رجة بالسياره على سرعة 160

شيك ع الكفرات والترصيص

سامي الله يهديك وش اللي رجفة حقت الموت? انت خوفتني كذا مابي اسوق بطلت كلش ^_^

اخوي نواف الكفرات جديده تتوقع الترصيص يحل المشكله? رغم ان الرجه ماتظهر عند 120-140-160 فقط لما اوصل 165 تبدا ترج السياره خفيف 

شيك على الجنوط وررص ترصيص ارضي افضل ترصيص البناشر العادي تعبان 

فيه محلات متخصصه بالترصيص انصحك تروح لهم وبعدها تحكم اذا كانت من الجنوط او غيره

فيه اسباب كثيرة


هل انت متاكد من الاذرعة سليمة والجنوط والكفرات والترصيص

انا كانت عندي مشكلة بسبب الجنط فيه عيب بس من فوق 130 تطلع الرجه

في الغالب مسالة ترصيص

انا سويتها عند ورشة الدرع في الصناعية والحمد لله تمام

الاخوة ذكرو النقاك الهامه والله يوفقك

سامي وش رجفه الموت الله يصلحك مالها دخل

استاذي صاحب الموضوع تاكد ان الكفرات مافيها تحبيل وبالعاده هذه المشكله تطلع اذا الكفرات يبغالها ترصيص

انت تقول ان الكفرات جديده معناته السبب بالجنوط بالغالب .. لكن ماحددت الجنوط عندك حديد والا ألمونيوم ؟ اصليه والا تجاريه ؟ اذا كانت الجنوط ألمونيوم وتجاريه عز الله ماينفع فيها ترصيص ولا مايحزنون .. ماغير بتتعب نفسك وتخسر فلوس واسأل مجرب .. انا ركبت جنوط المونيوم تجاري وترصيص لزق وطلعت فيه رجه على سرعه 100 وفوق ..  ورحت لبنشر ثاني بعد فتره قال لي الترصيص تجاري بركب لك ترصيص اصلي ب 80 ريال وركبته ونفس الحال كنك ياغازي ماغزيت ! اخر شي جدعت الجنوط التجاري وركبت لها اصليات من التشليح  

الافضل تبدأ بالاسهل وعشان كذا قلت لك الترصيص وكمان شيك على هوا الكفرات لازم يكون نفس الضغط في جميع الكفرات

حتى عندي فوق ال120

والله ليت كل المواتر يجي فيها رجه بعد ال 140 عشان الناس ما تسرع

ابوهيثم مالها دخل الجنوط الصينية 
انا معي النترا وركبت جنوط صينية درجة اولى  وصارت كل ما تعديت
160 يطلع رجه خفيفة رحت لميزان اليرموك
وضبطوها لي ترصيص ب 100 ريال وضمان شهر ع شغلهم 
والحين زي الحلاوة . انصحك ي صاحب الموضع 
تروح ل احد المراكز المعروفه خل شغل ابو يمن اللي يزيد الطين بله 

* تحيااتي *

اخوي انتبه يمكن يكون احدى الكفرات محبلة انا كنت اذا تعديت 90 يرج الكفر وتركته حتى انسلخ الكفر على سرعة 100 وعدم الرفرف الامامي و وكسر الصدام و المراية

يا رجال اذا هو خوف ماعليك خلها بحالها انا كنت امشي 190 الدركسون والارض تحت رجلي كلها ترجرج
تبي حلها شيك على الجنوط + الكفرات اذا هي سليمات سو ترصيص عادي وترصيص ارضي كلها 150 ريال

شيك على الكفرات واذا تحتاج ترصيص ووزن سويها واحتمال الرجه تكون من الهوبات سويلها خرط الأربعه بحدود 80 ريال وسلامتك