هيونداي النترا 2012 مواصفات تركيه

15 4

لايمكنك التصويت حتى الحصول على 20 نقطة على الأقل
إضغط هنا للإخفاء

Saleh Al Masri 644
قبل 10 سنه و 8 شهر

السلام عليكم ورحمة الله وبركاته 

صباح / مساء الخير 

أمس أحد الأعضاء نزل موضوع أستفسار عن هيونداي أزيرا المهم كانت الردود بحسب وجهات النظر 

أخونا  pirlo.z كتب رد أنو 
V V V V V
اذا زاد الطلب ارتفعت القيمه
شوفو اسعار سيارات هونداي قبل سنتين وشوفو سعرها الحين 
خذلك مازدا 14 ستاندر ووفر الباقي احسن لك
اجل سياره فوق ال 90 ومافيها غير ارباق 
رح جنب الوكاله تلق سياراتهم متكدسه كلها تالف عشانهم يجيبونها بدون اي بي اس
وانا احد الضحايا
________________
طبعا أنا رديت باللي عندي وسردت له المواصفات 
أخوي pirlo.z   النترا 2012  فيها 
+ 6 ايرباج (2 امامى -2 ستائر جانبى-2 داخل المقاعد الامامية)
+ مرايه داخليه ذاتية التعتيم مع كاميرا خلفية
+ نظام ثبات الكترونى ESP
+ مانع انغلاق فرامل ABS
+ مانع أنزلاق traction control 
+ نظام توزيع قوة الكبح EBD
+ حساسات خلفية مع مؤشر في لوحة العدادات ( الطبلون) 
+ مكيف لمس منفصل للراكب والسائق ( تقدر تغير درجة الحرارة للراكب لوحد)
+ مثبت سرعه و تحكم بالمسجل من الطاره
+ أنوار ضباب خلفية وأمامية 
+ بصمة أو دخول ذكي اللي هو 
+ تشغيل بزر start engine
كل هذا ب 60800 ريال  
____________
طبعاً رجع رد علي 
V V V V
ممكن تقلي هذي وين يا صالح
اتحدى الوكالة تجيب هذي المواصفات
________
وهذا ردي له 
السياره وكيلها الناغي جده 
لا تتحداني ولا شيء روح الوكالة وأسأل 
أو أذا تبغى أزودك بالصور أنا حاضر  
____________
ورجع رد مره ثانيه 
V V V V V
سيارات هونداي لها اكثر من 7 سنوات تجي بايرباق واحد فقط
واذا لقيتت مانع انغلاق فانت محظوظ
والحين تبغاني اصدق كلامك !
صدقني لو القى هذي المواصفات بهذا السعر بشتري ونا مغمض
اذا انك صادق نزل موضوع مع الصور عشان نشوف 
^^^^
يعني أنا كذاب ______________________________

طيب أنا وش مصلحتي لو كذبت عليك أو على غيرك 
أنا الان أستخدم النترا 2012 مكينة 1600 سي سي طبعا السياره مو فل كامل 
مقاعد جلد وقماش 
بدون فتحة سقف 
جنط 16 
قير تيبترونك 
مقود تليسكوبي 
مرايه تعتيم ذاتي + شاشة صغييره مدمجه بالمرايه للرجوع للخلف كاميرا خلفيه
سي دي أم بي ثري + مدخل ايبود + AUX
مكيف  منفصل السائق عن الراكب 
مثبت سرعة + تحكم بالمسجل + عداد الرحلات 
6 ايرباقات = 2 أمامي 2 جانبي في المقاعد 2 ستائر 
+ نظام ثبات الكترونى ESP
+ مانع انغلاق فرامل ABS
+ مانع أنزلاق traction control 
+ نظام توزيع قوة الكبح EBD
كشافات ضباب أماميه وانوار  ضباب خلفية  
حساسات خلفية 
تشغيل بدون مفتاح
دخول ذكي بصمه

هذي السياره حسب ماعرفت من الوكالة أنو مواصفات تركيه وهي دفعة كانت مخصصة لسوق تركيا

في الأخير أنا ما أنكر انو بعض وكلائنا لعابين ونصابين وانهم يجيبون أردء المواصفات وبدون ABS

وسيارتي أزيرا 2008 أستاندر أقل نوع وبدون ABS  ومن الناغي 

اسف على ردائة التصوير 
___________________

وهذا تقرير من أحد المنتديات لشخص يملك نفس السياره أشتراها من الناغي جده
في هذا الرابط صور أوضح 
http://www.nilemotors.net/Nile/340401-2012-5000-a.html

_______________________

أختبار نظام ESP في النترا 
http://www.youtube.com/watch?v=DVT5Cic7yAM

___________
وهذا مقطع يوضح عمل هذه الانظمه
http://www.youtube.com/watch?v=ZD8krFh8IL4

إبلاغ

الردود