وش الافضل برقع جلد للوجهية ولا لزق شفاف من 3m

البرقع بطلوهه ويبيخ شكل السياره اللزق ممتاز وأكثرهم طالعين عليه لسيارات الجديده. 

طيب اللزق مايضر اذا فكيته بعدين ؟

البرقع ينفع حق سفر بس لان شكله يطلع كأن سيارتك في صور تجسسيه خلك ع اللصق ويصير تبدله كل ما احتاج يكون له مده تروح تغيره 

البرقع ينفع حق سفر بس لان شكله يطلع كأن سيارتك في صور تجسسيه خلك ع اللصق ويصير تبدله كل ما احتاج يكون له مده تروح تغيره 

البرقع يجرح البوية واللصق افضل حتى الشمعات باللصق يطلع النور واضح عكس البرقع

شف يا طويل العمر

إذا أنت تمشي خطوط بشكل يومي أو أسبوعي اللاصق الشفاف أفضل شيء لكن خذه من شركة معروفة ويكون عليه ضمان

وإذا أنت سفرياتك نادرة فأنصحك بالبرقع، فصله وخله في الشنطة ووقت ما بغيت تسافر تركبه لكن أهم شيء الي يفصله يكون فنان ويشده على وجه السيارة صح وبيكون حماية أفضل مع سعر أرخص

والله انا ساكنت بالرياض واداوم بالخرج يوميًا
وشكلي بركب اللزق الشفاف
طيب وش الافضل ثري ام ولا درايف سفن ولا لومار ولا اذا فيه شركات ثانية ؟
وكم مدة ضمانهم ؟
وكم يكلف ؟

وانا اخوك انت رح واسال لان سيارة عن سيارة تفرق وعلى حسب الشركة انت حاول تشوف لك افضل شركة وبأقل الاسعار يعني لايغرك الاسم بس انها ثري ام ولا درايف سفن شف اللي عندهم خصم كويس وبكم تطلع عليك وكم الضمان فيه اوتو جت اخوي مسويها عندهم على اللكزز قالوا لمدة 10 سنوات ... بالتوفيق ياغالي ومبروك على السيارة

الله يبارك بـأيامك اخوي

ويعطيكم العافية جميعًا ياشباب واعذرونا ان كان طولنا عليكم

لزق شفاف افضل  ما يخلي لون الأنوار اصفر ولا يحتمي ويلصق ع النور 

 البرقع مع الخط يحك ف البوية لكن سولك حمايه للوجهيه 

زيبارت شغلهم ممتاز

خذ العلم مني

جلد الجزاز الامامي من برى عازل كوري ب 50 ريال


فصل برقع للواجهة و المرايات ب 300 كحد اعلى و لا تركبة الا اذا جيت تسافر و خلاص

برقع لاتركبه الا اذا جيت تسافر ،، يخرب منظر وشكل السياره

انا مادري ليش الناس تركب برقع او حماية.. اشياء مالها داعي ..

ياخي اطلع بموترك واذا جاه شي رش الموتر ب600 ريال في ورشة محترمة وتكون تستخدم كل شي اصلي ..

وراح يرجع الصدام وكالة

شكل يا بسدك ما قد قابلك سافي في الطريق

السافي او العج يعدم الواجهة كاملة ما هو بس الصدامات

يعدم:
1- الصدام 
2- الشمعات
3- الكشافات (ان وجدت)
4- الشبك
5- الجزاز الأمامي
6- اغطية المرايات
7- بعض الأحيان اطراف الكبوت و الرفارف اذ

اذا السافي او العج قوي 

فويش بتوي الست مية ريال الي قلت عليها

رش الصدام 600 و اغطية المرايات

الشمعات 2000 ريال

الشبك 1000

الجزاز 2000 ريال

و ممكن ترش الكبوت و الرفارف ب 2000

انصحك بفلم حمايه ممتاز من أحد الشركات 
ويكلف حول 1600
عند كار كير إكسبريس