لقيت النترا 2008 رخيصة تنصحوني فيها؟

احسها ماشية كثير بحكم موديلها لكن افحصها وشوف اذا مافيها مشاكل استخير ربك

بالتوفيق

اهم شيء تفحصها , الشريطيه هذولي يبيعون دينهم عشان مكسب 500 ريال , ويحلف على الله كذب , الله يخلف عليهم بس , 

اذا طلعت سليمه ومحركاتها نظيفه

خذها وتوكل على الله , وما يحتاج معروفه الانترا وخصوصا القير عايدي ومكينه 2000 سي سي , راح تعيش معك بإذن الله عمر طويل بدو مشاكل ,, التكاسي كلها النترات 2008 عايدي و عدادها فوق 400 الف ولا ركبته ما فيها اصوات طقطقه وعزمها قوي 

جزاكم الله خير اجل بتوكل على الله وبروح المعارض بكرى افحصها  بس المشكلة يقول  منت فاحصها لين تعطيني عربون

اول شئ استخير
ثاني شئ افحصها
افحصها
 افحصها 
ومبروك مقدما 

الله يبارك فيك 
وهل السيارة تفرق اذا كانت مستخدم او سيارة مكتب ايجار؟
لان الي باخذها تبع مكتب

افحص الموتر آولآ .. آذا طلعت فيها مشاكل اصرف النظر 

افحصها   وشيعها    وحللها    بعد
لان  الانترا   دايم  مع  الاجره   والتاجير
امحطها   بخط   الى  سرعة  140
   وشوف  رجه  حذفه   قيرها   وتبديلاتها  
  المهم  اذا  اعجيتك   سيده  على  الفحص     للاطمنان

والله  يوفقك  بالطيب   

دامها كانت لمكتب إيجار انصحك لاتخذها لو وش السياره كانت من رجل لرجل وكرف فيه كل واحد اخذها يقول باحلل الفلوس الي دفعتها فيها 
ثاني شئ هذا الشريطي يقولك انها ماقد جاها حوادث وهو وش دراه عن ماضيها هو توه شاريها من يومين علشان يترزق منها 

لمكتب ايجار لا تقرب من سيارة وتخسر نفسك فحص ، انحش. ولا تفكر.   

لا ياشيخ ويبغى عربون 
اسحب عليه البلى وشف لك النترا ثانية بتحصلها كثير وأسعارها حول الكلام إلي تقوله

جزاكم الله خير اجل الله يعوضنا ب احسن منها وما قصرتم على النصيحة

كنت برد بس سبقوني العربون مايرجع وهذا يبيه قبل الفحص طيب انا ابي افحص عشان اعرف هي نفس ماانا ابيه والا لا اذا طلعت خرابات وش انا مستفيد

انتبه تكون تكسي محولة خصوصي 

لانه واحد اعرفه اشترى وحدة نفس اللي تتكلم عنها طبعا 2007 ب14  الف 
وانا جربتا اقسم بالله زبالة الله يكرمكم تمشي فيها 40 رجة الكلتش فاضي 
فضاوة في الدركسون بشكل عجيب اول ماجربتها قلت في نفسي هذي شكلها كانت تكسي
والله ماتنفع بريال