موزعين ازيرا 2015 والاسعار

تفرق مواصفات الناغي اللي ب111 عن الوعلان اللي ب 122 اختلاف كبير
وهذي مب فل اوبشن الناغي الفل حق الناغي سعره 117 .. واللي ذمرت ناقصها اشياء مثل
جنط 19 واوتو هولد وبريك الكتروني و رادار ووو.. 

و انا لاقي نص فل الناغي ب 107 اللي هي نفس اللي تقول ب 111 : ) 

انا سئلت المعرض يقول فل اوبشن فيها اوتو هولد وبريك الكتروني ياخوي ..

انا حصلتها بي 100 الف وارد الناغي فل ابشن من موزع معتمد
والسوناتا نص فل بي 76 الف وي بدون بنورما بي 72 الف وي الفل ابشن بي 89 الف حصلتها بي المعارض بي 93
النترا فل الفل مكينة 2000 سي سي بي 67 الف
اسعارة مشاء الله ارخص من المعارض حتى

عبدالله وش اسم الموزع اللي تقصده؟

و انت يا اخوي اكورد اذا متأكد من كلامك معليش على معلوماتي المغلوطه : )

حبايب قلبي ؛ تاكدوا من المواصفات من الوعلان والناغي و المجدوعي لانها تختلف جذريا ! 

الناغي سهل تقدر تسالهم في موقعهم طوروه وصار حركتات وشات موظف يرد عليك ؛

الوعلان والمجدوعي تقدروا تسالوهم في تويتر او بالاتصال 

طيب يا الغالي انت تأكد من المواصفات الموجودة بعيدا عن الوكيل ... تأكد فيها الاوتو هولد وجنطها 19 وجميع مواصفات الفل فيها وشف ارخص معرض او وكالة وتوكل على الله بس اهم شي لاتستعجل مر عليهم كلهم ... والله يوفقنا وياك

هذا الاعلان لهم فيه ارقام التلفون اتصل وتاكد منه من المواصفات والسعر

http://haraj.com.sa/114196406/%D8%B3%D9%88%D9%86%D8%A7%D8%AA%D8%A7_2014_%D9%81%D9%84_%D9%85%D9%81%D8%AA%D8%A7%D8%AD_%D8%AC%D8%AF%D9%8A%D8%AF_%D8%B2%D9%8A%D8%B1%D9%88/

انا عن نفسي دافع عربون ازيرا نص فل رقم واحد من وكاله الوعلان على طريق خريص وراح تجي طلبيه بعد اسبوعين لاني مختار اللون الفيراني وماعندهم الا لؤلؤي .. بصراحه فكرت آخذ فل كامل بس وش راح استفيد ! اولا  تبريد وتسخين المراتب وش بستفيد منه دام المراتب مخمل وليست جلد .. ثاني حاجه الجنط 19 مخيس وبلاويه واجد احسن لي اخذ نص فل بجنط 18 وهو اريح بكثير على الموتر .. الستاير بالله وش راح استفيد منهن وانا اساسا راح اضلل السياره بالكامل .. الزينون والشاشه والكاميرا وبعض الاكسسوارات مثل الاضائه الخافتة انا اقدر اركبها حتى البصمه الحين تركب ب 1200 بشارع الغرابي وعليها ضمان سنتين .. نظام الرادار مااحتاجه اصلا لاني من خارج الرياض ونادر جدا اسوق بالزحمه .. يمكن الشئ الوحيد اللي يستحق هو الايرباقات اللي عددها 9 بالفل الكامل و 3 بالنص فل لكن اذا جاء القدر ماينفعك لا ايرباق ولاغيره .. وعذرا على الاطاله    

وفيه بعض المواصفات اللي ماذكرتها بالتعليق السابق وهي موجوده بالفل الكامل مثل حساس المطر >> الله واكبر يالجو اللي ينزل فيه مطر كل يوم هههههههههههههههههههههه وزي ماقلت لك مثل هالمميزات حلوه  وفيه كثير منها زي حساس ضغط الكفرات والبريك اللمس  ورشاشات المويه للاسطبات الاماميه بس انا اقدر استغني عنها مادام ان المكينه والقير نفس الشئ بالفل والنص فل خلاص اوفر 30 الف بجيبي ولا ادفعها على مواصفات مااحتاجها اصلا 

جميلة القناعة تعجبني

طيب حالياً ازيرا ٢٠١٢ فالمعارض بكم .