هل دبل الهيونداي قوي؟

لا وهو دفع أمامي أصلا ، دبله حلو لاكن مو حق كرف وتطعيس ، يعني إلكتروني وحق رمل خفيف يعني مره بالشهر تطلع هذا حلو ،،

أخوي نواف ، دبل أرضي ولا فرار ولا زر ما تفرق ، مهمة الدبل تشغيل الأربع كفرات بأي طريقة ،،

يا صاحب الموضوع أنا معي جيب كيا - موهافي ، قوي جدآ في الطعوس ، وأتحدى أصحاب التويوتا في التطعيس ، ولا أدري هل يفرق عن الهيونداي ، لأنه هو دفع خلفي بالإضافة إلى الدبل ..
أدخل منتدى السيارات الكـورية وشوف، فيه شباب مجربينه وكاتبين عنه ،،

وفقك الله

دفع أمامي يعني لو شبكت الدبل بتصير نسبة الدفع للأمام أكثر من الخلف ( ولا بريال) 

شكرا يااخوان وشكرا للي اعطاني ديس لايك والاخ ابو احمد دخلت منتدى السيارات الكوريه حصلتهم متعصبين لسياراتهم ولاابغى الا اجابات شافيه عن تجربه مو تعصب

خذ نيسان باترول او باث فندر

^ ملك الطاره ، عنصري جدآ لنيسان ، ويكره الكوري لأن النترا اللي معه أسوأ سيارة (حسب كلامه) ، وشوف كل ردوده وتعرف.


استخر ، وانت اختر الموتر حسب استخدامك، وطلعاتك للبر ، ولكل سيارة مميزات وعيوب، زي مثل الفورتنشنر يمدحونه في الطعوس ويسبونه في الطريق لقساوته ،،

وفقك الله

اخوي غير جيوب التويوتا لاتدور

ياخوي كنت اقول غير دبلات الياباني لاتدور
والله العظيم جربت دبل الامريكي اقسم بالله قوه جبارة ويتقارن بالياباني

الي يدور للطعوس والحبال لايفكر في غير تويوتا 

فوتشنر 
هايلوكس دبل 
لاندروزر 
اف جي 
برادوا
شاص 
ربع 

وبعض سيارات نيسان 

أبو أحمد ايه تراها تفرق دبل فرار ولا ارضي


الدبل الفرار او الزر نظامه على الكهرب ولو احتر راح يفصل ولو صار التماس كهرب ممكن يشكب عليك فجئه وانت مسرع

ميزة الدبل الارضي ابو عصى انه يتحمل ويعتبر من اقوى الدبلات

عشان كذا نشوف الجيوب الشاص حقت المكده دبلها ارضي عصى


بخصوص دبل الهونداي وغيرها فخذها قاعده

عشان تحصل على جيب قوي يتحمل الكرف والصخور والجبال والاوديه والرمل

تكون المكينه بالطول والدبل ارضي عصى واما المكائن المعترضه ودبلاتها الكهرب فهذي تمشي ماتقول لا لكن ماراح تعطيك قوه وتحمل مثل الجويب اللي مكاينها بالطول ودبلاتها عصى

راضي ي رجل نصيحة لو تبي تاخد برادو خد 6 سلندر لكن اربعة ماتمشي طعوس

هلا اخوي بالنسبة للدبل حال حال كل السيارات تطعيس وعلوم زينة لكنه يفصل ويصير يشتغل الدفع الامامي بس 
وماراح يفصل الا اذا ضغطت عليه يعني ترقى لك راس طعس مرتفع كذا مره تحاول تسحب لك سيارة مغرزة 
ومالك الا تنتظر الين يرجع  الدبل و يشبك من جديد
غير كذا امورك طيبة يعني لو تمشي على رمل من اليوم لين بكره ماراح يفصل 

السلام عليكم 

اخوي عاصف اي سيارة تستخدم اوف رود سواء كان تطعيس او جبال 

لازم يتوفر فيها نقاط 

دفع خلفي 

دبل يكون دفرنس امامي كامل زي الشاص او الربع او نص دفرنس اكسلات 

خلوص السياره مرتفع يعني بطن الموتر مرتفع مع سست 

زاوية الخروج والدخول للسيارة تكون ضيقه يعني تكون المسافه بين الصدام والكفر قليله 

قرب محاور السيارة 

الافصل تكون 6 سلندر لان الاربعه يبرد عزمه في المراقي الطويله او الحاجه للعزم وقت طويل والثمانيه صرفية بنزين عاليه

انت بغنى عنها 

يفضل وجود دف لوك لتجنب التعليقه في حاله ثولث الموتر 


واغلب ما ذكر يتوفر في تويوتا ونيسان وبعض الالماني مرسيدس جي ولاند روفر دفندر 

مكينه بالعرض ((دفع امامي )) واربعه سلندر جنب الازفلت زين لكن لاتبعد