ابي اغير زيت القير للسوناتا

اعتقد 4 سنوات كافية يعني مفروض تغيره مع الفلتر

طيب رايك اغيره بورشه عادي او يخربونها ويبيلها خبير

, لانه بحايل سكرو الصيانه ويبنون فرع جديد .. ومشكور مقدما

اهاا من الناحية هذي حبيبي غيرها بورشة عند مكانيكي كويس
لانه قبل فترة واحد من العيال غير فلتر وزيت عند مركز صيانة
طبعا السيارة كابريس (بس المركز تابع للحمراني حق نيسان)
المهم لاحظنا ان فيه زيت من تحت والسيارة مرفوعة بس قالولنا عادي ومسحوه بمنديل
وقالو تعالو بعد اسبوع نكشفلكم مرة ثانية المهم نفس الحركة والاسبوع الثالث طفشو وغيرو 
زيت على حسابهم .

وبعد فترة قاعدين نشيك عالسيارة بورشة الا قال المكانيكي تحتاج قم قطعة من العضلات
وتفاجأنا انه يقول من ضمن القطع فلتر وست علب زيت لانه كان يهررب
وعرفنا انهم ما زبطوه كويس.
المهم عارف اني عطيتك قصة طويلة  مالها داعي 
بس الزبدة يعني بعد ما تغير زيت وفلتر ودها عند بنشر وخليهم يرفعوها وطالع من تحت ^_^

وكل عام وانت بخير

الله يجزاك ألف خير

, ومشكور على المجهود اللي بذلته , وافدتني بصراحه , خلاص انا شكلي انتظر الوكاله احسن لي لانك خوفتن :) ههه
وارجع اقول الله يعطيك الف عافيه , المشكله ماعندي خاصية الللايك عشان اعطيك :( و

الله يعافيك 
وما ابغى اخوفك زيادة بس احسن انك ما تنتظر الوكالة عشان القير
والشغلة كلها بس انو يركب الفلتر صح .

والله يالغالي انا ودي اغير الزيت نفسه . وسمعت انها مو سهله يعني لازم يفكله كم شغله ومدري ايش

القير العادي يتغير زيته لكن مايجي له فلتر
ويتغير الزيت كل 100 الى 120 الف كيلو
على كلامي البنشري <<الي يغيرلي الزيت

اخوان انتم فاهمين الرجال وش يقول يقول قير عادي فلا تفتون على الرجال وتوهقونه  حبيبي الغالي قيرك عادي وزيت القير العادي زيت تخليقي بالكامل يعني مايتغير الا لعطل القير لا سمح الله دخول ماء في القير اما كصيانه ماله صيانه القير العادي فقط تكشف عليه ناقص تزيده الي يتغير زيت القير الاوتو متك فقط ويتغير كل 40 الف كيلو اما العادي فاعذرني الي قالك فهو لا يفقه شي في الميكانيكا وانت تحمل الاعطال لو غيرته الزيت وانا نصحتك وقلت لك المفيد 

ماعتقد القير العادي يتغير زيته
وانا مع كلام ابرنس
انا مو متاكد 
لاكن اغلب سياراتي الي استخدمتها قير عادي ولا اذكر عمري غيرته
كان معاي سياره قير عادي جلست معاي ٨ سنوات ماغيرته
واللحين معاي سياره قير عادي لها معاي تقريبا ٥ سنوات ولاغيرته
والله اعلم
والي عنده العلم الاكيد يليت يفيدنا
موفقين جميعا

  اخوي مثل ما قالك الاخوان البرنس والتركي وبشوش
القير العادي ما يتغير زيته وما له فلتر ، يحتاج فقط فحص كل بعد مده واذا ناقص تزيده
موفق للخير

الزيت العادي ماله فلتر اللهم تشيك عليه عند البنشري اذا ناقص وتزودة واذا تبي تغيرة تخلي البنشري يفك الصرة من تحت ويعبي لك كل ظغطه بريال وعادي غيرة عندأي بنشري ما يبي لها وكاله يا بعدي 

ياناس انتم الحين قلبتوه زيت مكينه يتغير فيه فرق بين تخليقي ومعاد تكريره التخليقي هو زيت جديد يالكامل المكرر هو زيت معاد تصفية وتكريره من الزيت القديم مثل زيت السيارات فيه زيت مكرر وزيت نصف تخليقي مثل موتر كرفت وكسترول ماجنتيك وزيت تخليقي بالكامل مثل كسترول ايدج والقير العادي الزيت فيه لتسهيل الحركه فقط وامتصاص الحراره وهو تروس سنن عكس الاوتو الي هو كلشتات وعلى ضغط الزيت تتحرك فيصير رايش الي هو برادة حديد وبرادة الاكلشتات وتغييره لسلامة الكشتات 

الله يجزاكم خير جميعا
, والله ما قصرتوا وكفيتوا ووفيتوا , والحمد لله استفد منكم كثير , ومشكورين على الردود الرائعه والتعاون معي وفقكم الله ,,, والظاهر اني بس ابي اشيكـ عليه :) مادام انه مايحتاج يغير

القير العادي مايغير زيته

ماعندكم سالفه ةزيت قير الافضل تغيره كل 100 الف وتشيك عليه بفترات متقاربه عشان تهريب شي لاقدر الله وغيره عند بنشري ونتهت سالفه