تكملت لموضوعي السابق لقطع هونداي النترا الوعلان تم الصيانه

السلام عليكم ورحمة الله وبركاتة

هاذا الموضوع تكملت لموضوعي السابق تقدر تدخل على اسمي وتشوف
الموضوع
وبدون مقدمات لاني ماعرف هههههههه واللي مو فاضي نصيحه لايقرى
الموضوع لانه اطول موضوع في الحياة

الحمد لله اليوم تم صيانة السيارة بالكامل والكامل الله يوم السبت توجهت الى الوكاله
لشراء زيت القير نفس حق وكالته خذت اربع علب 520 ريال كملت سيارتي
60000 الف ومن صباح الله خير الساعة 9

اول واحد وانا محضر عند بترومين
المروحين دخلت عليهم قلت ابغى اغير زيت القير قال مافيه مشكله طيب كم السعر
قال 300 ريال النصاب المشكله جايهم قبل فتره مغير زيت القير لسيارة اخوي
السوناتا 250 قلت طيب الزيت موجود معي قال لا لازم زيت من عندنا بترومين
قلت ياولد ابتلشنا بالزيت اللي معي وش اسوي ومابي اروح عند البناشر يلعبون في
القير ولحظة صمت ومع التفكير وين اروح جاء في بالي الوكاله بس قلت بروح
الحين وبيقلون لازم صيانه من ها الكلام قلت توكلنا على الله واروح الوكالة على
الدائري الغربي ورى الهرم مخرج 28 بالرياض وادخل عليهم الى الوكاله شبه
فاضية مافيها الى تقريبا 4 سيارات واروح عند الكونتر السلام عليكم قلت ابغى اغير زيت القير قال ماعندك مشكله قلت كم السعر ويحسبها في الجهاز قال 700ريال
قلت ترى الزيت موجود عندي قال خلاص ويحسبها قال 210 ريال قلت توكل على
الله طيب كم يبغالها من وقت قال ساعه بالضبط وهي خالصه قلت كويس والله
ماقصر تعاملهم كويس والله ويجيبلي كرسي ويحطه عند السياره قال اجلس تابعها
والحلو انى مافيه حاجز بينك وبين السياره ودقيقه والى العامل جاء ويفتح الكبوت
ويشيل غطاء المكينه ويفك مسمار القير متواجد تحت علبة زيت الفرامل ويرفع
السياره ويخليها شوي لين تبرد السياره خمس دقايق ويجلس معي العامل يسولف
والله حبيب اسمه اكبر بعد خمس دقايق راح جاب جهاز اللي يكب فيه الزيت وقبل
مايفك الصره قلت مافيه مشكله يصورعلشان انزل صوره في منتدى قال مافيه
مشكله خذ راحتك ويبدى بفك الصره ونزل الزيت توقعته الزيت محروق مره بحكم
سفرياتي وروحاتي والسياره ماتطفي الى الزيت كويس باقي احمر كلمت العامل قلت
الزيت كذا كويس قال كويس يمكن يمشيك زياده20 الف الى 100الف بس علشان تحافظ
عليه غيره على 60 الف والمهم فك الصره وجلس يكمل سواليفه معي خلى الزيت
ينزل بالكامل تقريبا 10 دقايق الى 15 دقيقه وبعد مانزل الزيت ومسح فتحت
الصره ينظفها ركب المسمار ونزل السياره قلت باقي الكرتير مانظفته قال الالنترا
ماينفك الكرتير ولا الفلتر الى في حالت توضيب القير قلت مافيه مشكله قال مافيه
مشكله مو انت اول واحد نغيرله الزيت المهم وينزل السياره ويجيب لي وفيه من
فوق علبه دائريه مثل ماهي موضحه في الصوره ويثبتها في فتحت تعباة الزيت
ويبدى يعبي حتى القطرات اللي تبقى في العلبه يخليها لين تنزل لين جاء اخر علبه
اشوفه يصب ويوقف قلت وش المشكله قال زيت القير مايخذ اربع علب كامله قال
لازم يبقى شي بسيط في العلبه المهم ويخلص ويسكر فتحت الزيت ويشك على
السوائل كل شي تمام ويسكر الكبوت قال شغل السياره ويركب معي ويشوف
تعشيقات القير مضبوطه احسن من اول صارت انعم اول كانت في التعشيقات
نتعه خفيفه مره وماتضر واروح عند الكونتر واحاسبه ويعطيني فاتوره واطلع من
عنده واتوجه الى صناعية العاصمه قريبه من الوكاله واروح الورشه اللي متعامل معها ورشة الشامل اول مادخلت استقبلني بحكم معرفتي فيه قال وش عندك قلت معي قطع وابغاك تغيرها قال ماعندك مشكله قلت ابغى اغير البواجي مع السير الخارجي وفلتر البنزين وفحمات امامي وخلفيه معنى فيها نص عمر قال ماعنك مشكله بس مافيه وقت الحين مابقى الى ساعه وياذن الظهر وبعد الصلاه مسكرين ومانفتح الى العصر قلت خلاص واروح البيت واصلي العصر في الصناعيه وبعد الصلاة وانا مسنتر عند الورشه اول واحد ههههههههه عجبتني مسنتر ومالكم بالطويله وفتح المحل وادخل واحطها على الرافعه ويبدى بفك الفحمات الخلفيه وبعدين اللي قدام وخلص منها وبدى بتغيير السير وبعدين البواجي يوم فكها اغمى علي هههههههههه ماتوقعت انها كذا مصديه يارجل قالي ايش هاذا كم يمشي انتا وسوالي تربيط مجانا من عنده وتكلفت البواجي مع السير والفحمات بدون خرط 350 والحمد لله الموتر مضبوط والفلتر خليته بعدين دام مافيه شي وبس هاذا اللي صار معي اليوم وعطاني على شغله ضمان شهر وحبيت افيدكم فقط لااكثر وهاذا وعدي لكم ووفيت بوعدي اني انزل الموضوع
وفي الاخير اني وفرت مبلغ وقدره احسن من اني اروح الوكاله ويلهطون الدراهم
ملاحظه > قيمة القطع كامله مع الزيت 1195ريال
وقيمة التركيب القطع مع الزيت > 560 ريال
القيمه الاجماليه > 1755 يعني وفرت 595 ريال
والوكاله شغلهم 2350
ومعليش على الاطاله والسلام عليكم ورحمة الله وبركاته