أضف سؤال أو موضوع جديد          

أبي حل للإرباق يا إخوان

up 1 down 1
ssv8 1048
قبل 7 سنه و 10 شهر



السلام عليكم ورحمة الله وبركاته ، مساكم الله بالخير يا إخوان ، مبارك عليكم شهر رمضان المبارك الله يجعلنا من صوامه وقوامه والله يكتبلنا العفو والمغفره ورزق من الله تعالى 


يا إخوان انا عندي إكسنت 2011 الشكل الجديد ، سويت عليها حادث قبل سنتين ، حادث بسيط بالوجه اللي تأثر رديتر المكيف مع الصدام والكبوت حتى الشمعات ما تأثرت ، ومع إن الحادث بسيط بنظري وبنظر اللي شاف السياره على وقتها ، اللي هبلني إن الارباق طلع في وجهي وقت الحادث ، مع إن الحادث كان على سرعة 50 تقريبا ، المهم انا وقتها دخلتها لورشة وغيرت القطع كلها وكاله الا الصدام كان تجاري وحبيت اغير الارباق ، المهم شريت ارباق وشريت حساسات الارباق اللي جنب المكينة ( حساسين فقط ) وشريت اثنين حزام أمان لان الحزام تقفل ولا يطلع ، واشتريت حساس الارباق اللي خلف الدركسون ، المهم كلفتني حدود 10 ألاف ريال ( قطع الارباق فقط ) ، يوم ركبت القطع لمبة الارباق ما طفت ، قالي حق الورشة سو لها برمجة وتروح ، سويت لها برمجة ولا راحت ، والحين ياإخوان ابي فزعتكم ، وشلون تروح لمبة الارباق لاني دفعت عليها مبلغ وقدره والموتر انا ببيعه وقهر الصراحة إن المشتري يشوف اللمبه مولعه ويطيح من سعرها شوي ، أبغى حل يا إخوان 



علما بأن الموتر معروض في الموقع واللي له نظر يعلمني 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


طيب دخلها الوكاله هم ابخص في الحركات هذي


up 0 down 0
al_orainy 56
قبل 7 سنه و 10 شهر



أفصل البطارية وأرجع ركبها مرة ثانية
وأذا الحركة ما نفعت ودها الوكالة أريح لك


up 1 down 0
من أنا 251
قبل 7 سنه و 10 شهر



للعلم إخوي ، أنا غاسل يديني من الوكاله ، لان اول ما شريت الموتر قبل 3 سنوات وبصيانه 1000 دخلتها عندهم وطلعتها ولمبة المكينة مولعه ورجعت وبرمجوها من جديد وبعدها حلفت ما اروح للوكاله 


up 0 down 0
ssv8 1048
قبل 7 سنه و 10 شهر




شف وانا أخوك :
* اذا كنت ناوي تبلغ المشتري إن السيارة طلعت إيرباقاتها ولكنك صلحتها فهنا بقولك لاتحرص واجد على إصلاحها لأن في الحالتين
بتوصل لنفس النتيجة , لأن اللي حريص يشتريها بيفحصها وبيتأكد من عدتها وعضلاتها ولابيهمه موضوع الإيرباق .

* اذا كنت ناوي تخفي هالشيء عنه ولا تقوله إن الإيرباق طلع وتم إصلاحه فهذا يعتبر غش والفلوس اللي بتكسبها بسبب 
هذا التحايل تعرف حكمه الشرعي .


up 3 down 0
a.aljaaidi 88
قبل 7 سنه و 10 شهر



لا يا إخوي ، لو انا ناويها بحرام كان ما كتبت بالإعلان كذا ، لكن القهر اني محافظ على الموتر والدليل اني دفعت هالمبلغ عشان الارباق ولا طفت اللمبه 


up 0 down 0
ssv8 1048
قبل 7 سنه و 10 شهر



فك لوحة العدادات وطلعها برا وشيل لمبة الايرباق


up 1 down 2
فلان الفلاني 508 501
قبل 7 سنه و 10 شهر



هلا إخوي إبراهيم ، نعم سعره بالوكاله 8 ألاف وتركيب ب 2000 ريال برا الوكاله 


up 0 down 0
ssv8 1048
قبل 7 سنه و 10 شهر



السلام عليكم ورحمة الله وبركاته 

اخوي لو ما عليك امر تقدر تطلع رقم الخطا بفحص الكمبيوتر وترسله لي خاص او هنا

وباذن الله اقدر اساعدك في حل المشكله

احتمال يكون من التركيب او الكمبيوتر الخاص بالايرباق قفل وماتقدر تمسح اخطاءه

وكل مشكله ولها حل اخوي بإذن الله 




up 1 down 0
abudhbi 98
قبل 7 سنه و 10 شهر



هذا رقم الخطأ إخوي b1650 وجزاك الله خير مقدما ولك لايك 


up 0 down 0
ssv8 1048
قبل 7 سنه و 10 شهر



السلام عليكم ورحمةالله وبركاته

اسف جدا علي التاخير في الرد

الخطا موجود في كمبيوتر الايرباق ولا يمكن مسحه بواسطه الاجهزه العاديه 

في المحلات التي تفحص اكثر من نوع واحد من السيارات ( الاجهزه المتوفره في الاسواق

اجهزه صينيه ولا تقوم باعاده الظبط لاجهزه السياره لوضع المصنع ) 

غالبها طبعا ،،، تحتاج جهاز مختص بسيارات الهيونداي لمسح الذاكره من جهاز الايرباق

وتصفيره ونصيحه ان تقوم بذلك علي يد مختص لتجنب حدوث مشكله اخري 

وهذا الخطا بالترجمه الاجنبيه ( B1650 Crash recorded in 1st stage only(Frontal - Replace ECU).
  

واسف مره اخري على التاخير 


up 1 down 0
abudhbi 98
قبل 7 سنه و 10 شهر



لبى قلبك والله ما قصرت بالعكس انا آسف اني رديت عليك متأخر ، جزاك الله ألف ألف خير 


up 0 down 0
ssv8 1048
قبل 7 سنه و 10 شهر