رايكم بالسوناتا

ترى كلها كم شهر وتشوف 2015 عندنا
بكره تقول ليتني صبرت والسوناتا يطيح سعرها في المستعمل ما بالك وصار فيها تغيير كامل في السيارة

استاجر وحدة و جربها

انتظر ٢٠١٥ تغير شكلها

اصبر نصيحه 2015.تغيرت كليا 

يا حبيبي تبي راحة و كشخة خذ تاون كار ٢٠١٢ حتى لو مستعمل بسعر هالقوطي اللي مطبوع عليه شعار هيونداي

جربت 13 والله رساوه بالخط وجميله.. لكن اذا انت راعي خطوط يمكن تواجه
مشكله المكيف راح يوقف.. قد وقف علي لاني حاشره عالخامس وامشي 230 ابو ساعه كذا لاني لوحطيته سادس بيرجع 

الموتر كداخل مدينه جميل.. 

وشي اخر كان معي نص فول وسويت حادث لكن ماطلع الا ارباق 1 للسواق ومادري هل هو خلل مصنعي ولا شي

قد شريت سوناتا عام 2012 جديدة نص فل وكرهتها بسبب واحد : فراااااااااااااامل تعبانة وكم مرة بغيت اصدم بسببها خصوصا الظهر اذا مصمم خذ لك فل كامل لوجود اي بي اس مانع الانزلاق 

اما التحمل السيارة قوية وجلست معي سنة ونص ومشيتها 60000 ورجلي حارة وماحطيت فيها شي 

انا معي السيارة لها 3 سنوات
الحمدلله بشكل عام جيده جدا
فيها 3 عيوب والقرار لك
الرساوه فوق 160 تعبانه خصوصا بوجود رياح
المكيف تبريده لايرتقي لتبريد تويوتا او نيسان كمقارنة واخيرا السياره فيها نزول رهيب انا كنت اتمنى لو صمموها ارفع شوي

واخيرا لو تسالني ندمان على شراءها اقولك لا
لان سواقتها روعه وكرسيها مريح وعزمها حلو وواسعه وسعرها جدا معقول

بالتوفيق

نصيحة للوجه الله كان بغيت سوناتا لاتأخذ إلا فل كامل لأن الاستاندر ونص الفل فراملها مخيسسسة اما الفل ا بي اس طيبة جدا

يا حبيبي شوف الكادنزا 2014 والله أفضل 

المكينة 6 سلندر 290 حصان ... ( ما جربتها بس كا شكل أفضل من السوناتا والمكينة أكبر ) 

أو أزيرا لأنها 6 سلندر ... ( في واحد من الشباب ما يمدحها لأن العزل الأرضي تعبان موديل 2013 فل ) 

كان معاي سوناتا 2009 فل والله أفضل من الجديد بكثير بالنسبة للرساوة والجودة 

إذا كانت مشاويرك فقط داخل المدينة ومايهمك قوة السيارة ومنت راعي خطوط .. 

أنتظر الشكل الجديد للسوناتا 2015  

والله يوفقك ... ومبروك مقدماَ 

2015 راح يكون سعرها مبالغ عن2014 وخلفيتها قبيحة 2014 افضل 
اما داخلية 2015. افضل بكثير عن سابقتها