أضف سؤال أو موضوع جديد          

مشكلة تفتفه عند تشغيل المكيف

up 2 down 5
amear 1347
قبل 7 سنه و 7 شهر



السلام عليكم ..

كيف حالكم اخواني ان شاء الله طيبين ...

يالغالين مالي بالمقدمات كثير ..

انا عندي مشكله بالاكسنت 2010 تماتيك

اذا وقفت عند الاشاره وانا حاطه على الدي ومشغل المكيف تتفتف

و فصلة المكيف مهيب طبيعيه زي اول

واذا طفيت المكيف مشت طبيعي

ورحت ورش وكلن يفتي من راسه حل

هل سبق ان واجهت احدكم هل المشكله

لان قريت بالانترنت لمشكله شبيه لمشكلتي يقولون كويلات

هل هذا الكلام صحيح

ارجوو مساعدتي لان المشكله كرهتني بالسياره عند تشغيل المكيف

في انتظار ردودكم اخواني جزاكم الله خير

؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


هذي المشكلة يمكن تكون من الدعسة يبيلها تنضيف او في هوز مفصول والله اعلم 


up 1 down 0
عبدالله البجيدي 35
قبل 7 سنه و 7 شهر



المشكلة يا الغالي من بوابة البنزين تحتاج تنظيف اللي هو الثروتل نظفه وخلك منتظم بغيار فلتر الهواء حق المكينة وان شاء الله امورك طيبة


up 1 down 0
a.ibrahem 3169
قبل 7 سنه و 7 شهر



نفس السيارة ونفس المشكلة ولا لقيت لها حل وكل واحد يفتي من راسه مع اني نظفت البوابة وغيرت فلتر وبواجي 
اتمنى الاخوان يفيدونا 


up 1 down 0
yaser-30 1
قبل 7 سنه و 7 شهر



السلام عليكم ورحمة الله وبركاته

المشكله ليست من البواجي او الصفايه او الفلاتر

المشكله 100% من الكويلات 
وغالبا عندك كويل او اثنين تالفات 

طريقه فحص الكويل سهله جربها وبتعرف اي واحد تالف بدون ماتروح للزيود الحراميه
واذا ماتعرف عطيتك الطريقه 


up 0 down 0
max_9ms 2356
قبل 7 سنه و 7 شهر



هي الاكسنت كذا أخي. محركها صغير و يتأثر بالمكيف.
شف اذا ممكن تلاقي حد فاهم يشغللك الكومبريسر على الكهرباء بدل من بكرة سير المحرك.
هكذا تنتهي المشكلة نهائياً
تحياتي



up 0 down 0
nezarnuaimat 733
قبل 7 سنه و 7 شهر



الحل انك ترفع البنص شوي ... يعني تخلي الدعسه مرتفعه شي بسيط 

وان شاء الله تظبط معك 

لان معروف المكيف يثقل ع السياره وانت ممكن عندك كتمه او البوابه متجمعه فيه ترسبات ومسببه تفتفه وتقطيع

ف مالك الا ترفع الابنص شوي كحل مؤقت


up 0 down 0
ff-ff999 344
قبل 7 سنه و 7 شهر



اسف على تاخري بالرد عليكم اخواني

ومشكورين وماقصرتو وان شاء الله العصر راح اطلع واشيك على الموتر كامل

لان الموتر ماشاء الله ماشي 160 الف وحاب اسوي له تشييك كامل مره وحده

وش تنصحوني انظف البخاخات والثروتل والبواجي وبغير الكويلات

ابي اصفي الموتر والمكينه مره وحده علشان مايطلع لي كل يوم خراب

خلوني احط مكافاة الجامعه مره بتصليح الموتر علشان افتك من هل الورش

نصايحكم ؟؟

واللي يعرف ورشه كويسه بورش طريق المدينه بالبديعه او صناعية اللي على الدايري مخرج 28 جنب الهرم

اقرب لي للبيت

ولكم جزيل الشكر

؟؟




up 0 down 0
amear 1347
قبل 7 سنه و 7 شهر



ابشركم يالغالين حليت المشكله اليوم

وصارت المشكله من البواجي والاسلاك

وتم تغييرها ولله الحمد الموتر حتى الان تمام

ولكم جزيل الشكر يالغالين




up 0 down 0
amear 1347
قبل 7 سنه و 7 شهر



عندي مشكله ياخوان فالاكسنت تفتف وغيرت كل شي فيها بواجي ونظفت بخاخات وبوابه وغيرت صفاية البنزين مع طرمبه وغيرت الحساس ونفس المشكله ما راحت وسويت مره برمجه للكمبيوتر وسلكت بعدين رجعت نفس المشكله تفتف تفتفه قويه مره 


up 0 down 0
ولاية جده
قبل 4 سنه و 4 شهر



اسلاك بواجي ١٠٠% كانت عندي نفس المشكله


up 0 down 0
11273asddfa
قبل 4 سنه و 2 شهر



شاب عند الكسنت ترتعش مع المكيف احد يفيدتي


up 0 down 0
t11223344t
قبل 3 سنه و 4 شهر