افضل سيارة

وعليكم السلام ورحمة الله وبركاته
مالها عمر معين 
لكن فيه بعض انواع السيارات ما توصل 200 الف الا المكينه تحتاج توضيب 

لكن بالغالب كثير من السيارات توصل 500 الف وهي باقي بحالة ممتازه 

اذا كان الاستخدام كويس ومحافظ على الموتر بجميع القطع الاستهلاكية ومحافظ على غيار زيوته وتحميت السيارة وش اللي يخليه يخرب ولا يخبط ممكن يطلب قطع معينة مع كثر الممشى انتهى عمرها لكن مايوقف وانا كنت امتلك سوناتا ماشيه 310 وبايعها ماشاء الله ماحطيت فيها يشهد الله علي الا قطع استهلاكية بواجي وطقتها ولا قد فكيت لارديتر ولا مكينة ولا قير ويوم جيت افحصها ماشاء الله تبارك الله اداء مكينتها مثل موتري اللي شريت وموتري هاذا ماشي 179 الف ... الفرق في الاستخدام فقط ... تقبل مروري

أعتقد ان لكل شئ له عمر افتراضي وينتهي
مايدوم الا الله سبحانه
لاكن مع استخدام الحشمه والمحافظه على الصيانة بدوم معك لفترة أطول باذن الله 

مع السعوديين مافي شي يدووم والاسباب معروفة

الزيت وفلتر المكينة تغيرها بوقتها وقطع أصلية بتعيش معاك المكينة ماشاءالله
لان المكينة تخبط بسبب الاحتكاك واذا الزيت ممتاز تعمر

بشكل عام المكاين الكبيرة تعمر اكثر لان الضغط او دورات المكينة اقل مثلا ضغط مكينة اليارس على 80 يعادل 2500 على سبيا المثال في المقابل سيارة 8 سلندر تلاقي الضغط على 1500 يعني استهلاك اقل للمكينة

الاماني مثلا يمشيك 500 الف بسهولة وممشي 200 الف ولاشي بالنسبة له لانه مصنوع باتقنان فب المقابل السيارات الاقتصادية قارب عمرها الافتراضي للنهاية

هذا بشكل عام لأنه فيه استثناءات

وفي ناس سياراتهم ماشية 100 الف وتضرب المكينة من سوء الاستخدام

احب اضيف نقطة لردي 

شوف عندك السيارات التجارية زي الباصات والشاحنات والدينات المكينة تمشي مليون سلام سلام

فيه شخص معه لكزس ٤٠٠ ماشيه ٦٥٠ الف ومكينه تقطر ماء ولا نقص ولا شي يو غير جنزيز مكينه داخل مكينه نظيف سيارها مهما حفضت عليها ثق ثقه راح تعيش معك 

تعمر على حسب الاستخدام

زي الانسان يقل عمره بالتدخين بالثواني في كل زقاره بالبدايه ماتاثر لاكن بالاخير تتجمع الثواني وتقرب اجل بعد الله

والسياره زي كذا تستخدمها زرزه وطمر ارصفه الخ يقل من عمرها بدل ماتخدم سنين اطول يقصر عمرها

دايم اشبه السياره بالانسان

اذا عاملته كويس يعيش معك

وان دلعته اكثر من اللزوم يخرب سوا انسان او سياره او اي كاين

تعتمد على نوع السيارة بعد كلنا نعرف ان فيها سيارات تكون جودة مكاينها ضعيفه وفيه متوسطه 


بالنسبه للكزس يا سكودر ترا ال ٤٣٠ يسمونها سيارة المليون وشف بالموقع فيه سيارات ماشيه كثير ولا تزال المكينة بحاله ممتازه

غالبية السيارات عموما والسيارات اليابانية والاوروبية خصوصا
توصل المليون بالراحة واكثر بعد

قلت هالكلام لأني شفت هالسيارات بعيوني 

اهم شي المحافظة  
السيارة ماتجامل   تدلعها تدلعك تلعنها تلعنك

انا من تجربتي عندنا سيارة اول 10 سنوات ماسكها  ابوي  وكانت ةكالة   بعدها اوي ممكن ثلاث سنوات وبعدا انا سنتين واخوي سنتين وبعدها خربت 
ةكانت ماشية 400 بس لو تمسكها رجل وحده اتوقع توصل لل 700 الف ولا تتوظب طبعا تغير الزيت بانتظام 

عندنا كامري بوكس ٩٩ ماشية ٥٠٠ الف لا زالت تخدم بس تخرخر زيوت

لو انا فرضي بدلت صوفها و زينتها و تعيش ما عندها مشكلة

لكن اذا صارت قديمة تعاجزت تزين فيها شي دام معك غيرها

لكن اذا انت هاوي تحافظ عليها ممكن تمشي مليون سلام سلام

شفت اكورد مع أمريكي ماشية مليون ميل. يعن مليون و ٦٠٠ الف كيلو

اهلين اخوي
-(كيف بتحافظ على المكيفه وتخليها نظيفه وعمرها طويل تابع التعليمات)
1- تغير الزيت كل 3 الاف (احسن وافضل لانو الاجواء ما تساعد وغير كدا تفضل المكينه من الداخل(نظيفه)
2- تغير بواجي
3- تنظيف اللديتر والمكينه في الجهاز مع اضافه ماء لديتر اصلي مثل ماء (ميتسوبيشي)
4- تنظيف الثروتال مع البخاخات
5- عدم الدعس والحرف
6- اي تهريب في المكينه (لازم تعالجو بأسرع وقت)
7- تغير فلتر المكينه كل تغيره زيت لتفادي الله يكرمك (الشوائب و الرايش)
8- تحمي السياره
9- عدم تركيب قطع ارياضيه
10- (تغير ان لزم الكويلات او اسلاك بواجي)
11- تنظيف فلتر المكينه ويجب تغيره كل (50 الف او اقل) وتنظيفو كل مرهـ مع تغير الزيت
والله يعطيك العافيه وشكرااا لك