استفسار بخصوص سنتافي 4 سلندر

غالبا الجيوب الصغار اللي من هالفئة غير مناسبة 4 سلندر

اذا السيارات الصغار اللي 4 سلندر ماتقدر تشيل نفسها فما بالك بالجيب الصغير 

من ناحية عملي.. دامه وكالة بيكون اكيد عملي واذا انت داخل المدينة ما راح تستخدمة لا في سفريات ولا عقبات بيكون نوعا ما مرضي اداء 4 سلندر

اما اذا تسافر بشكل مستمر وتطلع مناطق مرتفعة افضل لك 6 سلندر

( و للأمانة ما جربته )

والله ان كنت بمنطقة جبلية بيتعبك الاربعه سلندر اما منطقة مستوية فما فيه خلاف ان شاء الله
والافضل 6 سلندر 

كان معانا واحد موديل 2008 6 سلندر 2.7 وكان ممتاز صراحه من ناحية الراحه

بعطيك الي اعرفه عنه والمشاكل الي واجهتني ونصيحتي لك

بسم الله 

فعام 2008 كنا نبغا سياره لمشاوير البيت وتكون اغلب الوقت بيد السواق واخذها انا بعض الاحيان كمان

اخذناه بعد مشاورات والحمدالله كان طيب ومواصفاته حلوه ذاك الوقت بالسعر الرخيص فكل كامل 6 سلندر 
اخذناه وكاله ذيك الايام بـ85 الف من الوعلان

وجلس معانا الين قريب واجهتنا حوادث فيه لاكن كان بعد الاصلاح السياره متماسكه وتحس فيها حيل برضه

لاكن الله يعينك على قطع الغيار قسما بالله صلخ صلخ صلخ وفيه شوية قطع ماتوفرها الى الوكاله وطلبيه كمان

اسعار الفحمات او اقمشة الفرامل على قولت البعض الطقم كان حول 900 ريال من غير التركيب 

مقاس الكفرات صعب ويالله يالله تحصله بصفه عامه السياره حلوه حق داخل البلد وتكون على يدك وماهي حق جلد مره

ويبغالها محافظه ومداراه شويه واعتقد سعرها الحين وصل حول 115 الف او 120 كثير عليها 

واي سؤال عنها انا حاضر

معروف كل ماكبر حجم السيارة تحتاج لمحرك اقوى فكيق اذا كانت دفع رباعي.
طبعا بعض السيارات فيه 4 وبعضها 6 سيلندر وفي نفس الوقت تختلف قوة المحركات من شركة الى اخرى.
مثل ماذك الاخوان اذا حق بر او جبال خذ 6 سيلندر افضل والله يوفقك

مكينته مكينة سوناتا 2.4
لا بأس فيها
و أنا أفضله على السوناتا
اقل شي ترتاح من حك المطبات
بس تأكد انه يجي ثلاث مراتب
و نزل منه اربع سلندر دبل
بالمعارض على 86 - 88 الف

السياره بشكل عام حلوه وفيها مواصفات جيده.
ومحركها 4 سلندر 2.4 ليتر بقوه 190 حصان. 
السياره يعتبر محركها صغير على حجمها و وزنها لكنها عمليه وتؤدي الغرض داخل المدينه وماتستهلك بنزين كثير.
لكن في السفر والبر ممكن تتعبك شوي.

ماهو جيب ولاهو سيدان وتبلش فيه وقت البيع وتبلش وقت الصيانة وانت عقلك براسك 

أرى أنها إقتصادية ومريحة واذا قدرت على قيمة 6 سلندريكون أفضل لك وأريح لك تروح وين ما تروح وانت متطمن بالمكينة 
أما 4 سلندر راح تتعبك في المرتفعات والطلعات بحكم ضعف المكينة شوية والبدي ثقيل

خذ فور شنر افضل من ناحية  توفر القطع ورخصها ويمسك سعره عند البيع  بس عيبه  انه  غير  مريح

اذا اربعه سلندر بدون دبل ممتاز  

لكن لا جاك اربعه سلندر ودبل . ثقيل مايمشي 

السانتافي اطلق من الفورتشنر الضعيف

كيف صرفية البنزين احسه بزيادة شوي اعبي فل ب 40 ريال طبعا اخضر مايكمل 5 ايام غريبه طبعا بدون مكيف وسواقة هادئه