شريت سيارة باخذ رايكم فيها

وكتبلي في ورقة الفحص تصفية مكينة وش يعني؟

تصفية المكينة يعني تغير بواجي فتر هواء فلتر بنزين تغير الزيت و فلتر الزيت و و تنظف الثروتل

كم تكلف هذي الاشياء وهل انا موفق في السيارة؟

انا اقلك حتى لو ماقالك تصفية انت سوها بما انك بتستخدم (بواجي فلتر هواء وصفاية بنزين وتنظيف الثروتل) ماراح تكلفك بالكثير 300-400
وممكن اقل (انا غيرت بواجي وصفاية بنزين وفلتر هواء ونظفت ثروتل) القطع مع الشغل400 لأن تنظيف الثروتل انا ماعرف له سويته عند مركز مختص بـ100
طبعا الزيت لازم تغيره حتى لو قالك تو مغيره ماتدري وش مغير وش حاط غيره مع الفلتر حقه
والله يبارك لك فيها.. بالنسبة للسعر حق السيارة انا غشيم شوي بالاسعار يفيدونك الاخوان

خلاص أخوي دامك شريت السياره صلح المشاكل الي فيها والله يبارك لك فيها

تسلمون جزاكم الله خير
بس يا فاتكم الشريطية مسوين اذكياء يعززون لبعض في الحراج قلت بشتري ب 11 الف يجي واحد منهم ويقول اسوم 11و500
اقوله خلاص الله يرزقك واجي بمشي يمسكوني ويقولن صلي على النبي خلاص انت صامل بنبعك وربي كذب عيني عينك وغش 
يعني لو واحد ما يدري وش سالفة كان اكلها

الله يكفيك شرها ويعطيك خيرها

الله يعطيك خيرها و يكفيك شرها

احسنت الاختيار والله يعطيك خيرها ،معي اختها ماشيه نص مليون 

وكارفها كررف 

والله ياصاحبي انتا قيدك اشتريت معاد فيها رأيي الله يباركلك

سعرها ممتاز على المشاكل الي فيها بسيطه جدا يعطيك خيرها يارب

الله يعطيك خيرها ويصرف عنك شرها
وهي سيارة للكرف 
وموفق في السعر ان شاء الله

بالنسبه الاشياء اللي بتتغير تعتير اشياء استهلاكيه والافضل انك تسوي فحص كامل .. عشان تشوف وش ممكن يتغير بعد وعالبركه ان شاء الله

معد فيها مشاورة يا خوك خلاق صارت ملكك .. جعل ربي يعطيك خيرها ويكفيك شرها 
ركز على كلام الاخوان اللي سبقوني وركز على تغيير القطع الاستهلاكية الضرورية لانه شئ طببعي 
اي سيارة ميتعملة لابد تصلح فيها كم حاجة .. 

تصحيح : مستعملة *

جزاكم الله خير 
بس  يا جماعة الخير اخوياي خلوني اتخوف من السيارة لاني شريتها من شريطي يقولون في زيت يخلي السيارة نظيفة لمدة محددة
تكفون فيدوني

اهلين اخوي
بفديك انا ان شاء الله ولا تنسى تدعيلي في الخير
والله يعطيك خيرها ويكفيك شرها
(غير زيت مكينه وسيفون + غير بلف الحراره + سوي غسيل اللديتر والقربه اللديتر بجهاز + حط مويه لديتر ميتسوبيشي مع ماء مقطره + غير بواجي و(كويلات او اسلاك) + فلتر بنزين + فلتر هوا + تنظيف بخاخات مع بوابه البنزين + سير المكينه ان لزم) كده بأذن لله راح تكون عال العال المكينه
.......
بنسبه للجير (ايش نوع الجير) ويريت تشرح كيف الفضاوه
......
وبنسبه لسوالك...(في زيت يخلي المكينه السيارة نظيفة لمدة محددة)
اولا يـ اخوي ليه تتعب حالك من الوسوسه ربك كريم وعلى نيتك ربي برزقك
تانين يـ اخوي ان شاء الله المكينه والسياره مافيها الا العافيه بأذن لله
تالتن يـ اخوي سوي الي اقولك عليه وان شاء الله راح ترتاح فتره
.....................
والله يرزقو الجنه الي يعطيني لايك...(لانو بنزل موضيع نستفيد كلنا باذن لله)
والله يعطيكم العافيه وشكرااا لكم

لو كانت تطلع دخان ابيض من الشكمان اللي هو علامة التخبيط .. صحيح في بعضهم ماعندهم ذمة ولا ضمير مادري وش يحطون للسيارة ويختفي هالدخان


لكن ان شاء الله انك موفق فيها و غير الاشياء الاستهلاكية المطلوبة

و سيبك من الوسوسة اذا بتقعد كذا بتكره السيارة وتبيعها و السيارة دوبك شاريها استخدمها وشوف لاتحكم على طول وتخلي احد يوسوس لك

الله يجزاكم خير 
والله رفعتم معنوياتي ولو اقدر اعطيك عطيتك والله
ونوع القير عادي

الف مبرووووك والله يعطيك خيرها ويكفيك شرها

بالنسبة للزيت ايه صح ،فيه زيت من زيوت التريلات تحطه بالمكينه ويخليها ما في أحسن منها 

المهم ماعليك ،،ربي يهنيك فيها ويبعد عنك شرها،،،موفق