هل صيانة السيارة ضروري ارجو الرد

الضرر ما فيه بس لازم تسوي بعض الامور من زيت القير وفلتر القير والتشييك كل ما قطعت مسافة حسب ما هو محدد علشان تضمن باذن الله السيارة باي وقت تحتاجه

عندنا سيارة ما شافت الوكالة الا ممره وحده الى ان بعتها

المهم انك تحافظ على الزيوت والامور الروتينة من الفلاتر والماء والزيت وتغيير بعض السيور والبواجي حسب استخدامك

في كل كتيب لسيارة في "جدول الصيانه الدورية" افتحه وشوف وش التغييرات المطلوبة حسب المسافة المقطوعة
يعني عند مسافة 40 الف تغيير سير وفلتر هواء مثلا
مسافة 60 الف تغيير زيت قير وبركات

ومن هالجدول اذا بتلتزم فيه كأنك عملت صيانه جيده ولكن اشتري القطع الأصلية من الوكاله
ولا تغير عند اي حد عينك تشوفه ... شفلك مكان محترم تغير فيه ... بترومين مثلا

شف وانا اخوك الصيانات في الوكالة نوعين

صيانة دورية وصيانة رئيسية

عادة الدورية تغيير زيت وتشييك علي الزيوات والفحمات وبعض اجزاء السيارة وهذي غير ضرورية

وفيه صيانات رئيسية وهي الي تتضمن تغيير قطع حسب عمرها الافتراضي

فيه كثير من السيارات تكون صيانتها الرئيسية ثلاثين الف وستين الف 

وبعضها اربعين وثمانين

فانت شيك كتيب الضمان وتاكد من الوكيل الصيانات الرئيسية علي كم ولا تفوتها نصيحة 

والله شوف على حسب انا عندي النترا 2014 ماشيه 50 الف من يوم تشييك 5000 الاف وانا ساحب عليهم والموتر الحمد الله ممتاز زيت وسيفون والموتر له تسعه شهور

ولا كل عشره الاف مر عليهم واساله وش بتغيرون اذا شفتها ضرورية وسعرهم مناسب غير عندهم

على الضرر ما فيه ضرر 
ولكن الافضل كل فترة تشيك عليه من باب الاطمئنان 

اهم شي شيك عالموتر كل فتره وفتره بالمراكز الكبيره مثل لعضيب
يشيكون عالقطع الاستهلاكيه
وحافظ على غيار الزيوت جميعها بموعدها واي تغيير بالموتر ولو طفيف شيك عليه فورا
وان شاء الله ما تشوف الا العافيه
ترى شغل الوكالات نصب في نصب ما غير تغير زيوت وتشييك مثل المحطات وياخذون عليك مبلغ وقدره

شاكر لكل من رد وهاذا يدل على طيبه وتستاهلون الايك بس الحد الاقصى ٧ لايك ..احس انه فيه قعاطعه ب الموقع ..والموتر مشاء الله مايشتكي من شي الا اصوات الديكورات مره اسمع عند الباب وبعد ثلاث شهور عند الطبلون ...

اهم شي اذا جيت تغير زيت المكينه خذ فاتوره عشان الضمان يشملها اذا وديتها الوكاله لاقدر الله في حال اصاب الموتر شيء .
الله يجنبك كل مكروه،،،

ليست ضروريه  سيارتي سنتين ونص ماسويت صيانه له

هين الديكورات شي طبيعي انا عندي في الطبلون اهي والسوناتا 2012 ماش منهم بس السوناتا 2010 عندي باقي محتفظ فيها لا اصوات ديكورات ولا شي الحمدالله وماشيه اكثر منهم

خويي ساحب على وكاله وومعه اكسنت 2013  بس زيت وسيفون  بعد ماكرفها خطوط رحنا انا وياه بعد مامشت 60 الف غيرنا زيت قير وفلتر وبواجي وفلتر الهواء والزيت والسيفون وفحمات وكفرات بحكم انه راعي خطوط وموتر ماشاء الله ولا كن فيه شي 

لا ما يحتاج ابد ابد

اذا عندك فلوس زايده سوها بالوكاله السياره عمليه ماتحتاج صيانه وكاله 
كلها زيت عند اقرب بنشري

من وجهة نظري ... الصيانه ( استنزاف أموال ) وضحك عالبشر وسلامتك .

عندنا ثلاث سيارات 2006 2007 2009

عملنا الصيانة المجانيه في الوكالة وسحبنا عليهم

سيارتك ماشاء الله جديدة ماشيه 20 الف ما راح تحتاج صيانة

تحتاج تغير فلتر هواء وزيت مكينة والسيفون حسب الكاتلوج