بخصوص الورش يانشاما

فيه الفاتح وفيه المقفل والاغلب مقفلين على حسب العطل الي عندك .

إيه العطل بسيط ان شاء الله  حبيت أتأكد  لأني بنقلها على سطحه

ورش الشفا اللي بجنوب الرياض ( صناعية الشفا ) تفتح يوم الجمعه بعد صلاة العصر

وإذا حاب أشوف لك ورشه أنا حاضر

لاتروح اليوم ترى السعر بيكون اغلى لانهم عارفين انك مضطر والا ما جيتهم يوم العطلة !

لا ، السعر يكون كويس ، وأنا متعامل مع ورشه في صناعية الشفا إسمها ( شمس ) عندهم سمكره ورديترات وميكانيكي بس ماعندهم كهربائي
وأسعارهم حححلوه

الله اكبر وش الورشه ووين موقعها

.bansq العطل بسيط في جلده العكس

إسم الورشه ( شمس ) في صناعية الشفا ، موقعها واضح ، إذا إنت جاي للورش راح تكون يمناك محلات قطع الغيار ، إمش إلين يجيك آخر يوتيرن يسار ، ديور معاه وإمش سيدا إلين تجيك محطه فيها صراف الإنماء ، إذا وصلت للمحطه راح تشوفها قدامك

طبعا راح تجي المحطه على يمناك ، وإذا ديورت مع اليوتيرن راح تكون في وجهك ورشه إسمها ( سلطان ) أبد إمش إلين تجيك المحطه اللي فيها صراف الإنماء مع العلم هي المحطه الوحيده اللي راح تصادفك على صفة الورش ،

إذا رحت لهم فيه يمني حق الرديترات إسمه ( عصام ) قله أنا جايك من طرف راعي الكيا المطوع ( ريو )، صحيح ماله دخل في جلدة العكس ، لأنه متخصص رديترات لكن راح يخليهم يخصمون لك إن شاء الله

والله ياخوي ابراهيم السياره ماعاد تمشي وتسمع احتكاك الحديد من اول ماشغل السياره

والله مدري بس الصوت في الكفرات الاماميه والسياره ادوس لها ماتمشي 

والسياره أشغلها بالفاضي ويطلع الصوت واذا ظغطت كلتش راح الصوت 

ياليت تفيدنا ومشكور وماتقصر

العطل اللي عندك فحمة الكلتش يعني لازم تفك الجيربكس وتغير الدسك والصحن والفحمة كاملة @