اسعار القير

افيدونا يا اهل الخبرة

من عقله بتشتري قير من الوكاله بتحصل سعر القير في الوكاله في حدود 10 الاف اذا مو اكثر

با الله 10 الف 

معلش احسبك تقصد قير اتوماتيك هو الغالي
اما العادي مدري عنه ممكن ارخص بس وشفي سيارتك ممكن حلها بسيط بعض الورش اذا ماعرف قال غيره كامل

القير عادي وكله سليم التعشيقات من 1ال5 بس 3 هي الي يها المشكله وديتها كذا ورشه قالو نحسة الثالث بس ماراح يدوم معك بيخرب

لن كبس الورش يختلف عن المصنع لنه يشتغل بروبورت الالي 

القير با الوكاله  غالي جدا  رح تشليح

اي واحد بيفك بطن القير ماراح يرجعه مثل اول .. اقصد القير العادي
رح التشاليح تلقى بس مو شرط حق 08 دور على حق 06 - 07 شوف موديل ثاني بنفس الشكل اهم شي يركب بس
وتلقاه رخيص وابعد عن التوضيب . لو انه توماتيك معقول ... سلام

ورشة الموسى افضل لقيور العادي بالرياض




اذا صار السالم للزجاج اللي بطريق الخرج على يدك اليسار اطلع يسار 




اول اشاره تجيك سيده




اول تقاطع سو يوتيرن خذه وارجع




ثالث دخله بين بوفية ابو قوس وابن شملان اطلع يمين 




ثاني تقاطع يجي على يسارك 




وهذا رقمهم 




0507163947








واسال عن احمد السوري 

نفس المشكلة في اكسنت 2005 النحاسات لمن ترجع من الرابع للثالث تسمع صوت التروس 
والحين القير معدوم ماتعشق ريوس صراحة صناعة رديئة وانصحك تغيره لقيته في التشليح ١٣٠٠

كم سعر قير فلولستر