أضف سؤال أو موضوع جديد          

جينيس 2015 الجديد تصوير شغل بيت ههههه

up 63 down 9
أنيق 17573
قبل 6 سنه و 11 شهر



كيف الحال ياشباب 
كنت قاعد ألفلف فالشوارع وأتكس 
ومريت من عند هونداي 
قلت خلني اشوف وش عندهم 

وفجأه لقيت الجنسس الجديده كلياً 
جاني ام الركب اول ماشفتها 
صاروووووخ خقييت معها 
هذا الكلام قبل الظهر 
شفت ثنتين واقفه فالصاله 
وحده لونها برونزي 6 سلندر مفتوحه سعرها ١٧٨ الف ريال عاديه جدا 3800 سي سي
والثانيه لونها ازرق 8 سلندر 413 حصاان اقوى من مكينة الباترول هههههه
 واربع شكامين هذي الي عليها الكلام 
طبعا كانت مقفله 
رحت عند السوري سلمت عليه وقلت له ابغى مفتاحها ابغى اسرقها عليكم ههههه
قال ماعندي مفتاحها الحين لأن المدير ماداوم 
لكن تعال بعد المغرب وابشر 
افتحها لك واعمل فيها متل مابدك هههههه قلت تأبرني عمو اديلي صحن حمص وتبوله ههههههه

جيته المغرب قال اهلين حبيب ألبي بدك المفتاح دقيقه صغيره بدي اجيبلك اياهن عمي هههههه
قلت ماعليه رح جبه خلنا نسوياك دعايه فالنت 
داري اني ماراح استفيد شي لكن لعيون اعضاء المنتدى حقنا بس 
المهم 
اعطاني الريموت 
حسيت بالفخامه من مسكت الريموت 
بس قربت وفتحت السياره توماتيك ههههه المفتاح الذكي 
فتحت الباب 
ركبت 
وادعس الفرامل 
واضغط الزر وهاتك 
المقعده تقدمت والدركسون قرب والعدادات نورت والمكينه صرخت صرخه يالبيييه بس 
تقل بوورش 
صوت الشكمان طرب 
تحس ان المكينه مليانه متفجرات 
المهم بعد الصراخ هذا كله 
هديت المكينه واستقر الوضع وبدأ الفخامه الحين 
قفلت الباب بالخفيف واشتغلت ميزة الشفط 
يابعد قلبي بس 
والشاشه اشتغلت والعدادات جناان 
اقلكم كمبيوتر كااامل فالعدادات 
زي الجلكسي تقعد تضغط بالدركسون خيارات كثييره و لاتعد ولاتحصى ضغطت فيها وخفت اخبص الدنيا من كثر الخيارات 
وبعدها انتقلت لتخبيص الشاشه الي بالوسط طبعا الشاشه لمس مع الفاره بعد خلف القير 
وشغلت الملاحه نظااام ضخخم عربي وصوت بنت تتكلم تقول لف يمين فديتك ههههههه ارجع يوتيرن ياقلبي هههههه
والله ماقدرت انام امس بغيت ابكي 
الله لايوفق ماركيزي الي طفشني ههههههه
وفيها تلفزيون و DVD وفتحة usb وفتحتين ١٢ فولت 
الجلد طبيعي 
ومافي اي بلاستيك فالسياره 
كله ألمنيوم 
والتخشيب طبيعي ١٠٠٪ 
اصلي 

والفرشااات الدعاسات اااه بس منقووشه نقشه تخليك تركب بدون نعول 
والجلسه فالخلف احلى من قدام بمليون مره 
يشيخ شاشتين ورى 
تعرض لك كل شي 
وفيها خاصيتة تعديل المقعده الاماميه عشان الي جالس فالخلف يتمدد براحته 
فيها تبريد وتسخين مقاعد وبانوراما قروف هههه
طبعاً وانا اصور كل العيال متجمعين 
كل واحد يقول اصلا عادي الكامري احلى ههههههه
وماقهرني الا واحد بس 

قلت له ذي اطلق من الافلون 
قال الجنسس ذي ماتمسك سعرها 
الافلون تمسك 

بغيت اعطيه كف 
ياخي وش المخ الخربان هذا همك تمسك سعرها بس 
يعني تركب سياره منت مقتنع فيها عشان تمسك سعرها بس 
تخلللف صراحه 
خل فلوسك فالبنك اجل اذا انت بتروح تشتري وتبيعها 
اصلا يقال لك انك اذا شريتها ماراح تخسر يعني ؟ 
انت خسران خسران 
الافلون ١٥٠ الف 
لو بس صارت السياره بأسمك طاح ١٠ الاف علطوول 
لاتقعد تخرط علي ولا اخرط عليك 
انت شريت سياره عشان تخدمك وتكون سعيد فيها 
ولا عشان تبيعها بعد سنه ولا شهرين 

خذ لك ددسن 80 ولا كابرس 90 ومش حالك فيه اجل 

كرهت الشوارع صراحه 
كل الناس مطقمين ما احد عنده ذوق ابدا 
( لون لؤلؤي + تايوتا + نوكيا + وحلاقه سكسوكه ) 
كل الناس سياراتهم لؤلؤلي وكل الناس لاندكروزر وكامري وافلون وكل الناس جوالاتهم نوكيا وحاطين نغمة نوكيا بعد 
كلهم محلقين سكسوكه ههههههه 

خلاص خلك مميز شوي مستقل بذوقك 

يعني غيروا 
عندكم هالجنسس لو بشتريها 
باخذ لون ذهبي 

ولو باخذ جيب باخذ باترول 

المهم وجهة نظر وطلعتها كانت في قلبي وخلاص
هههههههه 

طبعا صورت كثيييييييير 
عشانكم والله 
والسياره تستاهل
ولو معي فلوسها شريتها 
والله مانمت امس الا الساعه ٢ فالليل 
افكر فيها
الله يرزقنا 




































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تقرير وافي تشكر عليه


up 0 down 0
-ابو حسن- 68
قبل 6 سنه و 9 شهر



بس ليش علامتها هونداي مفروض علامة جينسيي


up 0 down 0
امجد 10 163
قبل 5 سنه و 4 شهر