدرجه ما تعرف او شكلك تستهبل

يعني حتى لو اجيب بنت اقولها وش العلامه هذي تقول عبي موية المساحات وانت ساكت

معليش ماهو نقص فيك لكن سؤال مدري كيف جاي

ياخي الواحد مايولد عالم .. الرجال مايدري سد حلقك ولا عطه العلم ولا تتفلسف عليه .

بس ما يوصل عمره اقل شي 20 سنه ويعرف يسوق الا شي طبيعي يعرف العلامه هذي

العلامة واضحة موية مساحات

شسمه انا كنت شاك انه موية المساحات 

لكن قلت اتأكد يكون افضل

مشكلتي بصراحتي شكرا لك واتمنى انك تحسن من اسلوبك 

ابو يزن الله يوفقك يالذيب

لا العلامه هاذي واغلب العلامات ماجات الا في السيارات الحديثه .. يعني امكن توه يمتلك سياره حديثه وماعنده خبره بهالعلامات .

ههههههههههههههه

طيب شاك فيها زيدها مويه وتطفي

يعني لو انه زيت ماكينه تقول ما تبي تخاطر وتعبي زيت وتتورط

لكن موية مساحات حتى لو تعبيها فل مافيه مشكله

بس استفسار ياليت تجاوب بصراحه

ما يهمني كم عمرك

يهمني متى تعلمت السواقه او هل تملك سياره خاصه فيك او سيارة الوالد الله يحفظه 

مشكلتي بصراحتي بجاوبك مع اني مو مجبور

اقسم بالله العظيم اني اسوق من ٨ سنوات

عاد انت بتعرف كم عمري

الحمد لله كنت امتلك كورولا ٢٠٠٤ والحين امتلك ازيرا ٢٠١١ الموجوده بالصوره

طيب ماشاء الله

بس معقول 8 سنوات تسوق ولا تعرف العلامه هذي وش تعني

يعني اقل شي عمرك 26 سنه

لك طولة العمر بس والله توقعت استفسارك استهبال مثل بعض الاستفسارات اللي تجي 

بالتوفيق لك عموما زيد المويه واي استفسار تفضل 

واسف اني استهبلت عليك توقعتك تستهبل والله 

طيب 8سنين ولا مرة فكرة انك تفتح كتيب السياره وتشوف العلامات وايش تعني

وتحلها بنفسك يعني انت مره ماتبغى تتعلم بس تشغل وتسوق انا متاكد بكره يصير شي بسيط

بالسياره على طول ودها ورشه ماتعرف تسوي شي بنفسك تعلم اساسيات السياره

زي تغير الزيت وتغير الكفرات وفحص مستوى زيت المكينه والقير وفحص فيوزات السياره

ومن هاذي الاشياء الاساسيه ولازم تعرف اشارات رموز السياره الي تطلع على الطبلون

انصحك تقرا الكتاب حق السياره ولازم تعرف رموز المرور تقريبا اغلبها تعلم

ياخي مايصير كذا الانسان الذكي يفكر بحلول بنفسه قبل مايروح يشوف غيره اذا مره وصل

مرحله الياس يروح يشوف غيره وفي التجارب تعلم وفايده لك

بالفعل عمري ٢٦

وانا ما اعرف العلامه لأن في الكورولا ٢٠٠٤ ما كانت موجوده هذي العلامه

لا والله عادي لا تتأسف ما فيه شي

رايق السيارات انا قاري كتلوج الازيرا بس صدقني هالعلامه ما قد شفتها 

اما من ناحية الخبره ما عليك الحمد لله اخذت خبره من الكورولا 5 سنوات اذا كان تقصد الخبره الميكانيكه

انشهد ان مشكلتك بَ " وقااحتك '

رموز قد تجهلها داخل سيارتك


http://gmc.montada.haraj.com.sa/28668






سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

يا ليت واحد يشرح جميع العلامات الي بالطبلون من الى خاصة السيارات الجديدة و ينزلها بموضوع

٨٨٨٨٨٨٨٨٨٨٨٨
ادخل علي الرابط اللي حطه اهم وراح تستفيد منه ان شاء الله 

معناها الموتر مخبط ولازم تبيعه لان راعيه سبيكه

أعوذ بالله والله ما توقعتكم كذا لأني جديد بالمنتدى.. !!
ليه هالألفاظ السيئة  ؟ الرجال يسأل علموه واللي يشوف انه يستهبل لا يرد  أو ينصحه بترك الاستهبال
أما أنكم تستلمونه بالردود اللي شفته فهذي غريبة. 

ياخوان وش فيكم شبيتو على الرجال الله يهديكم الشخص لا يولد عالم اتوقع سؤال يقابله أجابه او اعتذار بعدم المعرفة وكفى