أضف سؤال أو موضوع جديد          

قد غيرة سير التيمن عطنا رايك

up 1 down 0
nabill 127
قبل 7 سنه و 8 شهر



سلام عليكم  
استفسار هل احد غير سير التيمن وش الفايده من تغيره ومتى افضل وقت لتغييره
علما انه اني السياره قطعت 109 الف ولم اغيره نوعها النترا ودمتم 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


كل 100 الف يجب تغيير السير اذا كان السير ربل اما انا فكنت مأخذ بكلام الوكالة واغير كل 60 الف والمصنع يقول 100 الف 


up 1 down 0
فهد سعيد علي 32
قبل 7 سنه و 8 شهر



يفضل انك تغيره لان الالنترا ربل وليس حديد عشان تسلم على عمرك ... تقبل مروري


up 1 down 0
a.ibrahem 3169
قبل 7 سنه و 8 شهر



وعليكم السﻻم
ﻻزم تغيره  ترى ما يكلف انا قبل اسبوعين مغيره السير سعره90وكالة
وشغل اليد100-150 انت وشطارتك
احسن من انه ينقطع عليك وانت تمشي ويدكرلك المكينة وتتندم


up 2 down 0
gbran403 589
قبل 7 سنه و 8 شهر



ويدمرلك


                  




up 0 down 0
gbran403 589
قبل 7 سنه و 8 شهر



جزاكم الله خير بس سمعت انه لازم يتغير مع الشداد والبكره ولا اغيره لوحده بدون الشداد والبكره 
افيدونا لاهنتم .


up 0 down 0
nabill 127
قبل 7 سنه و 8 شهر



مع الشداد والبكره وشيك على الصوف اذا فيها تهريب

واشرط عليه الشغل انا غيرت للالنترا وما ضبط يطلع صوت للبكره زي الصفير

سببه عيب ف التركيب ومع الايام يمكن ينفرط او ينقطع السير


up 1 down 0
الله يجعل المعونه 294
قبل 7 سنه و 8 شهر



الافضل انك تغيره مع الشداد والبكرة 

نصيحة لا تصلحة الا في ورشة ممتازة حتى لو كان غالي 

والافضل في الوكالة 

وتشترط عليه اي مشكله يتحملها المصلح 

لاني سبق ان غيرته في كامري 
واذا جيت الصباح اشغل السيارة اسمع صوت السير يمكن دقيقة ثم يختفي 

واتوقع السبب يبغاله وزن بكرة 

والمشكلة رجعت للورشة حصلتها مقفله
بسبب تصحيح اوضاع العمال 





up 0 down 0
لايوجد2014 69
قبل 7 سنه و 8 شهر



الله لا يعيدها من ايام كانت كئيبة كل ماتدكرها اتحمد الله اني وصلت جده سالم
كنت مسافر قبل كم سنة الى الطائف ايام ماكانت العقبة مقفلة عن طريق السيل
لاحظت بعد منطقة الشرائع ان السيارة عزمها طاح لدرجة ان التريلات تعديني في منعطفات
الحوية وجلست ادعي الله انها ماتخرب مشتني الين تقاطع فندق الانتر بجوار قصر
الملك وفجاءة طفت في طلعة الفندق بالضبط انخرشت حاولت اشغل ماهي راضية
اضطريت ادحدرها لحالي حاولت انتعها ماهي راضية
جا العسكري اللي عند قصر الملك قال وش عندك قلتله شوفتك عينك نادى زميله وفتشوا السيارة
ايامها كانت مشكلة الارهابيين واخدوا هويتي وجا الرقيب رئيسهم قال اتركوه
المهم كل ماوقفت سطحة مايرضوا يروحوا جده الين لقيت واحد من شباب الطائف
وافق يجيب سطحته انتظرته وجا بس اخد 500 ريال نزلني بالسطحة لجدة وقفتها قبل الفجر
قريب من الورشة والحمد لله ماجرى لي شيء غير خراب السيارة
طلع سير التيمن مقطوع وزين ماخبطت المكينة لان بعض السيارات ادا انقطع السير ترفض
تشتغل اتوماتكيا للمحافظة ع المكينة قالي المكانيكي حظك طيب ماراحت المكينة عليك

انا غيرته مرتين السيارة السابقة لي دايو ليغانزا مكينتها الماني وليست كوري 



up 5 down 0
ابو خالد الناصري 476
قبل 7 سنه و 8 شهر



السير ربل و زي مادكر اخوي اللي فوق غيرت الشداد والبكرة ووزنت البلوف لانه يفك راس المكينة 


up 0 down 0
ابو خالد الناصري 476
قبل 7 سنه و 8 شهر



عندي سوال سير التايمن هو الجنزير ولا لا 


up 0 down 1
mission 849
قبل 7 سنه و 8 شهر



هو الجنزير لكن في السيارات القديمه ونادرا مايتغير ولوفكرت تغيره بعد200 الف السيارات الجديده يجي ربل كانه مصنوع من جلد زي السير الخارجي وهذا مشكلته ينقطع واذانقطع يمكن تخبط الماكينه وبعض سيارات تعدي على خير زي صاحبنا الي فوق ربك سترها


up 3 down 0
العميل z1 -41
قبل 7 سنه و 8 شهر



يعطيك العافيه يا العميل


up 0 down 0
mission 849
قبل 7 سنه و 8 شهر



اهلين اخوي
-(لازم تجيب القطع الي راح اذكرها وقت تغير سير التيمن والافضل يـ اخواني تغير السير من من 50 الي 70 الف كيلو لتفادي القطع لاسمح الله لو انقطع ممكن يكلفك اصلاح نص مكينه والافضل انك تغير مثل ما ذكرت وسعر السير والقطع الاخرى غير مكلفه كثير والافضل تشتري من الوكاله (افضل واحسن واوثق)
القطع يجيب تغيرها مع السير...
1- سير التيمن (يكون اصلي)
2- الشداد سير التيمن (يكون اصلي)
3- بكرات سير التيمن (تكون اصليه)
(ليه لازم تغيرهم الشداد وبكرات مدام راح تغير السير غيرهم مرهـ وحده ممكن يتعطل شداد او بكرات لا سمح الله او يصدر صوت والاكيد راح يكلفك فك وتركيب مرهـ اخرى فـ الاحسن تغيرهم مع بعض واهم شي تروح عند واحد فنان يفك ويركب ويوزن مزبوط)
والله يعطيك العافيه وشكرااا لك



up 1 down 0
صديق المنتدى 367
قبل 7 سنه و 8 شهر



الله يجزاكم خير .كل من علق ودمتم


up 0 down 0
nabill 127
قبل 7 سنه و 8 شهر



يعطيك العافيه على موضوعك جدا مهم واستفدنا من تجربة الاخوان ... لك لايك


up 0 down 0
متعب2300 572
قبل 7 سنه و 8 شهر



سلام عليكم ..
هل النترا 2013 1600 سي سي فيها سير تيمن والا بس في 2000 سي سي 


up 0 down 0
abdulmajeed alaamri
قبل 6 سنه و 5 شهر



طيب يا حبايبي
والسانتفيه 2013 سير التيمن حديدولا ربل
لأني ناوي أغيرة وأغير الشداد والبكرات


up 0 down 0
ابو بدر المدريدي 18
قبل 5 سنه و 7 شهر



بعض السيارات سير التايمن فيها جنزير حديد مايتغير وبعضها سير ربل يتغير بعد مده من الاستخدامط


up 0 down 0
naif al h
قبل 5 سنه و 6 شهر



يالربع النترا2013جنزير في صوت اغيره ولا ايش رايكم


up 0 down 0
abdullah asd
قبل 4 سنه و 7 شهر



تو كلمت الوكاله النترا وسوناتا من ٢٠١٦ وفوق حديد معاد تجي ربله الجنزير حق المكينه


up 0 down 0
adminlod
قبل 3 سنه و 5 شهر