أضف سؤال أو موضوع جديد          

توضيب او تغيير مكينه

up 2 down 2
klire 195
قبل 4 سنه و 10 شهر



السلام عليكم ورحمة الله وبركاته 

اخواني ابسالكم وش تنصحوني فيه اوضب مكينه او اغيرها افضل مع العلم يمكن لما اوضب اغير كل القطع واللي بيوضبها بيعطيني 4شهور ضمان وجبته من طرف واحد يقول مضمون بس مدري ماني مرتاح له مع العلم كلهن نفس السعر تقريبا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


توضيب عشانك مو متأكد من المكينة يلي بتشتريها يمكن معدومة


up 0 down 0
عاشق الألأماني 57
قبل 4 سنه و 10 شهر



يعتمد ايش الضرر الي في مكينتك يعني راس المكينة وللا جنزير ولا كامات الخ...

اذا الضرر كبير لزم لها ورشة محترفة أما ضرر بسيط التوضيب يرجعها شبه جديدة 


up 0 down 0
albroker99 742
قبل 4 سنه و 10 شهر



زميل لي وظب سوناتا 2010 كامل مع شغل اليد ب 6500 ويابلاش 
انصحك بالتوظيب خصوصا اربعه اشهر كافيه لو فيها عيب راح يبين وحتى بعد 6 او 8 اشهر صار فيها شي وشكيت لشيخ الصناعية وتبين انه غشك في القطع راح يغيرها غصب عنه بس احفظ الفواتير 


up 1 down 0
فهد054433 171
قبل 4 سنه و 10 شهر



احنا كل سيارات البيت نوظبها دايركت مانفكر نروح التشليح حتى هههههههههه شئ جديد وكاله بيدي افضل من مكينه الله اعلم راعيها وش سوى فيها


up 0 down 0
احمد شريف 3206
قبل 4 سنه و 10 شهر



المكينه فيها عامود كرنك وقطع ثانيه 

لاكن افكر اغير كامل القطع مو احسن؟


up 0 down 0
klire 195
قبل 4 سنه و 10 شهر



اخوي نصيحة مجرب والله لاتوضب لأن التوضيب بعد مده تطلع اصوات وعيوب في المكينه صح شغل عن شغل يختلف لكن اذا معك دراهم تلقى في التشليح مكينه نظيفه ودورلك شي ممشاه قليل وتلقى بعد مكاين باقي مانزلوها من السيارة يعني يشغلها لك وتشوفها وتسمع صوت المكينه وتشوف ممشاها وتاخذ ضمان بعد لأني والله لقيت مكينه نظيفه باقي السيارة وممشاها 38 الف من جد كانت نظيفه بس ماكان دراهمي تكفي رحت وظبتها وكان الفرق يمكن الفين بس بعد التوضيب مافي عزم صوت المكينه مزعج وتأكل بنزين واجد نصيحة من مجرب اذا معك دراهم خذلك مكينه تشليح نظيفه ومع الرجيع مكينتك الاولى بيرخصون لك وبالتوفيق  


up 1 down 0
مهووس سيارات 471
قبل 4 سنه و 10 شهر



هي على حسب خبرتك

يعني اذا تعرف واحد بيوضب لك كويس وبيرجع لك المكينه وكاله وترله افضل

وبرضو نفس الشيء لمن عندك خلفيه عن المكاين بالتشليح بيكون افضل من التوضيب والتركيب سريع

يسقطون المكينه وتوكل على الله

السؤال يعتمد عليك اذا عندك معرفه بالمكاين النظيفه فخذها من التشليح مع ضمان حاول تاخذ اطول ضمان

او تعرف لك واحد يوضب صح ولاراح يغشك بالقطع


up 0 down 0
amear 1339
قبل 4 سنه و 10 شهر



اهلين اخوي
نصيحه لوجه لله (غير المكينه احسن واضمن لاجدد موديل وتركب براحه وعندك مكاين مستورده مع الضمان)
لو غيرت مكينه راح ...
1_توفر فلوس
2_توفر وقت
3_المكينه مستورده اضمن من التوضيب بلميون مره
4_راحه تامه
.............
لو بتوضب المكينه ....
1_عدم وجود عماله تزبط التوضيب 100%100
2_الخداع والنصب الورش في شراء قطع الغيار التجاري
3_تكلفه التوضيب اغلى من مكينه مستورده
4_عدم توفير وقت
5_المكانيكي يشفط الي بجيبك
6_وجع راسي
............
ونصيحه بعد شراء مكينه جديده
سوي الي اقولك عليه وراح ترتاح...(غير زيت وسيفون + غير بلف حراره + سوي غسيل للديتر والمكينه في الجهاز (من 30 الي 50) + غير غطأ اللديتر + شراء اتنين جالون ماء مستوبيشي مع ماء مقطره (سعر الجالون الواحد من 35 الي 40) واكرف السياره زي ما تحت
.....................
والله يعطيكم العافيه وشكرااا لكم


up 0 down 0
صديق المنتدى 366
قبل 4 سنه و 10 شهر



على حسب مزاجك تبغى توضب او تغير 

التوضيب افضل لأنه يرجع المكينة اصفاار / اهم شي شوف لك ورشة كويسة

اما اذا بتغير انصحك مثل ماقال ### صديق المنتدى ###
وازيد عليه انك تغير سير التيمن والشداد

سيارتي مغير لها مكينة من التشليح جلست يوم واحد واستلمتها المكينة غيرتها ب 3500 كامري 6سلندر 2000



up 0 down 0
ابن علوش 127
قبل 4 سنه و 10 شهر



قررت اغير مكينه افضل 

لو يمديني اعطي لايكات كان عطيتكم كلكم


up 1 down 0
klire 195
قبل 4 سنه و 10 شهر



المشكله انك ماتلاقي ورش تعرف توضب ماكينه ابدا 



up 0 down 0
alshady -56
قبل 4 سنه و 10 شهر



كم غيرت المكينه


up 0 down 0
هاني القرني
قبل 3 سنه و 10 شهر



8الاف من سياره راكبه 


up 0 down 0
klire 195
قبل 3 سنه و 10 شهر



يا جماعه كلفني توضيب سنتافي 2013 7100 ريال مع القطع والخرط وشغل اليد هل هو كثير


up 0 down 0
ريادات طيبة -1
قبل 2 سنه و 2 شهر



غيرت مكينة سيارتي النترا 2002 من المحلات بيع المكائن المستعملة وارد كوريا
وبعد شهر تقريبا تبين لي المكينة منتهيه وتطلع دخان ابيض واذا مشيت عليها اكثر من 2000 كيلو ينقص الزيت وتصرف بنزين المكينة طلعت منتهيه مافيها خير انا انصح اي احد يعاني من مشكلة في مكينة سيارته انا افضل يوظبها عند ورشة محترفه ولا يشتري من المحركات المستعملة خصوصا الواردة من دبي او كوريا سيئة جداً


up 1 down 0
f.p.i 4
قبل سنه و 2 شهر



سلام عليكم استفسار الي عنده خبره عن اسعار مكينة السوناتا ٢٠١٦


up 0 down 0
ابو زيااااد ١١١
قبل 6 شهر و 3 أسبوع