قصتي مع اول حادث لي
16
17
إضغط هنا للإخفاء
السسلام عليكم ورحمة الله وبركاته '
كل عام وانتم بخير
اليوم وانا اسوق تذكرت حادثي الي عدم سيارتي
وهروب الي صدمني
وان الحادث له 6 شهور يمكن ايام المدارس
السالفه ومافيها
اني طلعت من مدرستي ورحت مدرسة اخوي واخذته
المهم وحنى راجعين للبيت ماشي تقريبا 80 او 90
يجيك هذاك الباكستاني معه كوريلا بوكس يوقف سيارته
بالمسار اليسار عشان تعدى لفه كان يبيها ويدق ريوس
وانا انتبهت متاخر وصدمته على سرعتي
الشنطه حقت سيارته دخلت وانا الوجهيه راحت وما طلع
الايرباق !!!
وانا الحمدلله سلمت من الحادث بس اخوي جته اصابه والحمدلله
سلم بسبب ان جلسته حاط ظهره على ديكور الباب ويطقطق بالجوال
الحمدلله على كل حال ..
واجيك انزل للباكستاني رايحله بشوفه حي ولا ميت والا اشوفه متمدد على الدركسون
مسوي نفسه دايخ احاول افتح الباب مسكر
وقلت بيطلع غصبن عنه وارجع لاخوي اشوف دايخ وجلس
وشالوه المتجمهرين لاقرب مستشفى بسبب انه صقع القزاز
وانا ارجع للباكستاني ادوره ومالقيته دريت انه فرك "حط رجله "
وتارك سيارته قلت بيجيبونه واكلم ابوي قبل لا يجي المرور عشان التامين
ومعروف نجم مايباشر حوادث الاصابات
واول ماجاء ابوي ركبت مع واحد م اعرفه يوديني المستشفى
والحمدلله طلع اصابته بسيطه
ومن بكره راجعنا المرور طلع خوينا السياره مو له
لخويه باكستاني ثاني ومسافر ذهاب وعوده
اجازه 3 شهور وسحب وله سنه وتارك سيارته
لاخوياه الي بالرياض يتمشون فيها
دريت ان حقي بيضيع ورحنا للتامين قالو لازم يجي الي صدمكم
قلنا هرب قالو دوروه وجيبوه قالنا سيارته بالحجز حق المرور "وادي لبن"
وبالقوه قبلو معاملتنا
و15 يوم واستلمنا الشيك وصلحنا السياره
** خلاصة الموضوع
اذا صدمك اي اجنبي امسكه لا ينحاش ترى يمكن يترك السياره
لانها مو له
وانتبه تاخذ سياره لها ايرباق واحد
لان سيارتي النترا ومعروف النترا ايرباق للسواق بس
إبلاغ
الردود
12
8
ماهو بس الانترا قبل كم يوم استاجرت سوناتا 2015 ماحصلت فيها غير ايرباق واحد
6
4
توقع منه اي شي يشكل خطر كبير على البشريه بسواقته
بس من ناحية الهروب من موقع الحادث اسمحلي بخالفك الرئي يا صديقي
5
3
المهم الحمدلله على السلامه اهم شي حقك ماضاع ..
5
3
أما لو أنه منحاش بالسيارة تعال جب فلوسك
محد بيعطيك وجه لاتأمين ولامرور
0
0
على سيرة الايرباق
يعجبني مقاطع حسن كتبي
دائما يركز على الايرباق
ويقول لو ان كل واحد شاف السيارة ما فيها ايرباق وتركها
كان تشوف كل السيارات فيها
4
1
والحادث الثاني واحد شكله سوري معاه ماركيز 89 قديم واقف جهة اليسار عشان يتفرج على حادث واجيك انا لفيت راسي على الحادث لقافه ثانيه وحده بس وكنت كافخ ابي اودي الوالده المستشفى يوم رجعت راسي على الطريق واكبس لك فرامل على الاخر ماركيز بدون ABS مافي امل يوقف واشمع في سيارته ...... سيارته كملت طريقها لحالها من قوة التشميعه راحت سيارته كم متر قدام طبعا انا كنت رابط الحزام وشد على صدري جاني ضيق تنفس وتهيج قولوني من شدة الحزام جاء راعي الماركيز شتمني وسوى لي حركه وصخه وركب سيارته وفقع جاني مصري قالي اللي صدمته هرب قلت اييييه بصلحها على حسابي اجل
1
0
انا قبل ٨ شهور صارلي حادث برالنترا
0
0
الشاهد سالت واحد قالي الايرباق مايطلع الا وانت رابط حزام الامان
0
0
السيارة تويوتا
0
0
0
0
قبل 10 سنه و 4 شهر