أضف سؤال أو موضوع جديد          

موضوع مهم

up 7 down 0
شبح 600 sel 6081
قبل 7 سنه و 3 شهر



السلام عليكم 


اسعد الله اوقاتكم بكل خير 


اخواني موضوع غش الفحص ونعاونهم مع اغلب المعارض المعروفه وللاسف اغلب الفحص الي يتفنن بالغش فحص معروف وله سمعته 


وانا واحد من ضحاياهم قبل سنه شريت سياره من شخص كان عارضها في معرض

 ورحت افحصها عند فحص معروف والفحص كان كامل المهم عطاني النتيجه ان السياره مافيها اي عيوب ولا فيها اي مشكله توكلت على ربي

 ثم خذيت كلمتهم بما انه فحص معروف وانا يوم جيت افحص عنده كان معي العامل حق المعرض وشاف العامل وسلم عليه المهم بعد مرور سنه قررت ابيع السياره

 وراح الشخص يفحصها في مكان غير الي انا فحصته فيه وكتشفت ان الشنطه كامله مع الرفارف مغير والسياره مرشوشه رش كامل الي ابي اعرفه هو وش مصلحته يوم غش هل هو ياخذ فايده


 وثاني شي اتمنى منكم يا اخواني تاخذون ناس خبره معكم فالبدي والمكينه والقير ودوها لورش بعيده


 عن المعارض للاسف هذولي ناس مسلمين فالبطاقه لا يخافون ربهم ولا يخافون من دعاوي المساكين الي ينغشون اسف


 عالاطاله , ومابيكم تطيحون بشي انا طحت فيه قبلكم والله يكفينا وياكم شر الي مايخافون الله بالتوفيق للجميع .... 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله المستعان في كل شي غش حتى الوكالة 
اجل من وين نشتري 

لكن الواحد اذا بيفحص يفحص في اكثر من ورشة او محل ما يعرفه صاحب المعرض


up 0 down 0
الصمت كبرياء 328
قبل 7 سنه و 3 شهر



حسبي الله عليهم التلاعب ما يجوز وهذا من الغش والعياذ بالله


up 1 down 0
شقردي2014 408
قبل 7 سنه و 3 شهر



الحين تطورو في الغش
بدائت تنتشر حركه جديده يروح فيها الضحيه راعي الموتر اللي يبغى يبيع

يجيك الشراي يتفق مع صاحب محل فحص ويقوله اذا جبتلك موتر ابيك تفحصه وتطلع فيه عيوب وبعطيك حقك وزود
عشان يكسر قيمة السياره من راعيها

المهم الشراي يروح يدور مورت واذا لقي موتر نظيف قل راعيه انا شراي 
بس على شرط افحص فالمكان اللي ابيه انا

راعي الموتر يقول على كيفك سيارتي وانا ضامنها بينا الفحص

يجيك الكلب ابن الكلب الشراي ياخذ الموتر لمكان الفحص اللي متفق معاه انه يطلع عيوب فالسياره غير صحيحه
بعدا تطلع نتيجة الفحص ( القير فيه ضعف في كلتشاته + الدفرنس على وشك خراب + ضغط البساتم ضعيف )

ويطلع عيوب غير موجوده فالسياره

يجيك الشراي يقول للبايع وهالموتر اللي فيه عيوب الدنيا وتقولي انه نظيف
راعي الموتر ينصدم وماعاد يعرف وش يقول

يجيك الشاري يقول سيارتك يبيلها شغل وبتكلف
ويطرح من قيمتها 10 الف ريال وينشب لراعيها ويشتريها بسعر منخفض

كل واحد ينتبه على موتره من هالنصابين


كان من دعاء النبي_صلى الله عليه وسلم_
((اللهم أغننا بحلالك عن حرامك وبفضلك عن من سواك))


up 1 down 0
_مهندس كهربائي_ 55
قبل 7 سنه و 3 شهر



الله يكفينا شرهم والله يا اخوان انها مصيبة

الاكل من الربح بالغش حرام الله يكفينا واياكم شر السحت وسغنينا واياكم بالحلال الطيب


up 1 down 0
amh2222 417
قبل 7 سنه و 3 شهر



شرينا سلفاردو وطلع مقلوب وفيه شغل ولكن الغريب ان الفحص قال كله تمام ومافيه شي وما درايت الا من شخص خبير عن القلبه 


up 0 down 0
kingksa2015 489
قبل 7 سنه و 3 شهر



اخ لاتجيبون طاري الغش انصدم انا


قبل فتره شريت موتر قالي صاحب المعرض الموتر شرط كل شي بس فيه رش تجميل بالرفرف اليسار

والرشه شويتين خشنه يعني ابو كلب جزء من الرفرف وليس كامل

بعد ماشريت الموتر بفتره لاحظت اختلاف بوزنية باب السائق شفت المسامير حقة الباب باين عليها اثار فك بي انا ما ادري الباب مغير من التشليح ولا حق بلاده اهم شي انه بدون رش وسمكره

للحين قاعد افكر بيني وبين نفسي هم يوم رشو الرفرف نزلو الباب احتياط لايجيه بويه ولا مغيرر ؟؟؟؟؟؟ مع ان كل الي قالي اصحب المعرض على الشرط طلع تمام مكينه دفرنس قير كل شي


up 2 down 1
كاس العالم2014 -41
قبل 7 سنه و 3 شهر



مافيه ي شباب رقم بلباب ولا شي يبين لي الباب تبع الموتر ولا تشليح مغير ؟؟؟؟


up 0 down 1
كاس العالم2014 -41
قبل 7 سنه و 3 شهر



الله يكفينا ويكفي المسلمين شرهم ويرد كيدهم في نحورهم

عن مالك بن دينار قال : دخلت علي جار لي و قد نزل به الموت، وهو يقول : جبلين من نار جبلين من نار،

 قال قلت: ما تقول ؟ قال: يا أبا يحيى كان لي مكيالان كنت أكيل بأحدهما، وأكتال بالآخر، قال مالك بن دينار :

فقمت فجعلت أضرب أحدهما بالآخر، فقال يا أبا يحيى كلما ضربت أحدهما بالآخر ازداد الأمر عظما وشدة، فمات في مرضه. 

يا اخوان مهب كل واحد حالته المادية زينة بعضهم حالته على قده واذا جاء يشري سيارة بيضطر يحرم نفسه ويمكن عياله

من بعض الضروريات ويعصر نفسه ويحط الي وراه والي دونه ويمكن فوقها سلف عشان يشري واخرتها يخمه شريطي

ما له ذمه ولا ضمير وكلها عشان طفسه فلوس ما فيها بركة وبصراحة شي يقهر ، فالي يعرف مركز فحص سبق ونصبت

على ناس يذكرها بالاسم حتى يحذر منها الناس 


up 2 down 0
بسكوت اوريو 230
قبل 7 سنه و 3 شهر



والله انا الحمدلله توكلت على الله وشريت فورد موديل 2010 وبدون فحص 

اخذت اربعه خبره بالسيارات صح صح فحصوها بنفسهم قالوا مافيها ولا شيء ماجاها لارش ولا اي شيء بودي وكاله 

وخليتهم يسوقونه ودعسوا فيه وجربوا القير وقالوا تمام والمكينة فزتها تمام وتوكلت على الله وخذيتها 

وبعد اسبوعين مدري ثلاث نزلت اشوف بطن الموتر والقاه كل ابوه صدا من تحت وربي انقهرت بس يالله الحمدلله 

المشكلة بالطايف مافي محلات يشيلون الصدا 


up 1 down 0
do8sh 208
قبل 7 سنه و 3 شهر



^^

سيارة وفي الغربية كيف ماتبيها تصدي و موديلها 2010 لها 4 سنوات مافيها شيء

لا هي كارثة ولا مصيبة تقدر تشيل الصدا بمحلات التظليل المشهورة اومحلات التلميع عندهم مادة و صلى الله وبارك


up 2 down 0
alkathiry 706
قبل 7 سنه و 3 شهر



^^^ 

يعطيك العافية اخوي وان شاء بروح والف وبشوف لان الشاص مصدي رايح فيها 

بكم طيب يشيلونه فوق 200 ؟


up 0 down 0
do8sh 208
قبل 7 سنه و 3 شهر



٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨٨


يا خوي  ترا محلات الفحص تعطي ضمان سنه ان طلع فحصها في مشكلة 

يحق لك تقديم شكوى ويقوم محل الفحص بتعويضك 


٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧٧


up 0 down 0
maximum speed 578
قبل 7 سنه و 3 شهر



اذا معك ورقة الفحص من نفس الورشه ومكتوب وكل شي سليم ، تقدر تشتكيه ويعتبر غش و وقتها خلي المشتري ينفعه


up 0 down 0
المستبد 96
قبل 7 سنه و 3 شهر