رايكم اخواني النترا 2014

المعارض تبيع بأقل وعلى ضمان الوكالة

حلوه خاصتن بعد التعديلات الي عليها

النترا حلووه وقويه

وشوفها مع الليموزينات كادينها كد ومكاينها 2000

جدا ممتازه بس قيمة الفل حقها قريب من سعر السوناتا نص فل بانوراما خليجي

انا افضل السوناتا مكينه اقوى وافخم واوسع واريح مكينه على الخط

لاكن كل الثنتين مابهم خلاف

وكل الله واستخر والله يكتب اللي لك فيه الخير

موفق يالغالي

واذا فكرت بالسوناتا يجيك واحد يقةل زدها وخذ اكورد .. وبجيك ثاني يقول ماليبو 


وثالث ورابع الخخخخ 

توكل على ربك الالنترا عمليه ولا باس فيها وبمواصفاتها .. 

بحكم اني مستخدم النترا 2013 لمدة سنتين وممشاها الآن 52 الف وعليها .. راح اقولك بإختصار انطباعي عنها وانا اسآسآ"  كنت حاب اعرض تجربتي
للسياره هذه بموضوع مستغل " وبحآول بأذن الله اني اكون منصف قدر المستطاع لمن اراد ان يشتريها ..
السياره من خلال تجربتي لها " عمليه فعلآ واعتماديه وخدومه بمعنى تتحمل العمل الشاق والمتواصل - عزمها مش بطال ابدآ سلبياتها العزل ضعيف تسمع اصوات
الهواء وصوت الكفرات مززعج جدآ - صوت المكينه عند اول دعسه للبنزين مره مزعج لين تحس المكينه جنبك من تتعدى سرعة 60 يبدأ يخف تدريجي - الرسآوه حدها نهآئيآ 180 تحت كذا الرسآوه 0 ورسآوتها تكون مابين 120-160 تكون السياره فعليآ راسيه الى حد ما 
( وطبعآ على حسب الجنوط ) - الراحه فيها متوسطه تقريبآ .. طبعآ جربت انواع جنوط النترا 17 و 16 و" 15 (حديد) " الافضل بينهن 16 والاسوأ جنوط 17 يفكك ام السياره وقاسي وتسمع صوت اي شيء تمشي عليه خصوصآ عيون القطط اما جنوط الحديد 15
لابأس بها ان كنت داخل المدينه اما على الخط راح تقل رسآوة السياره بشكل ملحوظ .. عمومآ السياره جميله وخدومه ورائعه صرآحه .. بالتوفيق

شكراً لكل من رد الله لايهينكم يالغالين

عيوب الهونداي العزل
حتى السوناتا تسمع صوت الازفلت وقربعه الكفرات
ازعاج

عزلها مو قد كذا
رساوتها ١٦٠ وبعده ماعندك احد
مواصفاتها ،حلوه بالنسبة لحجمها 
مقاعدها الأمامية لاباس بالراحة فيها،،اما الخلفية لك عليها شوي
مكيفها حلو وبارد بس بعز الظهر مو ذاك الزود


في العزم ،،مجربها مع سوناتا ٢٠١١ حقت اخوي وتقولك زيدني

طبعا انا معاي النترا ٢٠١٤ الشكل الجديد وارد الناغي مشيتها الان ٣٠٠٠ تقريبا

ولما امشي ١٨٠ احس فيه صوت فوق الدرج اللي امام المعاوني،،،
اي استفسار حاضر،،،،تحياتي

السلام عليكم استفسار الله لايهينكم انا معي اللنترا 2014ماشية 120الف وعندي مشكله معى الجنوط انا راعي سفريات ياليت احد يفيدني بجنط كويس للنترا في الخط اللي معي حق الوكالة مقاس 17