أضف سؤال أو موضوع جديد          

مشكلة أشغلتني

up 6 down 3
ssv8 1048
قبل 8 سنه



السلام عليكم ورحمة الله وبركاته ، مساء الخيرات يالربع إن شاء الله إنكم بخير ، بعطيكم مشكلتي وأتمنى والله ألقى حل منكم ، لإني الصراحة تعبت وانا اركض من ورشة ل ورشة ، المهم سيارتي إكسنت 2012 الشكل الجديد طبعا قير عادي ، بداية المشكلة كانت قبل إسبوعين طلعت من الدوام ومسكت الخط للرياض المهم فجأة السيارة تغيرت علي وصارت ما تزيد السرعه  ،  سواء حطيته بالخامس او رديته نمره للرابع ، السياره ما تقبل ولا تزيد سرعتها عن 100 ، حاولت فيها وبرضوا ما ترضى تمشي المهم وصلت للرياض واتصلت على واحد له خبره وشرحت له الموضوع قالي غير دزق الكلتش وراح تضبط ، رحت غيرت الدزق وطلعت الموتر من الورشة ولا ضبط ، بعدها فريت الصناعية ورشة ورشة وكل واحد يعطيني كلام اللي يقوم صلح الدعسة واللي يقول نظف البخاخات وكل واحد له كلام ، المهم وصفلي واحد من الشباب كهربائي ممتاز ورحت له ، قالي غير فلتر الهواء وتعال يمكن تضبط غيرته وما زالت المشكلة موجوده ورجعت له ، قام وفحص كمبيوتر وقالي ان الجهاز يقول إن صفاية البنزين يبيلها تغيير ، رحت وشريتها وغيرها لي وما زالت المشكلة موجوده قالي غير طرنمبة البنزين وغيرتها وما زالت المشكلة موجوده ، وآخر شيء قالوا لي معطينك عين على سيارتك ، الصراحة مدري مين اللي قايل لهم إنه معي روز رايس والا بنتلي ههههههههههههه إكسنت وتخب بعد ، والحين محتار ولا ادري وش أسوي وفحص الكمبيوتر ما طلع شيء وإلى الآن دافع فوق 2000 ريال ، اللي عنده حل لمشكلتي والا مرت عليه هالمشكلة قبل يا ليت يفيدني والله موب حاله كل ما سافرت للداوم أمشي بمسار التريلات كني أسوق دينّا ، فزعتكم تكفون يا شباب وأنتظر ردودكم . 

 ملاحظة : 
أسعار قطع الغيار للسيارة 
دزق الكلتش والفحمة والصحن تبع القير ب 280 ريال 
فلتر الهواء ب 45 ريال 
صفاية البنزين ب 65 ريال 
طرنمبة البنزين ب 520 ريال 

حطيت الأسعار للفائدة فقط وهي خارج الموضوع 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اشكرك ع الرد بالحل .. والله يبارك لك 

بس لو توضح انت الغيت دبة التلوث قص..
 واﻻ تنضيفها بفتح الدبة بالاكسجين اللحام و تكسير الرصاص ورميه




up 0 down 0
aziz..747.. 2421
قبل 8 سنه



لا لا يالغالي ، الاكسنت تجي الدبه بعد الاكزوز على طول تحت القير بالضبط وفكها كان بمفك وليس بقص او لحام واكيد الرجال دخل سيخ عريض وبدأ بتكسير الرصاص لين طلع كله بعدين شغلت السياره قبل يركب الدبه مره ثانيه عشان انظف مجرى الدبه من باقي الرصاص وبعدين ركبها وضبطت الحمد لله أتمنى اني افدتك بالرد والعذر إذا كان شرحي غير مفهوم 


up 0 down 0
ssv8 1048
قبل 8 سنه