اخواني صوت بالاكسنت طقطقه خفيفه بالطريق التعبان وحذفه يسار
1
1
إضغط هنا للإخفاء
اخواني الغالين
السلام عليكم ورحمة الله وبركاته
الاكسنت اللي خبرتكم اني شريتها حراج
لها معي يومين ماشاء الله ممتازه
وجيت بغير زيت وفلتر القير عند مكانيكي بالقرب منا وايضا ليكشف على صوت طقطقه خفيفه الطريق الغير متساوي طقطقه غير ملاحظه خفيفه جدا واذا هزيت الطاره بقوه تسمع طقطقه والسياره واقفه وتمشي
بختصار قال هذا مسمار كليبر يبي خرط مدري كبس ب120 مخرطه
قلت توكيه غدا احضر لك اازيت والاغراض
وفكرت اني اروح لورشه كبيره احسن مثل السليمان بالرس ويشتغل بالهونداي وعنده قطع غيار
ولما غير زيت وفلتر القير
قلت للمهندس وطبعا هو جيد عن صوت الطقطقه واخذ عليها لفه قال ممتازه
وكشف عليها بالورشه ورفعها قال
دوده لامحال وانصدمت دوده ونا كاشف كمبيوتر ب250قبل اشري
المهم رحت قطع غيار قال مافيه لازم طلبيه ومن بريده
رحت على طول تشليح ويطلع لي دوده واذهب الى تشليح فهد بالرس واحصل دوده ب1400 وقرقر ومكاسره الى 1100 واذهب الى رفيقي قال هذي ماهي لها كبيره وخربانه بعد وارجع لتشليح وتطير عيونهم كيف وكيف
قالو صحيح هذي لكامري وهذي دوده مافكت ونظيفه تعال باكر خذها وندلك على ميزان تبعنا ونتصل عليهم يركبونها ويوزنونها
قلت اوكيه طبعا رجعت الدوده وفواتيري معي فقط
ولما طلعت قلت ليش ماروح للميزان واشوف ايش المشكله ممكن ماتكون دوده وانا تسرعت ومطفوووق
رحت للميزان نجد اعرفهم وممتازين جدا وعندهم مخرطه و ورشه وميزان وفلبنيه جيتهم وقلت قصتي الطويله اللي طفشتكم
احد يقول كليبر واحد يقول دوده
قالي اليماني رفيقي اطلع على الميزان ورفع الموتر وجا الفلبيني
وشاف العظلات كلها وطلع عليها وقااادها
وافادني بانها تحتاج فقط ربط مسامير و وزن
وليست دوده
لانه لاتوجد فظاوه ولا طقطقه قويه والطاره خفيفه
قلت الحمدلله والشكررر
اخر شي رجعت لتشليح وخبرتهم قالو تعال غدا لتستلم نقودك الان مافيش نقدي
قلت اوكيه
اسف اسف على سرد القصه بحذافيرها
اخواني نصائحكم الطيبه لا استغني عنها
وتنصيحتي لكم لاتستعجلووون بشراء القطع
كل مهندس له كللام يجب تعرض الموتر على اكثر من ورشه والكشف بلاش والفحص ب20 عند الميزان افضل من صرف الاف بغير حق
وفقكم الله لكل خير المعذره
إبلاغ
الردود
2
0
قابلني وجربت سياره وديته لميزان العضيب وقالو بنكشف عليها وكشفو عليها حصلو مشكله من جنوط ولا خذو منا ريال واحد
ركبنا جنوط حديد امامي وختفت الرجه عكوس سعرها 1800 ريال جنوط سعرها مستعملات 180 ريال فرق كبير صح
2
1
2
0
1
1
اﻻكسنت 14 في الدركسون
اذا الخط من القدام مستمر
اذا لفيت بقوه يطلع الصوت
1
1
1
1
اخوي سكود ميزان العضيب ممتاز وله سمعه ولاكن انا بالقصيم واشكرك يالغالي
اخوي ابو سعيد اذا لفيت الركسون يمين ويسار بقوه تسمع طقطقه
واخوي اسامه كلامك ممتاز والفلبيني قالي كل الاكسنتات كذااا
اشكر الجميع على نصائحكم الطيب جزاكم الله خيررر
والجميع ماحد قال دووووده ان شاء الله ليست دوووده
وايضا الاستاذ احمد حائل مكانيكي قال كليبر والثاني قال لا وايضا كلامك مهم وابركز فيه
0
0
امزح معك
ياخي موترك مشتريه رخيص يعني حط ببالك يتدفع اقل شي الفين عشان يكون خالي من المشاكل والعيوب
رح اكثر من ميزان واطلب منهم يشيكون على الاتي .. ( اطلب منهم يفحصون القطع التالية ولا تنسى ولا وحده منها )
1 - العكوس مع الربلات
2 - المقصات مع ربلاتها
3 - المساعدات + كراسي المساعدات
4 - الاذرعه الداخليه والخارجيه
اذا فيه ذي يبي تغيير رح اقرب موزع لهونداي وخذ اصلي ولا تأخذ غيره
واذا خلصت من كل شي .. سو وزن اذرعه عند واحد شغله زين وبالغالب ياخذون من 30 - 50 ريال
والوزن بالكمبيوتر ب 100
0
0
بعض الناس هنا افهمها اقوله دخل موترك فحص بالميزان مايفهم الا يلف الصناعية كلها وكل ورشه تعطيه كلمة ويجي يتشكى هنا
0
0
يسار الحين يمبن ويسار
0
0
0
0
0
0
قبل 10 سنه و 4 شهر