...................................

كان الله بعونكـ وفرج الله ضيقتگ

اخوي مااظن تلقى  الا من شركات التقصيد
ونسبهم قوية

انتبه تروح لشركات التقصيد
نصابين نسبهم عالية وشغلهم كله شبهات

اصبر لين تتوضف رسميا وتتثبت 
وخذ قرض على راحتك 

مجرد ناصح 
موفق

لاتستعجل على هذه الدوامه .. وتدفع بعد لها 5 الاف ريال !!!!
خذها لك نصيحة كل ماتعسر امر لك في قرض 
من هالقروض اسجد لله شكر .. فهو والله نعمة ماتدري عنها
اصبر واصبر واصبر ولو تأجلها اطول وقت وحتى تتخرج 
فهي نعمة وافضل لك ..
ولاتستعجل على هالدوامة بكره بتدخلها اذا الله احياك 
من اوسع ابوابها 

فيه  حكمه انا قريتها  
تقول  لو خيروك  
الجوع   او ان تقترض    فختر الجووووووووووووووووووووووووع

القرض   هم  وغم   ليلا نهارا   فايرس  ياكل راتبك   مدة اربع او خمس سنواااات   

ممكن تستخدم سيارات ارامكو بس انتبه على البدي لايجيه مخش بيهبلون فيك اعرف واحد شغال في ارامكو معاه جمس سييرا جاك مراهق مامعاه رخصه قشعه من الجمب والولد غلطان المصيبه ارامكو ماتعترف بهالشيء حتى لو ما انت غلطان بيهبلون بك راح قال لحق الورشه تكفى سويها ابيها في يوم واحد وخذ 1000 ريال بس ضبطها لايدرون عنها المهم ضبط الصدمه وراح اليوم الثاني سلم السياره بسكات واخذوها ناس لأيام معدوده غيره ما اكتشفوها الا بعدين من المسئول مايدرون 

ارامكو فجر مكاين قيور دفرنسات سياراتهم بس البدي ياويلك لو يجيه خدش 

ياحبيبي
انتظر سنه ونص تتخرج وتظمن الوظيف هذا اول شي لاتستعجل
ممكن تلطع قرض ولا قدر الله تنطرد من ارامكو ترسب فالدراسه وتبقى مدبس في دين

خلك تتخرج وبعدين تثبت فالوظيفه وملحق على الدين

بقولك شي بس ماتتضايق
الحين كل واحد مبتلى في نفسه وعليه ديون ويادوب يرقع في نفسه
اخوي وهو اخوي هبل فيني وانا مطلع له سياره

الدينا تغيرت وانا اخودامك على وشك تخرج انتظر وطلع لك قرض وخذ الموتر اللي تبي

منة الله ولا منة الناس

والله ياخوي القروض مافيها خير قسم بالله 

تاخذ قرض خلااااص كل حياتك بتسير قروض 

والله العظيم ولد عمي تخرج دكتور وسيارته كامري 2002 وحالتها حاله وتخرج ولا اشترى سياره له سنتين 
كلنا قمنا عليه قلنا له ياخي اشتري انت ماشاء الله تستلم 18 مدري 20 قال مابي اطيح بالقروض وانتظر سنتين وشوف طلع له ادج 
2014 سبورت ب160 الف كله من تجميعه مو قرض ويقول الحمدلله جعلني مااطيح بالقروض 

وشوف اخوي صك له قرض واشترى دودج srt8 والله الين ذحين من قرض لقرض يقول الله ينعلها والله تمحق بركة الراتب 
وان شاء الله الشهر الجاي اخر تسديد وينفك من القروض ويرتاح 

يعطونكم قرض للطلاب على بنك الرياض

اخوي الصغير متدرب مثلك وتو عطوه قرض  30 الف من بنك الرياض على سنتين وربحهم الفين ريال فقط

والحين جالسين ندور له النترا او اكسنت 2013  يمشي حاله فيها

اعانك الله والله يوفقك ان شالله

اعوذ بالله نساعدك على الربا !!!

فيه طريقة بس تضرك
طلع قرض وبطاقة فيزا واسحب رصيدها كاملا بعض البطاقات يعطيك الى 30000 ريال

الله يكون في عونك والفرج من الله 

اسال الله للجميع ان يرزقهم من واسع فضلة وجزيل رزقه 

أخوي الله ييسر أمرك ويفرجها لك من حيث لا تحتسب

لكن نصيحتي لك اذا "قدرت" تصبر لين تتخرج وتشتغل 

وتشري موتر بدون قروض فافضل لك ويكفي اقولك ان راتبك كله

لك ومحد يشاركك فيه

احذر يا اخي ان يكون ما تطلبه حرام شرعا

انا لا افتي ولكن انصحك بالسؤال

^^^^^
معليش أبو عبادة
عطيتك دسلايك وابي اعدله ويرفض

الف شكر لكل الاخوان اللي نصحوا وردوا وجزاكم الله الف خير وانا عارف مانصحتوني الا من محبة واخوه في الله ..

ولكن يا اخوان لظروفي الخاصة احتاج المبلغ بهالفترة مع العلم ان تخرجي من ارامكو قريب والامور طيبة ولله الحمد لكن احتاج المبلغ الآن..

وانا والله ماجيت وكتبت الموضوع بالمنتدى الا بعد ما استنفدت كل الطرق مع البنوك اني ادبر المبلغ" وانا ما أبي اطر لا من جماعتي ولا من الناس"

 انا ابي قرض مثلي مثل الناس وانا اللي باسدده وقادر ولله الحمد اني اسدده.. ومثل ماقلت البنك يعطيني 25 الف فقط عشان القسط يكون ثلث الراتب 1000 ريال ..

وانا ماعندي مشكلة اقسط لهم 2000 ريال ويكون المبلغ 50 الف .. فاللي يقدر يساعدني اني اطلع قرض باسمي بهالمبلغ راح اعطيه منها 5 الاف عشان مساعدته لي ..


وجزاكم الله الف خير .

عندي لك فكره بس ممكن تكون صعبة عليك الوالد سواها وشرا ارض ..
شوف اي واحد تعرفه وتثق فيه ويثق فيك او من الجماعه
توه متزوج ومايحتاج القرض اللي من بنك التسليف وخله يطلعه باسمه واكفله وتقسطه انت ..
قرض الزواج 60 ألف
بس لا تنسى الـ5 الآف ههههههه

صباح الخير 

اول انشاءالله ربي يوفقك ويسهل أمورك وتتخرج 
وتتعين ف المنطقة الي انت تبيها 

ثاني شي انا متوظف مالي الا ٤ شهور 
وكنت مثلك مستعجل ع القرض ورحت البنوك محد رضى يعطيني 
مبلغ كويس وصبرت لين وقعت العقد و على طول طيران ع البنك ابي اطلع قرض 
وقالو لازم تكمل ٣ شهور ع الوظيفه او نرفع لك طلب استثناء طبعا انا قلت ارفع طلب ابي
القرض ب اي طريقه .. وطلعت القرض و اشتريت سياره وأول شهرين الأمور ماشيه تمام 


بس بعدها ندمت أشد ندم اني طلعت قرض .. انغبنت ف السياره و ف القرض
وكل هذا بسبب التسرع والعجلة

شفني الحين قروشت عمري ف سياره قطعها ما ترحم 
والبنك يأخذ من راتب من هنا 

ف نصيحتي ي اخوي اصبر ما ورى شر عجله
وإذا ع موتر جمع من المكافئه كم قرش
ودوام ع الباص ... صح بتنقهر وتنفس بس بترتاح بعدين << نفست لين قلت بس ي رجل بدون سياره 
وإذا تخرجت اول راتب بيجك بيجي ماشاءالله شوي دسم .. واحتمال كم شهر وينزل بدل. سكن 
وحط الي جمعته مع شوي من راتب الي نزل مع دفعه بدل السكن 
وبجيك مبلغ جداً ممتاز ... وخذ لك سياره وكاله (((( غير الوكالة لا تشتري شي ))
واهم شي سياره تودي وتجيب ( هونداي * تويوتا * كيا ) سيارات رخيصه وقطعها رخيصه 
وتفك نفسك من الديون و الهم والغم


وآنشاءالله تسمع النصيحة ولا تسوي سواتي 

الشباب هنا ف المنتدى ما قصرو و اخوياي وأهلي بس
م سمعت النصيحة

ومعليش طولت ف الكلام بس اعتبرك مثل اخوي ومابيك تنغبن

والله يوفقك و يوفق الجميع  
 

انا انصحك تاخذ بنصيحة الاخ naifms اذا كنت تقدر 

قرض ب استقطاع فوق ثلث الراتب انسى ؛ هذا نظام مؤسسة النقد السعودي ؛ والبنوك يتغرمون لو تجاوزوه ؛ ووراهم تتدقيق ؛ هذي اموال .

شوف افكار الشباب والله حلوه ؛ بالذات حقت بنك التسليف ؛ و الفيزا ؛  لكن الفيزا مخاطره ؛ ويمكن تتراكم عليك الديون وتزيد نسبتها ؛ 

عموما يالغلا ؛ ليش مافكرت تاخذ ايجار منتهي بالتمليك ؟ ؛ يسمحون ب ٦٦٪ من الراتب ؛ يكون ايجار ؛ 

وانت توك ف بدايه حياتك ؛ خذلك اكسنت شوف عروضها ب ٧٧٧ عند المجدوعي ؛ 

سياره توديك وتجيبك ؛ وحجمها مناسب لك ؛ وتفكك من النفسيه ؛ 

وفيه فكرة ثانيه بعد ؛ خذلك قرض ابو ٣٠ ؛ ودور لك ع سياره صغيره موديل جديد ؛ ماشيه ١٠ الاف كيلو ؛ بتاخذها ب اسمك ؛ واستخدمها فترة لين تتيسر ؛ وبعها وزود عليها ؛ وخذ غيرها ؛ وكذا ..