أضف سؤال أو موضوع جديد          

شباب خبرتكم ايش اسوي صدمني وهرب

up 3 down 2
ريد بول 113
قبل 7 سنه و 3 شهر



السلام عليكم ورحمه الله وبركاته

اخواني اليوم صار علي حادث واحد لف علي وصدمني بجنب السياره الايمن وهرب

لحقته وحديته وبواري وتكبيس وماوقف حسبي الله عليه

اخذت رقم لوحه السياره ودقيت على المرور وقال ارجع لمكان الحادث
رجعت له وكل مادق عليهم يقولون بيجيك كملت اكثر ثلاث ساعات ونص وكل مادق 
يقول راح يجيك 
مليت من الانتظار بعد كل هذي المده خلاص ما اقدر طابت النفس 
قلت بكره بروح للمرور بنفسي واشوف الموضوع

لكن ماعرف كيف وايش اسوي اروح او ادق عليهم بكره او ايش اسوي

شوروا علي ياوجيه الخير







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعوض عليك

و حسبي الله عليه اذا ما كان عنده عذر


up 2 down 0
قرنقش -12
قبل 7 سنه و 3 شهر



والله وانا اخوك انا صارت معاي نفس القصة وعلمت المرور وقالوا لي انهم سوو تعميم على السيارة الي هربت من موقع الحادث وراح يجيبونه

هذا الكلام قبل 5 سنوات
والى يومك هذا وهم ماحصلوه ههههههه ما اقول الا الله يعوضك خير ويفكنا شر الحوادث


up 2 down 0
lonely1360 -6
قبل 7 سنه و 3 شهر



أنا كنت ماشي في الخط الايمين ومن جنبي مواقف اسواق

المهم اني مشيت و واحد دق رويس من المواقف من دون ما يشوف وانا ادقق بواري وابغا الف يسار 

بس فيه سياره من جنبي

وصدمني من الرفرف الامامي الى الرفرف الخلفي

وطاحت الازياق و طاحت الفايبر الل على الابواب

وهو بس الصدام حسبي الله عليه

وطلع من السياره مثل المجنون اللي مو مصدق وش اللي سار

وقلت له سلامات وش فيك داق الرويس باقوا ماعندك و لا تشوف اللي وراك ؟؟

وهو انخرش وقال اهم شيء سلمت اهم شيء سلمت

وقلت الحمد لله انا سلمت وما فيني الا العافيه

ورحت جمعت الفيابر و حطيتها بشنطته السياره

وقال ياخوي تراني مسامحك !!!

كنت بأضحك ذاك الوقت , هو الغلطان ويقول مسامحني

المهم قلت له 

دق على نجم عشان يقدر الحادث

وانت الغلطان و انا الصح

وهو يقول لا انا الصح وانت الغلطان

قلت طيب , بس انت دق على نجم

قال تكفى ترا مامعي تأمين

وقلت وش ذنبي انا

هرشت الجنب كامل علي

و تبيني اسامحك ؟؟

المهم انحرج

وانا رحمته

لكن وش اسوي 

السياره سياره الوالد و 2010 بعد

المهم في واحد دق له بوري قال وخر سيارتك ابي امشي

وركب سيارته وقدمها قدام

ورحت عنده وقلت دق على نجم وخلهم يجون لان جوالي مافيه شاحن

قالي طيب

وانا قلت له بروح اشبك جوالي في السياره واطلع الرخصه والاستماره والتأمين

وانت بعد جهز اوراقك 

وقال طيب

المهم زاد قدم السياره قدام شوي

وانا بحسن نيه قلت يمكن عشان الناس

وقعدت اطلع اوراقي

وبعد ما طلعتها لفيت اشوف راعي الكامري

الا وراعي الكامري ماهو موجود

شرد

انا لله وانا اليه لراجعون

المهم كلمت نجم وما كملت 20 دقيقه الا وجاء شاف الحادث

وقال حتى لو انت الغلطان 100% و الخصم شرد

انت بتكون الصح 100% وهو الغلط

واهم شيء رقم اللوحه معك

قلت ايه وعطيتهم اياه

وكلمنا المرور وطول وبعدين جاء وسجل كل شيء

ومشيت وبكره راجعتهم و طلع فعلا رقم اللوحه صحيح  والكامري نفسها

وقالوا خلاص

رح قدرها عند شيخ المعارض و بعدها رح للثلاث ورش وقدر التكلفه

و عطنا التكلفه الوسط و نخليه يدفعها لك رغم انفه

المهم تذكرت الولد

وذكرني بنفسي قبل لا اطلع رخصه كنت اخاف اذا حكيت او صدمت

وقلت تدري يا رجال

انا مسامح الرجال ومتنازل عنه

قالوا بكيفك

ولكن الحين المرور بيقفل وما يفتح الا يوم الاحد ,,ذاك الوقت الخميس بعد الظهر

وسحبت عليهم ليومك هذا

وانا سامحت الولد

مع ان ضروفي صعبه اليومين

لكن تسلفت الفلوس وجيت اعطيها الوالد

والوالد قال يارجال عوافي واهم شيء سلامتك

لكن وعد مني اصلح له سيارته بإذن الله

و انا سامحت الولد لعل الله يفرج عني كربه

مثل ما فرجت عن الولد هذا كربته

وابشرك بفضل من ربي

فرجت لي كرب كثيره 

وما ادري ايش السبب

بس هذا الموقف , سبب رئيسي لفرج احد همومي

تحياتي لك ومعوض خير


up 11 down 6
أبو يزيد 000 259
قبل 7 سنه و 3 شهر



المرور ايام زمان يجيبونه يجيبونه. اما هالأيام الله يعين


up 2 down 0
iadnuyh 842
قبل 7 سنه و 3 شهر



ههههههههههههههههههههههههههههههههههههههههههههههههههههههههههه

ياخي كم احب يا ابراهيم 

انا كباس 8 سلندر

اذا مشا ما يوقف :)


up 1 down 0
أبو يزيد 000 259
قبل 7 سنه و 3 شهر



والله تجيب راسهه  شوفلك اي احد من مباحث او المرور يطلع للك بيته لانه يمديك تجيب من موقع سكنهه من رقم اللوحه


up 1 down 0
ayyash511 -13
قبل 7 سنه و 3 شهر



ابقول   قصة  اخوي   لعلك   انت  والجميع  تستفيدوون


اخوي   كان  بيطلع  من الرياض للقصيم
وبياخذ الكبري    المهم   ظرب   راعي  جمس   وطار الجمس بالاشجار  مدري  وين المهم طار  هناك  ونزل طلع  سايق  وكلام  منه   ومنه  وزحمة  المهم  موتر اخوي بس رفرف ويتلها  اخوي  وتوقع انه  ما  اخذ اللوحه ولا  يلتفت عليه  الا بعد  صلبوووووخ  هههاي
المهم    دارت  الايام  والشهور  ويتصل ذاك الرقم ع اخوي   وهو  السايق  وطلع  ملوسن  وفااهم  قال انت صدمتني  ونا  اخذت  الوحه  وكلمت  المرور  وعطوني  رقمك  قالو  تفاهم   معه  واذا  ما  اعطاك  حقك حنا نتفاهم معه  نهاية  القصه   اخوي  شاور  شباب  فاهمين  قالو   اذا  ماعطيته  حقه  بتوقف  جميع  خدماتك   
كلم  اخوي  السايق  وقال  السايق  ابغا  5000  ومكاسرات  الى 4000

وبعدها  على طول   امن   اخوي

اسف طولت  عليكم  بسردها  


up 0 down 0
امير الاصيل 1714
قبل 7 سنه و 3 شهر



اذا سيارتك مأمنه تأمين شامل .. قل لقيتها مصدومه ولا تقول صادمني وهرب ..
وخل الإجراءات تاخذ مجراها وراح يجيك تعويض أما إذا قلت هرب .. فـ أنتظر لين يجيبونه لك ولو بعد سنه ..

أما إذا السياره ماعليها تأمين فلا تترك حقك بلغ عنه وتابعه لين تجيب راسه وإذا ماعرفته فـ الله يعوضك خير


up 0 down 0
p7oo7p
قبل 7 سنه و 3 شهر



اذا بتكون حبيب وبتنتضر المرور غن ياليل مطولك لنك بتجلس عشرين سنه ماجاك حقك ولا جابوه...عشان كيذا معك رقم لوحة شف لك واسطه واضمن لك ثلاث ساعات بالكثير وهم محضرينه 
صارت لواحد اعرفه صدمه واحد شال له الجنب كامل واخذ رقم لوحته بلغ المرور قالو نعمم عليه الرجال انتضر شهر ماجابوه كلم واحد ملازم اول بالمرور...دخلو رقم لوحته وطلع لهم جواله وعنوانه وسيرته كلها اتصلو عليه قالو حضر عندنا بمرور الناصريه وتوقف بالحجز يومين لين قدر الرجال سيارته ودفع المبلغ كامل مكمل قالهم التامين يدفع قالو تهرب ويدفع عنك التامين اادفع ولا خس بالتوقيف 
معك واسطه تمشي ماعندك صلح موترك ولا تنتضر المرور يجيبه لك 
ولا رح لسبق ترى يجيك حقك علطول ههههه


up 1 down 0
شروكي 2007 181
قبل 7 سنه و 3 شهر



عندك هنا واحد من الاعضاء اظن اسمه حمد االدهمشي في المرور كلمه يمكن يفيدك بالتوفيق 


up 0 down 0
راكان-505 7169
قبل 7 سنه و 3 شهر



دامه صدمك وهرب بلغ المرور وقولهم الرجال طلبت منه يوقف لغاية يجي المرور
الا وهو مطلع سلاح في وجهي 
وبيحضرونه الرجاجيل 


up 0 down 0
elantra 6639 482
قبل 7 سنه و 3 شهر



بيض الله وجيهكم 
وماقصرتم كلن بسمه
لكم لايك مني لكم على ردودكم الي تثلج الصدر 
وشكلي بتركه لوجه الله عسى الله يعوضني وجعلها آخر المصايب 


up 0 down 0
ريد بول 113
قبل 7 سنه و 3 شهر



الباقين بكره اكمل لهم لايك لانه يقولي لا يمكن اكثر من ٧ تقييم ايجابي


up 0 down 0
ريد بول 113
قبل 7 سنه و 3 شهر



ياخواني اليوم واحد صدمني جاء يسقط على من يمين وانا ما انتبهت للصدمة وكملت طريقي صدمة خفيفة الله يعوض صدام بس ٣٠٠ريال لكن مادري وش اسوي اخاف يبلغ علي


up 0 down 0
فلان.خان -6
قبل شهر و أسبوع