حياك الله

2006 ممتازة و راسيه و قطعها رخيصه

لكن اتوقع سعرها فوق 18 ألف

ماتحصل بهذا السعر وان حصلت فعمرها الافتراضي انتهى الزبده اذا تبغى وحده تخدم معك زود على دراهمك وخلها 25 وبتحصل ان شاء الله .. وترى فيه سيارات اخرى خدومه وسعرها طيب لا تستعجل بالشرى واستخر

الله يرزقك من حيث لا تحتسب 

المبلغ اللي معك ما اضمن انه يجيب لك وحده نظيفه 

بالتوفيق يارب

طيب تنصوحني باي سياره

خذ لومينا 2005 تحصل نظيف بهذا السعر او خذ ما ركيز 2001 بعد خدومة او خد اكسنت 2009 

انصحك بالسوناتا بس زود دراهمك وخذ موتر نظيف.. 

السوناتا الموديل هاذا ماعليه كلاااام من ناحية الكرف ف أبشر بالكرف توني بايعها قبل 4 شهور تقريبا ماشيه 310 ويشهد الله علي ياجماعة ما فكيت شي في مكينتها ولا قيرها ابد حتى الرديتر ما غيرت فيه شي اللهم كل سنة اغير له موية او سنة ونص بس من باب المحافظ واغير زيوت وامشي وقطع استهلاكية كل سنتين غير كذا والله ماحطيت فيها ريال



اللي كانت معي طبعا 2006 امريكية لكن ما ضنتي يا الغالي ب هالمبلغ بتحصل سوناتا ولو حصلت بتلقاها منهبله يبيلك تزيد فلوسك شوي وتوصل للعشرينات عشان تاخذ وحدة لقطة وبأذن الله بتحصل نظيفة وبتكرف معك


قطع الغيار موجودة في كل مكان رغم اني موتري امريكي الا ان قطعه نفس السعودي اللهم شغلات خفيفة تختلف ولكن الاساسيات نفسها ورخيصة قطعها فلاترها وبواجيها وفحمات والاشياء هاذي كلها رخيصة حتى قطع البدي مهيب غالية مرررة


بالنسبة للرساوة وش خليت من الرساوة يشهد الله علي ياجماعة ودايم اقولها لأخوياي انا الحين معي اوبريس 2009 ومعروفة الاوبريس 6 سلندر وفئة عالية الخ ونظام ثبات وكل شي لكن والله يا السوناتا انها افضل منها رساوة من ناحية ايش اذا كان الطريق مهب مستوي يعني هويااات الاوبريس معطينها وضعية زي الرياضية تطامر شوي لكن استقامة ماشاء الله مايحتاج


السوناتا سافرت عليها في شهر 2 تقريبا في عز البرررد والهواء رايح الاحساء ف الليل وفارق من خررريص امشي لحالي مافيه الا انا ورب العالمين حاميني والطريق هواء ونسف رمااال والله امشي ب السوناتا 180 وانها مثل المسطرة ماشاء الله ومثبتها بيد وحدة انا انهبلت والله طول الطريق اقول ماشاء الله ماشاء الله عاد كان جنطها نجمة 17 حق الفل 6 سلندر وطبعا كان فيها نظام ثبات بحكم انها امريكية


زبدة الكلام ياصاحب الموضوع ان حصلت لك وحدة نظيفة القطها وصدقني ماراح تتحسف ابد بتدعي لي انا لين يومك وانا كل ماشفت سوناتا تمشي قدامي موديل 2006 وفيها حن قلبي مانسيتها رغم ان موتري هاذا افضل منها واعلى منها فئة ومواصفات لكن لا تاخذ الا نظيف عشان ماتبهذلك


تقبل مروري واسف جدا على الاطالة لكن حبيت افيدك بحكم تجربني وخبرتي البسيطة فيها