أضف سؤال أو موضوع جديد          

مشورتكم في سيارتي المتواضعه

up 3 down 7
amear 1347
قبل 7 سنه و 8 شهر



السلام عليكم ...

كيف حالكم ياشباب موقع الحراج ولايهونون حبايبنا الشيبان ههه

في موضوع من زمان محيرني وماخاب من استشار

بخصوص سيارتي المتواضعه الاكسنت

حبيت اغير الاستايل شوي لان الميزانيه ماتسمح لي اشتري سياره بالوقت الحالي

عندي يااخوان اكسنت 2010 وحاب اغير من شكلها شوي >>> وش هل المراهق على كبر

المهم يااخوان انا اناظر بموقع حراج لفت نظري حركه جازت لي على السيارات الفل

اللي هي اشاره بالمرايه الجانبيه وفكرت قلت حلوو اقدر اولفها

مع العلم اللي عندي سياحي سيارتي وبديت امل منها وحبيت اغير من ستايلها شوي

وجازت لي هل تركب المرايه الجانبيه ام اشاره واقدر اتحكم فيها فوق تحت

لو جبت من التشليح اسلاكها والزر حقها

وودي ارش الازياك السود الجانبيه للابيض

فاوش رايكم

؟؟

فيمكن البعض يرد ويقول اكسنت لاكن مد يدك على قد لحافك والقناعه كنز لابفنى >> مشروع شاعر

فاوش رايكم واللي يعرف احد ولف هل الحركه وتضبط او لا

بدون تحطيم يالربع بالدور

هذي صورة زي سيارتي واعتذر لصاحب السياره
http://im82.gulfup.com/xAA5e.jpg

وهنا المقصود المرايات الجانبيه ام فلشر والله يعطيه خيرها راعيها ويكيفيه شرها
http://im82.gulfup.com/GN4mZ.jpg

فاوش رايكم

في انتظار طقطقتكم اقصد نصايحكم هههه
؟؟








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماعليش على الصور ماطلعت انسخو الرابط وحطوه بالمتصفح


up 1 down 0
amear 1347
قبل 7 سنه و 8 شهر



يا رجال والله انصحك خلها شد بلد يازينه وش دراك يمكن تكون فيهل تقطيع اسلاك ولعب في الكهرب


up 1 down 3
عبداللطيف الحبيب 81
قبل 7 سنه و 8 شهر



الأزياق سهل امرها وبتحلي شكلها لك لكن المرايات ام اشارة حلوة اذا تبغاها بس شكل برا اذا دقيت اشارة تولع اما اذا بغيت تخليها تتحرك تماتيك معك هذي يبغالك تشتري طبق باب السواق وتوليف كهرب وانا ما احب اللعب في الكهرب وما اقدر افيدك فيه


up 0 down 0
ابوابراهيم ksa 1391
قبل 7 سنه و 8 شهر



هههههههه اخ ايقنت نورت الموضوع ياالعصبي

صحيح كلامك بس تعرف الشباب يحبون شوي التغيير لان لاركب مع ربعه

شوي كل انسان يحب الافضل

يعني لو يحصلك بانوراما راح ترفض او سياره فخمه

الواحد يطمح للافضل ومنور الحته ياباشا


up 1 down 0
amear 1347
قبل 7 سنه و 8 شهر



اخ عبد اللطيف منور الموضوع ياعسل على ردك

وكلام ووجهة نظرك على راسي يالغالي

ومنور الموضوع ياباشا


up 1 down 0
amear 1347
قبل 7 سنه و 8 شهر



ابو ابراهيم منور الحراج

صحيح كلامك بس المرايه السياحيه يجي فيها زي المسمار تحرك فيه المرايه لفوق وتحت

ولو فرضنا ركبت ام اشاره ماراح يجي معها مسمار راح لازم تتحكم فيها تماتيك

المشكله التركيب ومن يضمن لك الشغله وماندري كم تكلف لان الواحد وده يشتري المرايه ويرشونها مع الازياك

لاكن الموضوع كله تحت التفكير العميق ههههه

ومنورنا ياعم ابوابراهيم


up 0 down 1
amear 1347
قبل 7 سنه و 8 شهر



صراحة ولد عمي عنده اكسنت ٢٠١٠ ومسوي ذي الحركة وزبطت على السيارة وطلعت من افضل ما يكون اتمني انك تسوي الحركة وتصور السيارة بعد ما سويت ونشوف و١٠٠٪ راح تزيط ان شاء الله 


up 1 down 0
مرسيدس e230 50
قبل 7 سنه و 8 شهر



دنتا الله ارسلك ليا من السماء ايه ده

طيب يالغالي ياليت تعطيني التفاصيل كم كلفة ووين اشتغل ومن هل الكلام يعني

حاب اخذ نبذه كامله عنها وهل واجه مشاكل بالكهرباء بعد التركيب

ولو فيه بن بلاك بيري لصاحب السياره يكون افضل للتواصل

وده البن بتاعي للي عاوزين الطقطقه ووسعت الصدر ومالناش بالنفسيات

2B01F4B2


وبتنورونا


up 0 down 0
amear 1347
قبل 7 سنه و 8 شهر



اخوي لاتولف كهرباء ممكن تعدم علبة الفيوزات او تسبب التماس سو اشياء سطحيه مثلا شيل الطيس ولمع الجنط وركب جناح ومربع اللوحة في الخلف خله اسود مدري فايبر ووالا تجليده لكن اشوفها حلوه 
السقف لو تبي تقدر تخليه فايبر اسود .. لمع السيارة والاسطبات ونجد الداخليه ... الاكسنت هذا الموديل لها افكار كثييرة من دون ماتكلف نفسك


up 0 down 1
m11013 923
قبل 7 سنه و 8 شهر



الزبده رح التشليح واشتر المرايتين بظفايرها كامله تركب معك على طول

اهم شي ظفيرتها كامله تطبق افياشها وترتاح

احسن ما تروح تشتري المريات من قطع الغيار بدون الاسلاك ويقعدون يسلكونها لك تسليك تعبان
وتسبب التماس انت في غنا عنه




up 0 down 0
تسجيل1 158
قبل 7 سنه و 8 شهر



وترش الجوانب السوداء   بلون السيارة مثل الفل 


up 0 down 0
sell 236
قبل 7 سنه و 8 شهر



مشكورين وماقصرتوو يالغالين

موضوع المرايات المتحركه امره سهل وبنحصل ان شاء الله بالتشليح

مع الافياش الزبده ام اشاره هذي مااعتقد تحصل بالتشليح الانادرا

لان اغلب اللي بالتشليح سياحيات ام ازياك سود

وسوالي يالربع اقدر ابيع حقاتي القديمه المرايات على التشليح كااستبدال بالجديده ام افياش ولا




up 0 down 0
amear 1347
قبل 7 سنه و 8 شهر



وكيف نعرف الاصليه منها حقات السيارات اللي بالتشليح المرايات الجانبيه


up 0 down 0
amear 1347
قبل 7 سنه و 8 شهر



اذا تبي تتغير السياره عليك غير من الداخليه
ركب فرش جديد لون مختلف ركب شاشه تتغير عليك 180 درجه
اذا مو مضللها ركب تضليل او زنن او مرايه داخليه تعتيم
يعني اي شي من الي ذكرتلك تتغير عليك السياره وخصوصا الشاشه
وربي يوفقك ويرزقك من حيث لا تحتسب


up 0 down 0
sc_est 717
قبل 7 سنه و 8 شهر



^^^^^

موضوع الشاشه حلوو لاكن

انا ساكن بحي مايرحم

انكسرت قزازتي مرتين وانسرقت الاستبنه وجيراني تسرقت سيراتهم كفرات

على بلكات هوندات جدد

فما بالك اركب شاشه

علشان كذا مركز على الخارجي لان ماراح احد يسرقه

ومانقول الا حسبي الله ونعم الوكيل على كل سارق

ولاعندي باب سياره البيت صغير

ومشكور وماقصرت على الافاده يالغالي


up 0 down 0
amear 1347
قبل 7 سنه و 8 شهر



رشها نفس لون سيارتك مطفي + ظلل + ركب جنوط + غير الاسطبات الامامية والخلفية الى ليد الظاهر اللي يجي فيها عدستين شكلها غريب شوي ممكن انك عرفتها + ركب اريل+ نجد الداخليه مراتب وارضيه ولمع الداخليه



هذا اللي يحضرني


up 0 down 0
العامري دوت كوم 2 455
قبل 7 سنه و 8 شهر



^^^^^^

يعطيك العافيه وماقصرت يالغالي

وعندي يااخوان استفسار ثاني << احس اني طولتها عليكم ههههه

ان الدرج حق السياره لايوجد لمبه وجربت كذا اكسنت حق الاصحاب


نفس الموضوع وش الحل هل تركب لها ام تتولف

ودنا نسولف اللي جرب سوا شيء بموتره زينه

ودنا المنفعه للجميع

ولكم جزيل الشكر يامتابعينا الاعزاء




up 0 down 0
amear 1347
قبل 7 سنه و 8 شهر



تبي التزبيط اللي بيخلي الموتر شيخ وورده ادري بتقول لي تجاملني لكن والله انا اشوف كم اكسنت عندنا في الشفاء لونها ابيض مسوين ذا الحركة وطالع شكلها مجنون اولا يبي لك جنوط اذا كانت عليها طيس طبعا وشي الجنوط نفس حقت الكورلا 2007 تحصلها صيني ب 800 ولا 600 مايتعداها هاذا جديد طبعا وفيها عندك الازياق ومسكات البيبان والمراية والزيق الخلفي اللي فيه علامة الهونداي اذا كان اسود رشه نفس لون السيارة وعطها لوحات طويلة واذا كانت انوار اللوحة طافيه غيرها وعطها استكر هونداي في القزازة الخلفية يسار ولاتنسى ترش النسافات مع الموتر ... جرب وماراح تندم تقبل مروري وشكرا


up 0 down 0
a.ibrahem 3169
قبل 7 سنه و 8 شهر