أضف سؤال أو موضوع جديد          

النترا 2015 بدون abs

up 3 down 1
xahmedali 178
قبل 6 سنه و 2 شهر



السلام عليكم
كيف حالكم ي اخوان عساكم طيبين

لقيت النترا 2015 بدون abs

ومدري انا صراحه كيف نظام الـ abs ووش الفرق بالabs وبدونه

وانا متحير صراحه اخذ السياره ولا اتركها عشان مافيها abs
ولا مافيه هذاك الفرق الواجد

لذلك حاب اسال اللي عنده النترا بدون abs كيف الفرامل ضعيفه او قويه

ويعطيكم العافيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


فرامل abs مهمة فهي تجعل السيارة تتوقف بسرعة بدون ما تزحف 


up 3 down 1
ngk_2 167
قبل 6 سنه و 2 شهر



abs مفيد جدا ويجنبك كثير من الحوادث خاصه التوقف المفاجئ على الطرق السريعه
سياره بدون abs نسبه اصطدامه للسياره الي امامه عند التوقف المافجئ 60%
سياره بها abs نسبه اصطدامه للسياره الي امامه عند التوقف المافجئ 30%


up 3 down 0
Pro rare 447
قبل 6 سنه و 2 شهر



يااخي حياتك اغلى منها سيارة مافيها ارباق اللي نزل بالددسن من ٢٠٠٥ وش لك فيها 

وصدقني ان هالعالم اللي تشوف يمدحون بالالنترا مايعرفون عنها شي واغلب اللي يشترونها تلقاهم صغار بالعمر 
مايدرون وش السالفه 





up 5 down 5
أبو ناصر 61
قبل 6 سنه و 2 شهر



لا تأخذ سيارة بدون هالنظام اضغط عل اسمي وشوف الموضوع اللي نزلته


up 2 down 0
pirlo.z 425
قبل 6 سنه و 2 شهر



انتبه تاخذ سيارة بدون هالنظام

انا استفدت منه كثيررررررر وسيارتي كورولا ستاندر

والله اذا مو ربي ساتر علي وثم هالنظام كان الحين انا في خبر كان 

انتبه ياغالي تاخذ بدون abs


up 2 down 0
coco13 895
قبل 6 سنه و 2 شهر



abs  ججججدا مهم بالفرملة  ... اي سيارة بدون هالنظام تلاقيها تززززحف بالخط وقت الفرملة المفاجئة 

و الايرباق جججدا مهم 

لا تخاطر بحياتك مقابل كم الف 

مواصفات الامان خليها اول شيء عندك اختيارك اي سيارة 


up 2 down 1
alkathiry 705
قبل 6 سنه و 2 شهر



معليش بس عندنا بعض الوكلاء يشيل أهم الأشياء لأجل ينزل السعر
يعني يساوم الناس على حياتهم ..!
المفروض وزارة التجاره تلزمهم بالأيرباجات و نظام الفرامل abs .



up 3 down 2
xxxthegiantxxx 366
قبل 6 سنه و 2 شهر



ال abs بعد الله انقذني اكثر من مره من حادث محقق 
سيارة بدون abs ما تسوى نهائيا 


up 1 down 0
ابو فرهود 357
قبل 6 سنه و 2 شهر



سيارة موديل ٢٠١٥ والنترا بعد ومافيها هالنظام ؟ 

وش هالخياس والله ماتسوى ربع سعرها 


up 4 down 1
eng.mob 127
قبل 6 سنه و 2 شهر



الزبدة
كان معي سوناتا 2013 بدون ABS جلست سنه كامله مالاحظت فرق لكن بعد ماحدثت معي المشكلة عرفت قيمة الABS
كنت ماسك الدائري وتقريبا سرعتي حول ال160 ونقز قدامي واحد بشكل مفاجىء بيتعدى سياره وما انتبه اني وراه فظطريت اكبس ام الفرامل عشان ما اصدمه من الخلف
الي حصل على طول موتري حاص من الخلف بدون ما اعدل الدركسون ابدا وحاصت السوناتا الله يلعنها بدون مقدمات
عرفت انه لو فيها ABS كان اشتغل النظام ومايخلي الكفرات الخلفيه تختل توازنها فتخل بالمركبه على السرعات العليه

وحلفت بعدها ما احط اكثر من 20 الف في أي سياره بدون ABS


up 5 down 0
قلم مائل 788
قبل 6 سنه و 2 شهر



أنا بعد الحادث خرب النظام هذا و اللي أني أركب وأقول الله يستر 

فرق بين سواقتي و السيارة ب abs و بين السيارة نفسها بدون abs 

صراحة المجنون اللي يدفع مبلغ و قدره على سيارة مافيها abs 

هذا من الأسباب بعد الله في نجاتك من غير شر بإذن الله 

وسع خياراتك 


ياخوي لا تاخذها . انا معي ماركيز بدون ABS قسم بالله تزحف فيني ف الوقوف المباشر وقبعت كم مره بسبته الفرامل ومن ضمنها قبعت واحد وطلع خويي


up 1 down 0
kq11 231
قبل 6 سنه و 2 شهر



وكلاء هونداي عندنا حرامية
يطلبون سيارات بدون Abs وايرباق واحد بس عشان ينخفض عليهم السعر
وفي امريكا السيارة ماتدخل الا اذا كان فيها ABS و ESP وستة ايرباقات

المشكلة يتشارك فيها الوكلاء + هيئة المواصفات والمقاييس + شركة هونداي


up 1 down 1
فهد المحمدي 1410 168
قبل 6 سنه و 2 شهر



انا عندي النترا 13 ما فيها مانع الانزلاق ABS السيارة حلوه وعملية لكن ما اخفيك صراحة
متخوف شوي من السرعة في البلد يعني تحصلني اهدي من بدري ولازم اكون مركز.  


up 1 down 0
متعب2300 572
قبل 6 سنه و 2 شهر



هههههههههه

بعض الاخوان الله يهديهم عندهم مفاهيم خاطئه

يعني انت جربت تسوق ونيت ولافيه ارباقات القدام

وماشاء الله ماقلتو فيه شيء

وبعضكم يمشي فيه طبالين بالدوايري ولايعطي مسافه باللي قدامه ولافكرتو بال abs ولاغيره

انا اسوق سياره بدون abs وكل شيء الله اللي كاتبه بيصير

انت اعط مسافه بينك وبين اللي امامك وراح تتجنب الحوادث بااذن الله

لااخفيكم من الفضول جربت سوناتا abs بالفرمله الفرمله تمسكك وتفكك

يعني اللي يلحم بالسيارات بالدوايري والله لو وش صادم صادم لو عندك 10 abs

كثير اشوفهم يقول لاتاخذها مافيه ارباق لاتاخذ هل السياره مافيها abs

وهو لو تعطيه موتر قديم استخدمه

حنا شعب يخاف على نفسه ولايفكر بالاخرين معه ونيت قديم او كابرس قديم

مايهمه abs ولا ارباقات

اما موتر حديث يدقق على الموتر مسمار مسمار وتلقاه يمسك الاشاره زي الالف

يخاف على موتره لو حديد تلقاه يساقط ويطمر ارصفه ويشغل العالم تقول مافيه الا هو عنده مشوار

واخرتها يشيش بااستراحه

حقيقه مرره تتكرر بالمواضيع بالمنتدى

زي سالفة واحد من اخوياي طفران وجبت له موتر موديل حديث وبسعر رخيص بس ارباقه طالع

قلت اشتره قال لا ارباق مافيه

قلت طيب ونيتك 85 مافيه ارباق وكل يوم خربان خذ هذي ورقعها واستخدم قال لا

السلامه بربط الحزام والسواقه الزينه هي الامان بعد اللله

اما ارباق وماتربط حزام

سلملي على مقبرة العود

والله يكفي الجميع شر الحوادث


up 2 down 5
amear 1347
قبل 6 سنه و 2 شهر



الرد اللي قبلني
فيه فرق بين انك تستخدم سيارة فراملها مصممة انها تجي بدون ABS وبين سيارة مصممة انها تجي بABS لكنهم نزعوه منها


up 2 down 0
فهد المحمدي 1410 168
قبل 6 سنه و 2 شهر



يعطيكم العافيه ي شباب كفيتو ووفيتو

شفت الاوبتيما 2014 من كيا وعجبتني صراحه نصايحكم ي اخوان كيف السياره


up 2 down 0
xahmedali 178
قبل 6 سنه و 2 شهر



ﻻ تاخذها مره مخيسه تهربد 


up 0 down 0
صالح باسنبل 240
قبل 6 سنه و 2 شهر



بسم الله 
من خمس ايام فكيتلي النترا الوعلان . مافيها abs وفيها ايرباك للسائق 
السيارة ماعليها كلام . وماحسيت بأهمية هالنظام كوني ملتزم بالمسافة المحددة بين السيارة الي قدامي 
وجربت افرمل بطريق فاضي لا زحفت ولا شي بالعكس شفتها ثابته والحمد لله 

بالنسبه للاوبتيما كنت مفكر فيها بشكل جدي ومقتنع فيها 
وسعرها ارخص من الالنترا . ولكن وكيلها سيئ في كل شي وسعرها يطيح بسرعه بصراحة ما احد سألته ونصحني فيها 
طبعا شكلها جذاب . وداخليتها روعة . ومواصفاتها جميلة . ولكن شف الحواري والورش اغلبها سيارات كيا مرمية يمين وشمال 



up 0 down 0
أبو سارة 123 11
قبل 6 سنه و 2 شهر