أضف سؤال أو موضوع جديد          

حصل لي حادث من احد العمالة الافغانية أريد أرائكم بنسبة الخطأ

up 12 down 10
abu zi4d 45
قبل 7 سنه و 9 شهر



السلام عليكم ورحمة الله وبركاته
أسعد الله أوقاتكم بكل خير ومسرة
يوم الخميس كنت حاجز على رحلة على الخطوط السعودية من الدمام إلى جدة و سافرت الصباح و وصلت مطار جدة الساعة 10 وإستأجرت سيارة من أحدى شركات التأجير في المطار ،
المهم أخذت السيارة لمدة يومين ، وفي يوم الأحد الصباح وأنا متجهة إلى مطار الملك عبدالعزيز بجدة وعند مروري إحدى محطات البنزين وأنا على المسار الأيمن ، قام أحد سائقي ديهاتسو دباب وهو يقود في المسار الأوسط بالإنعطاف إلى اليمين " يريد الدخول إلى لفة باليمين " وتفأجات به و أرتطمت به ،
طبعاً وقفت ونزلت على طول بأسرع مايمكن وصورت السيارة واللوحة وطريقة الحادث وهو يبغى يعشق ريوس ويهرب
يوم شافني اصور وانه ينزل ويقول لي مافي خوف من الله مادري وشو انا بسامحك وانت روح . . الخ من الكلام الفارغ الي يقصد منه أنه اتركني وتراك انت المخطئ ..

طبعاً جاء المرور وخطط الحادث وقال راجعوا قسم مرور شرق جدة ، قلت مااعرفه ولا انا من اهل المنطقة
قال عاد دبر نفسك
قلت يابن الحلال انا رحلتي بعد ساعة ونصف من الآن يبي لي اقل حاجة نصف ساعة حتى اصل المركز
وساعة حتى اخلص اجراءات الحادث اذا ماكانت اكثر !!!
قال الله يعينكم
هنا قمت اشتم في هالانظمة المريضة ، يعني الان الرحلة بتروح 100%
اتصلت بمندوب شركة التأجير وقلت له انا سويت حادث ورحلتي بعد ساعة ونصف والمرور يقول راجعنا وانا متأكد بتروح رحلتي بسبب هالمراجعة لهالمرور
قال اقرا العقد هل انت موقع على تأمين الشركة الأضافي والا لا ؟
قلت له لا مو موقع على هالتأمين الاضافي
قال اجل مانقدر نجيك ، لو انك موقع كان احنا نخلص الامور بمقابل رمزي ، قلت يابن الحلال موظفكم المروح ماقال لي هالشيء وش ذنبي انا !!
قال هذا الي نقدر نفيدك فيه ،
المهم قلت الله يصبرني وكلمت الافغاني قلت له تعرف مركز المرور هذا
قال : لا
كفيله موجود في موقع الحادث ، ويوم سمع اني اقول رحلة طيران ومدري وش ، احسه قال له : حاول تضيعه خله يطفش ويتنازل عنك
المهم قال الحقني بنروح المركز ،
جلسنا نفر في مكان لمدة نصف ساعة
ويوم قابلت شخص بالطريق وسألته ، قال لي : ياخي وين انت بعيييييد !
وصف لي ورحت المركز وادق على الطرف الاول اكثر من 5 مرات ولا يرد على جواله ّ!
جيت المركز قال رح سجل الحادث
وتفأجات بطابور اكثر من 13 شخص وعمالة رائحتها تفوح منها .
حاولت اخلص لكن للاسف دقيتها اكثر من 3 ساعات في المركز والطرف الاول مو موجود والمرور يشترط وجود الطرف الاول علشان يحكم بيننا
قلت للضابط افرض ان الطرف الاول ماجاء الا بعد شهر ؟ هل اقعد معلق عندكم في جدة حتى يجي ؟
قال : لا نعمم عليه ويجيبونه
قلت يااخي هذا مو نظام هذي خربطة
بعد ماطفشتهم اعطوني ورقة تقدير الحادث وقال قدرها من شيخ الورش ومن هالكلام الفارغ
قلت خير ، وكلمت المندوب وعطيته كل اوراقي ودفعت مبلغ تحمل لإني بين نارين
1- اما اسدد لهم مبلغ تضرر وهم يخلصون الامور وبعدين اذا فيه مبلغ اضافي لي يرجعونه و ارجع الدمام .
2- اجلس اراجع المرور واخلص الامور معهم واتاخر عن دوامي في الدمام .
ومشيت المطار وحجزت رحلة بنفس اليوم بمبلغ اضافي

،،
السالفة كلها ابغى ارائكم في نسبة الخطأ على مين

انا رايح للمحطة سيدة و الافغاني رايح لليمين من المسار الاوسط














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعوضك ماتعرف احد في جده


up 0 down 0
ابوالوليد 2008 104
قبل 7 سنه و 9 شهر



بخصوص الي يقول شايف نفسه وتواضع

ياعمي النظافه من الايمان ولا تكلفه الا مويه ببلاش وصابون بريال

وانا سبق اني بغى يغمى علي مره

كنت مسوي عمليه وبعد شهرين تقريبا رحت للغرفة التجارية

فيه زحمه حدود ال 90 شخص

يمكن انا وخويي بس الي متروشين ,, ولولا لطف ربك وثم اني حطيت وجهي على كتف خويي شوي وبعدين طلعت كان اغمى علي وقتها لان حتى الاستفراغ ماطلع لان العملية بالجهاز الهضمي واي ريحة تدمر الدنيا


فالنظافه امر والتواضع مستحب يلي تقول متغطرس


up 2 down 0
YASSER505 4174
قبل 7 سنه و 9 شهر