أضف سؤال أو موضوع جديد          

صيانة الكويلات و شرح وصور

up 29 down 5
ولد جده وافتخر 498
قبل 6 سنه و 8 شهر



سلام عليكم ورحمة الله وبركاته 
كيف حال الشباب 
كما عودتكم اليوم جايب لكم موضوع منقول من موقص تويوتا العربية 
موضوع مفيد للجميع
والحين نبدا بالموضوع 
ملاحظة انا مرتب الصور على حسب الشرح الموجود 
لان مافي في المنتدى الشرح وبعدين صورة
ف بحطلكم اياها مرتبة

ويالله نبدا


سلااام عليكم و رحمة الله بركاااته ...








و كما وعدناااااكم بالتقرير المميز عن حل مشاكل تهريب الكهرب في الكويلات ..








و هذي الطريقه , تغنيك عن شراء كويل جديد 




ماهو الكويل :




طبعا الكويل هو الوصله اللي توصل بين سلك الكهرب و البوجي .








و مع الاتسهلاك و حرارة المكينه , يبدا الكويل بالتلف و الضعف , و يبدأ يهرب كهرب .








و راح تحس برجه في السياره و ضعف شديد في العزم .




فتطر انك تشتري كويل جديد قيمته 200 ريال 








و مع الموضوع هذا راح تنحل المشاكل كلها و من غير خسااير تذكر ان شاء الله 












و الان نبدأ في الشرح و ركزو معي < < < مسوي دكتور خخخخ








==========================








بسم الله الرحمن الرحيم 








اولا الادوات المطلوبه ...








1- لصق شطرطون ( و اختار اللون اللي يناسبك عاد ) ههههه




2- مفك مقاس 14 .




















هذا غطاء المكينه , اللي لازم نفكه ..




















و دحين نبدأ بفك مسامير الغطاء ..
































و بعد ما نفك كل المسامير .. نطلع الغطا 




















و هذي هي الكويلات قدامنا , اللي لونها اسود .




















الان نجيب المفك , و نفك المسامير , اللي مثبته الكويل .




















و نكرر العمليه مع جميع الكويلات ..








و بعد ما نفك المسمار اللي مثبت الكويل 





نسحب الكويل على فوق عشان يطلع معانا 





بس قبل لا تسحب , افصل الفيش المشبوك في الكويل اللي هو هذا ..





















و هذا هو
و دحيين نروح للمهم ..








المنطقه المحدده بالاحمر , مع الاستهلاك , يكبر الفراغ بين الجلده و القضيب , مما يسبب تهريب في الكهرب .




و الشغل هذا كله عشان نغطي الفراغ اللي يكون منه التهريب ..




















نجيب الشطرطون , و نلصق الفاصل المشار عليه في الصوره ..
































انا متعمد ابدأ الصق من جنب الفاصل المطلوب , عشان الصق بحركه دائريه و انزل على الفاصل .. و ان شاء الله فهمتو مقصدي . 








لازم يكون شغلك دقيق , و يكون اللصق بصوره متساويه و من غير تعرجاات .








و لازم ما يتعدى الطبقتين , عشان لو كان طبقة اللصق سميكه , ماراح يدخل الكويل في مكانه .








و هنا بعد ما ربطنا المنطقه القصوده , و اللي يكون منها التهريب ..








ولا حظو كيف الشغل دقيق و مرتب ..




























و هنا اضافه من حبيبنا ( الرحال )...








اقتباس:
المشاركة الأصلية كتبت بواسطة الرحــال  
بعد اذنك سلوم حاب أزيد على كلامك وأبين سبب خراب الكويل




طبعاً صارلي قبل فتره واضطريت اني أغير كويل بـ 220 ريال




اللي هو موضح في الصوره 




















طبعاً شايفين الجزء المحدد باللون الأحمر هو اللي المفترض يوضع فوقه الشطرطون




لأنه لو انقطع جزء بسيط من نهاية الجلده او من شفة الكويل




يسبب تقطيع في السياره وكهرباء المكينه 




وتحس ان المكينه مكتومه مررره وتبي تنفجر وما تقبل دعس ويرتفع صوتها




وكل هالاشياء بسبب قطع بسيط في الجلده




فـ المفترض انه يتم لف الشطرطون في نهاية الكويل على طرف الجلده




اللي تركب فوق الكويل لأنها مع الوقت تحسها تنتفخ وتتشرخ مع الاطراف




وتبدأ تهرب الكهرباء وتحد انك راكب دمبر وليس سياره




بسبب التقطيع والصوت المزعج وعدم تقبل السياره للدعس نهائياً








و بعد كذا , نرجع الكويل محله و ما ننسى نشبك الفيش في الكويل ...




































و نطبق العمليه هذي كلها على باقي الكويلات ...












و بعد ما نخلص الشغل , نرجع كل شي محله و زي ماكان 








بعد ما نركب الكويل و نرجع المسمار محله و نربطه تماام بالمفك .








بس انتبه ينحل عليك , و الله انك تتوهق 




















و نرجع غطا المكينه و نرجع المسامير محلها ...




















============================








و كذا انتهى التقرير , و بحمد الله 








------------------------------------------------------








بعض الملاحظات المهمه :








1- لازم تكون السياره بارده , عشان ما تحرق يدك .
و تكون مطفيه تماما .




2- يكون الشغل بهدوء و بدقه اثناء وضع الشطرطون و ما يكون في تعرجات و يكون طبقه وحده , الى طبقتين , عشان ما يخرب عليك الشغل .








3- يكون الشغل بالترتيب , عشان ما تلخبط في اماكن الكويلات , يعني كل كويل تشتغل فيه على حدى .




4- افصل الفيش من الكويل بهدوء , عشان ما تنقطع الاسلاك او يتلف الفيش .








---------------------------------------------------------












التكلفه :








1- مفك مقاس 14 بي 3 ريال من المحل اللي جنبنا .








2- شطرطون بي 1 ريال من البقاله .












الاجمالي 4 ريال . 








افضل من انك تدفع في الكويل الواحد 200 ريال 




----------------------------------------------------
















و اشكركم على حسن المتابعه , ولا تنسونا من الخلطات و النكهاات الجميله 




















تحياااتي لكم 



رجاااء لكل من يضع ديسلايك يبين السبب لتفاديه في المواضيع المقبلة

































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكور والله يعطيك الف عافية 
وجزاك الله الف خير 
وشكرا


up 2 down 0
جيلي ec7 2013 114
قبل 6 سنه و 8 شهر



الله يعافيك اخوي
المشكلة في بزران ماعندهك عقل يدخل يلاقي الموضوع طويل
يعطيك ديسلايك ومشي هذا اللي يقهرك
مع اني كاتبًيا جماعة اللي بيعطيني ديسلايك يقلي السبب
لتفادي الاخطاء في المواضيع القادمة


up 8 down 1
ولد جده وافتخر 498
قبل 6 سنه و 8 شهر



موضوع جميل ومفيد
بالتوفيق


up 1 down 0
ا هـ م 1 1022
قبل 6 سنه و 8 شهر



جزاك الله خير
نحتاج مواضيع مثل هذي بارك الله فيك+١


up 1 down 0
االخاالدي 3898
قبل 6 سنه و 8 شهر



يعطيك العافيه أخوي ولد جده ماقصرت


up 0 down 0
كرومان 517
قبل 6 سنه و 8 شهر



الله يعافيكم وشاكر لكم حسن القراءة وانشاء الله تكونو استفدوا


up 0 down 0
ولد جده وافتخر 498
قبل 6 سنه و 8 شهر



بسألك هذا الشطرطون يتحمل الحرارة العالية داخل المكينة وقريب من السلندر ؟ لا أظن ذلك 
اذا الكويل بكره ومصصم لتحمل الحرارة ويخرب كيف اذاَ الشطرطرون . 
اعتقد انه هذا حل مؤقت فقط 



up 1 down 0
al_hayek2001 175
قبل 6 سنه و 8 شهر



مشكور على النقل الله يعطيك العافيه وتستاهل لايك .. ياجدة .


up 0 down 0
مستر بن . 10378
قبل 6 سنه و 8 شهر



هذا رابط الموضوع الاصلي بعد اذن صاحب الموضوع
http://www.toyota4arab.com/forum/t198107.html
بس عشان لا تتهجولون مابين النص والصور

والعذر منكم ,,


up 3 down 0
serinzo 271
قبل 6 سنه و 8 شهر



عادي حبيبي 
اصلن انا كنت ماوي احط الرابط 


up 1 down 0
ولد جده وافتخر 498
قبل 6 سنه و 8 شهر



يارجال وسع صدرك ... 

وان جت على الديسلايك .. ترا المنتدى مثل مافيه رجال شرواك... فيه كمان بزوره ووراعين فاضيين ماعندهم شي

ولا يهمك يابعدي هم اقليه قليله وبتنقرض مع الوقت ان شاء الله الله يمحيهم ..

ولك لايك


up 2 down 0
ff-ff999 344
قبل 6 سنه و 8 شهر



مشكور وما قصرت على هالموضوع المفيد


up 0 down 0
أبـو سـعـود 21
قبل 6 سنه و 8 شهر



طيب بعد ما سويت الطريقه كيف في 

خرابات او مشكله في الكهرب وﻻ كل شي سليم 

بعدين كيف عزم السياره فرق وﻻ ﻻ


up 0 down 0
موستنج جي تي ار 3470
قبل 6 سنه و 8 شهر



بارك الله فيك شغل جبار ونقل دقيق...


اتمنى بس انك تختصر الموضوع....وشكرا لم


up 1 down 0
asalami 2177
قبل 6 سنه و 8 شهر



السلام عليكم اريد مساعدة عندي النترا موديل ٢٠١٤ ركبت مكينة نظيفة ولمن عند الانتهاء من التركيب لا يوجد كهرباء في السيارة لا تصل الكويلات ما الحل


up 0 down 0
mom asa 442
قبل 2 سنه و 7 شهر



السوال هل اللاصق يتحمل الحراره لا اعتقد الا اذا كان في لاصق من نوع خاص
ولكن السوال هل ينفع السلكون الاسود الامريكي الحراري لو وضع مكان اللاصق ولا يسيل مع الوقت


up 0 down 0
الشرقية ماركت 145
قبل 2 سنه و 7 شهر



ماشاء الله تبارك الله .. كلام مفيد وواضح



up 0 down 0
فنجري
قبل سنه و 6 شهر