التيما أو سوناتا

انصحك تنتظر لين ماتنزل السوناتا الشكل الجديد وتقارن بينها وبين الالتيما
اما اذا منتب صابر بعطيك مميزات كل وحدة منهم :

السوناتا الشكل الحالي ميزتها
الوكيل كويس كانك بالرياض ( الوعلان )
تعامله ممتاز والفروع بكل مكان والقطع متوفرة وماراح تتعب معه

والسيارة وسيعة وقيرها 6 سرعات ممتاز وتوفيرها بالبنزين كويس

سلبية السوناتا هي عدم وجود ABS الا بالفئات العليا , وصراحة سيارة
بدون ABS نكبة غالبا خاصة ان الفئة الي بدون ABS تجي بايرباق واحد فقط
للسائق وهذا شيء غير مقبول

الالتيما ميزتها وسائل الامان افضل من السوناتا وجود ABS ومانع انزلاق فيها احد
الاشياء المهمة , ويفضل انك تشوف وتتأكد من هالشيء بنفسك

مشكلة الالتيما هي الوكيل صح ان العيسى كويس لكن بالرياض فقط بتطلع برا الرياض الله يعينك
مراكز اوتوستار الي تبع العيسى مايعرفون شيء , والعيسى الي بالرياض ممتاز لكن فروع الصيانة قليلة
وبالغالب مالك الا مخرج 18

مشكلة الالتيما الثانية هي القير الـCVT , مشكلتي معه انا شخصيا ان الصوت مب زين والسيارة تصير مكتومة
وقت الدعسة , ماني راعي سرعة بس سماع صوت القير وهو يبدل احسن من الـCVT بكثير

في النهاية انتظر لين ماتطلع السوناتا الشكل الجديد وقارن , تراها بتطلع قريب لاتشتري القديم وتتحسف 
ولو طلع الجديد وما اعجبك القديم راح يكون متوفر

بالتوفيق

اتوقع اخوي الالتيما اقوى وعمرا اطول وبالنسبة لقطع الغيار ماتفرق كثير معاك الفرق قليل الالتيما اغلا بقليل وانت شاري جديد حافظ عليها تقعد معاك 5سنين برياحة 

السوناتا انا مجربه ولها معي حوالي خمس سنوات وزود بتتم ست سنوات قريب

ممتازه جدا وماواجهت معها ماشالله اي خرابات الحمدلله 

غيرت لها فقط فحمات امامية ب١٢٠  تجاري وخرطوش رديتر ب٨٠ اصلي 

الشكل الجديد من ٢٠١١ ماجربته ولادري ان كان نفس جودة الشكل القديم

والالتيما ايضا ماجربتها لكنها مع واحد من الشباب ويمدحها موديل ٢٠١٢

من تجربه انصحك بالسوناتا شكل جميل وحمار مكده 

ولو تصبر الى نزول الشكل الجديد من السوناتا احسن لك 

غير الزيت كل ٥ الاف كيلو ؛ والفلتر كل ١٠ واذا غبار الجو غيره مع الزيت كل ٥ الاف ؛ 

وتعيش معك اردى سيارة اذا فاكها وكالة خمس سنوات بالراحة :) ؛ بغض النظر عن الصيني ؛ 

تبي عزل ؟ ابعد عن السقف البانوراما ؛ وعموما الالتيما عزلها جميل جدا ؛ عن تجربه ؛ والسوناتا ٢٠١٤ مقبول ؛ وهالشي ع حسب السيارة اللي كنت تسوقها قبل ؛ 

انت جرب ال سوناتا الجديدة ٢٠١٥ لما تنزل باذن الله وشوف اذا عزلها ضبطوه اكتر ؛ او لا .. بحكم تبي رايي شخص  مجرب السيارة ؛ اما من ناحية خرابات وغيره ماحد رح يخبرك لان السيارة بتكون جديدة ؛ لكن بينفعك الضمان باذن الله ووزارة التجارة مو مقصره ؛ راح تطبق لائحة وكالات السيارات ١٠/٢٥ ؛ والضمان بيكون غصب من فوق خشم الوكيل اهم شي تحافظ ع فواتير تغيير الزييت والتشييكات اللي بالكتالوج

اردى سياره بالسوق بتعيش معك اذا حافظت عليه 
الالتيما راحه وعزل ورساوه ومكينه جباره اقوى 4 سلندر في فئتها 
قير سي في تي الجيل الثالث على ماعتقد وهو ماتحسن بشكل مبير عن موديلات الالتيما السابقه

السوناتا ممتازه كذلك وقطع غيارها ماتفرق كثير عن الالتيما للمعلوميه 

لو كنت مكانك اخذت التيما بدون شك 

التيما سياحي افضل من سوناتا فل كامل انظمه امان وراحه

كل السيارات هذي قويــه بس لازم مستخدم واحد . تمشــــــــــــي معك 10 سنين .
اذا من يد نشيط الى يد نشيط خــــــــذ كامري .

تبغى شكل عليك بالكوري سوناتا ولا اوبتيما
بس شكلهم تغير لموديل 2015
 يعيبها لايوجد نظام منع الانغلاق
للفرامل الا بالفل زي ماذكر الاخوة
الالتيما ياباني وشكلها حلو نسخه مصغره من المكسيما

لاحظت حاجه بخصوص سيارتين التيما وكامري2002 اصحابها مايبعونها بسنه ولاسنتين 
تحصل السياره معه من 6-7سنوات واعرف ثلاثه معهم التيما اثنين معهم موديل 2007- واحد2008الى الان معهم وسفريات وكد
واعرف اكثر من شخص معهم كامري 2002من وكالتها الى الان يكرفونها12سنه هذا الحاجه اللي لاحظتها وحبيت اقولها
السوناتا مشكلتها يقول ماهي راسيه بالخط
توكل على الله وخذ الشكل اللي يعجبك 

التيما حلوه جدا بس قير cvt  هذا لحاله يخلي تعيد النظر مليون مره اجل اشتري سياره ب100 الف ريال امشي 160 شوي الا نازل على 120  وش الي حادني سيارات واجد اطب وتخير اذا معي زي المبلغ ذا 

انا اجربت الاتيما 2014 والسوناتا 2015 كلها ايجار ومشيت فيها خط كلها
العزل الراحة الرساوه المذهله التكيف في الاتيما افضل من السوناتا بكثير
صراحة الاتيما اصدمتني ماتوقعتها كذا ولا تقارن بي السوناتا والكامري عن تجربة
اما القطع والكرف مافيدك فيه
بس الاتيما اذا اخذتها تقدر تدفع 5 الاف وتصير ضمان 5 سنوات مفتوح الكيلو مترات

هلا بك اخوي انا املك التيما ٢٠١٠ على يدي وكالة ستاندر ماشيه ٢٠٠ الف واخوي عنده سوناتا ٢٠١٢ على يده وكالة نص فل ماشيه قريب ٩٠ الف تقريبا

بالنسبة للرساوة والعزل لا تقارن الالتيما بالسوناتا الالتيما افضل بمليون مره
بالنسبة لمواصفات الامان الالتيما تجي abs ونظام تراكشن vdc ونظام يمسك الكفر اذا دعست عشان ماتفحط اسمه slip ونظام قياس ضغط هواء الكفرات كل هالانظمة ماهي موجودة بالسوناتا
بالنسبة للجودة انا ماغيرت الا مساعدات وللاسف اخوي غير الرمان الامامي مرتين ومره خربت العكوس
بالنسبة لااسعار القطع فحمات الالتيما ب ١٩٠ اصلي السوناتا ب ٢٣٠ اصلي
عاد باقي قطع السوناتا ماادري عنها لكن بذكر لك اسعار الالتيما  طقم مساعدات ب ١٠٠٠ ريال اصلي سير مكينة ب ٩٠ فلتر مكيف ب ٩٠ النور الامامي ب ٥٠٠ ريال رفرف ب ٤٢٠ صدام ب٤٠٠ وكسر بعد كبوت وهو اغلى قطعه بالوجهيه يجي المنيوم ب ٧٥٠ 

بالنسبة لااخوي ندم انه طلع سوناتا ويقول ليتني اخذت كامري 

بالنسبة لي لو بشتري سيارة بنفس الفئة ماراح اخذ الا التيما بس باخذ فل اوبشن 

لو تحب تجرب السيارتين حياك الله وتحت امرك موتري وموتر اخوي كلمني خاص ومالك الا طيبة الخاطر 

 ال التيما روعة انا معي ومجرب قيرها مثل القير الاوتو اول ما نزل كل الناس خايفين منة ويقولون لا تاخذة والحين يتهاوشون علية

سوناتا افضل  من الالتمياء وشوف السوناتا كيف منتشره 

انا جربت الالتيما قيرها مايحتر اذا ما اسرعت

طيب اذا اسرعت ? فرضا عندي ظرف طاري ? اكسنت تمشي طبلونها من الرياض الي القصيم ولا يحتر قيرها قهر 

ياشباب تكفون انا ناووي على التيما الجديده ٢٠١٧ وش رايكم هل الموتر يصبر 

ابي رد سريع .................

انا الحمد لله حجزت التيما ٢٠١٧ بعد قراءة ومطالعة وتجربة للسيارة قررت اخذها