أضف سؤال أو موضوع جديد          

تم حل المشكله الحمد لله

up 19 down 4
Saleh Al Masri 644
قبل 5 سنه



السلام عليكم ورحمة الله وبركاته

في البدايه أشكر الله على فضله 

واشكر كل من تفاعل في الموضوع اللي طرحته قبل يومين 

هذا الموضوع قبل يومين 
ابغى ورشه متخصصه بسيارات هيونداي 

عندي أزيرا 2008 2.7 6 سلندر ماشي 186000 كم

واجهتني مشكله بالسياره قبل أربعه أيام كنت راجع من مشواري قبل ما اقف تماماً حسيت ب نتعه متتاليه 

لمده دقيقه تقريبا بعدها طفيت السياره ودخلت البيت بعد ساعه خرجت وشغلت السياره وحصل نفس التنتيع

وبعد ثواني سمعت صوت أحتكاك وطفت السياره ورجعت شغلت السياره وزاد صوت الاحتكاك وطفيت السياره

والى اليوم ماشغلتها 

طبعاً جا في بالي على طول سير التايمن وبعد تحليل ذهني شكيت ب طرمبة الزيت 

عاد الى الان محتار وش اسوي الوكالة غاليين ومواعيدهم ممله والورش انت وحظك
 
فحبيت أسألكم اللي يعرف ورشه بجده متخصصه هيونداي أو اللي حصل له نفس المشكله يفيدني الله يجزاكم خير 

علماً أني شيكت على الزيت أمس ممتاز مافي أثار رايش ولا ريحه ولا مسود ولا ناقص 

اسف عالأطاله وشكراً 

___________________

طبعاً أمس رحت لورشه بجده في صناعية الشمال وشرحت لهم المشكله وقالو جيب السياره 

رحت لحقين السطحات واتفقت معهم وجبنا السياره للورشه 

على الساعه 2 ونص ظهراً قالو خلاص نفحصها بعد صلاة العصر قلت أوك لاتشغلون السياره الا اذا جيت

المهم جيتهم بعد العصر شغلنا السياره طلع صوت طقطقه عاليه دعس بنزين وما كنت راضي المهم طفا السياره

وقالي طرمبة الزيت جينا لمربط الفرس " السعر " طبعاً تفاجئت قالي " شغل يد " 3000 ريال ينطح ريال 

ماعجبني الكلام وبعد مفاوضات أستمرت لبضع دقائق قالي روح جيب ( فلتر أصلي وزيت ) على أساس

نبدأ بالاشياء البسيطه وفعلاً انطلقت على قطع الغيار وأشتريت فلتر زيت أصلي ب 15ريال وخمس علب 

زيت ب 75 ريال ورجعت للورشه ودفينا السياره للبنشري وغيرت الزيت عنده ب 20 ريال

وبحمد الله وفضله عليه أن المشكله انحلت بدون خسائر 

البنشري قالي الفلتر اللي كان على السياره تجاري 

الخلاصه 

التكلفه الأجماليه 210 ريال  

كنت بخسر المكينه بسبب فلتر تجاااااري حسبي الله ونعم الوكيل 

من الان ورايح فلتر الزيت من الشركه وأرخص من البناشر 

أعذروني عالأطاله .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تألمت فتعلمت فتغيرت كلامك سليم 100%

الحمد لله عدت على خير

أمس مشيت تقريبا 250 كيلو بس عشان أجربها لأني مسافر بكرا عالرياض الله ييسرها 



up 2 down 1
Saleh Al Masri 644
قبل 5 سنه



الحمد لله وربنا بيحبك ما دخلت في قصص ومتهات اشكر ربك وشكرا علي افادتك الجميله 


up 2 down 0
لا يوجد اسم 64
قبل 5 سنه



اشكرك على كتابة الحل واخر المشاكل

وفي نقطه ذكرتها فعلا صحيحه ومستغرب منها

الفلاتر برا اغلى من الوكاله 

هذا ان دل دل ان الشعب السعودي فسقان ودفيع

يدفع الريال ورا الريال ورب الكعبه


up 5 down 0
ابوووجووود 277
قبل 5 سنه



الف شكر لك اخوي صالح

وياليت اي مشكله تواجهه الاعضاء ويتم حلها 

يكتبوها لنا لعلها تفيدنا جميعا

اكرر شكري لك وتستاهل احلى لايك


up 1 down 0
ابو يزيد 000 8697
قبل 5 سنه



الله يكثر من امثالك 



يا اخوي صالح والله العظيم ان الفلتر بالوكاله أرخص من البنشرجي 
وكم مره نتكلم وننصح بس للأسف ما فيه احد يسمع انا اشتر الفلتر من الوكاله 
وأبدل برا عند بنشرجي ثقه وانا اخوك فلتر الهونداي بالوكاله أرخص من البنشرجي 
وثاني شي الله لا يوفقه لا بدنيا ولا باخره ليه ٣٠٠٠ ريال يبدلك طرمبة الزيت طرمبة 
الزيت كلها مسمار واحد بعد ما يفك الكارتير وما يأخذ معه ساعه الشغل بالكامل 
و٦ ريال حق السيلكون للكارتير بس هذا نصاب يستغل ظروف الناس والله ان تبديل 
الطرمبه من اسهل ما يمكن وأي واحد غشيم بالميكانيكا يبدلها بس قله فك كذا وسو كذا
بس ما اقول الا الله يمحيهم عن الارض ويبعدهم عن وجهينا .
واحمد ربك يا اخوي صالح ان افتكيت منه وطلع العيب من السيفون .
تحياتي


up 1 down 1
foxzx 1582
قبل 5 سنه



أشكركم جميعاً على مروركم العطر وتفاعلكم 

أنا بصراحه سعيد بأني أفدت غيري وأحنا هنا لنستفيد من بعض 

بارك الله فيكم جميعاً

الحمد لله على كل حال


up 3 down 0
Saleh Al Masri 644
قبل 5 سنه



كفو واكثر ما عجبني شرح المشكله وعلاجها  الحمدالله بدا المنتدى يرجع بقوه بفضل الاعضاء اللي يحبون الخير للناس 
بارك الله فيكم جميعا


up 2 down 0



الصراحة استفدت من موضوعك والحمد لله انها انحلت واحلى لايك
تحياتي


up 1 down 0
soto 145
قبل 5 سنه



اخوي والله صار مع حدا اخوياي نفس المشكلة هذي وخربت عليه الماكينة بسبب فلتر تجاري واظطر انه يوظب المكينة
والسيارة 2008
ياخي والله شي يقهر بس الواحد لازم يتعلم وماراح يتكلف زيادة بالعكس الفلتر الاصلي اقل في الغالب بسبب استغلال البنشرية
حمدا لله على سلامة موترك وانتبه ترى الاشياء البسيطة هذي تحتاج اهتمام وحنا اغلبنا نستسهل الامور


up 1 down 0
قمم المجد 364
قبل 5 سنه



من الأفضل لك أن تشتري كمية من الفلاتر من الوكالة وعند تغيير الزيت تأخذها بنفسك للبنشري أضمن لك من الفلاتر إلي عند البناشر .


up 1 down 0
رعد 4 3198
قبل 5 سنه



الفلاتر الى عند البنشرجيه تجاري وغاليه وفي الوكاله اصلي ورخيص وبلمره خذلك كرتون زيت وتوفر فيكل تغيرة زيت 30ريال على اقل تقدير


up 1 down 0



صدقت يابوعمر تدري فلتر 45 ريال !!عند البناشر 


up 0 down 0
الصقرالشمالي 65
قبل 4 سنه و 4 شهر