شباب وش رايكم بالنترا 2014 فل كامل وش افضل لون

استخدمت النترا 2012 عزمها فوي والله كنت اطعس عليها ومجربعينها ونهجول عليها هههههههههه
وما قد خرب فيها شيء لللين بعناها تشليح وركدنا :)

2012 وتشليح
الشكوي لله مااقول الي الله يصلحك ويهديك بس

سيارة حلووه وزوينه وعلى راتبك طيبه....
انصحك بالوكيل الوعلان افضلهم

على حسب قيمة السياره ونسبة البنك واذا كانت شركتك معتمده او لا .. لكن انصحك اولآ اذا كنت بتطلع منتهي بالتمليك
قدم على البنوك واستبعد جميع الشركات تأجير واليسر كلهم حراميه وان كانت شركتك معتمده عند جميعها قدم على البنك العربي الافضل بالنسبه واحذر من مصرف الراجحي
تراي موظف فيه والسياره عندهم يعتبرونها مديونيه
نسبة البنك العربي %3.99 وشوري عليك .. لو تاخذ مازدا 6 تراها حلوه وجديده وانتشارها مب ذاك الزود يعني تكون
شوي مميز بخلاف النترا 

غير كذا اذا اخترت البنك اللي راح تقدم عليه وتم قبولك .. لاتقدم من الوكاله رح للمعارض وبتلقى ارخص فرق تقريبآ
3000 الاف ريال وعن تجربه خذ منهم عرض سعر وقدمه على البنك مركز التأجير والله يسهل امورك..

كاسياره مادري انا عندي ٢٠١٣ ماشي حالها الحمد لله بالنسبه للون لا تستشير احد شوف اللون اللي عاجبك 

افضل وكيل : الوعلان 
افضل لون : ابيض , بحري , بيج 
وانا انصحك فيها وبقوة 
والله يوفقك لما يحبه ويرضاه

  اهم  شيء لون فاتح ابيض رصاصي   ذهبي      

شباب انا في ذكرت استخدامي السيئ ليستفيد الرجال
تخيل تسال رجال ما يتعدا 120 عن الرساوه وعن عزل الصوت
والله لو انها اكسنت موديل 90 بيشوفها ممتازه
انا سيارتي الحاليه ما شريتها الا وانا شايف الشباب كيف كارفينها وتتحمل ولو فيها عيب كان قد طلعت من استخدامهم السيئ
فهذي هي وجه نظري وشكراَ

والله الموتر كفو واحلى لون جملي 

اخويا خذ النصيحة مني وانا اخوك فل كامل يا عودي - حليبي افخم لونين او اذا كان انت حق تزبيط وشبابية خذ فضي يصلح عليها كل الاكسسوارات على اللون اما فخامة زي ماقلتلك(ولك جزيل الشكر)

ومن ناحية دهك او كرف ارفع يدك والله تمام 

والله يا طيب انا لقيت 2013 نص فل كشافات وريموت واشارات مرايا وتحكم طارة ب55800 حسبلي شركة اليسر دفعه 5500 والقسط 1042 المجموع 80 الف تقريبا والفل كامل ب61 الف جنط وفتحة 

قبل نصف ساعه كنت عند الوعلان 2014 كاش 74000