هل مكيف السوناتا فيه مشكله

مو دافي بهذا المعنى بس اثناء الوقوف يقل تبريده 
والسيارة عموما ليست بجوده الشكل السابق وفها مشاكل وغير مريحة ابدا

خل موضوع المكييف ع جنب ..!

اخوي كيف مرشوشه صدام + رفرفين + كبوت = وبدووون صدمات ؟

سيارتك موديلها جديد مايمدي اللون يبهت عشان تتجدد البويا

بالنسبه للكمبروسر اعتقد هذا عيب ف الكمبروسر وكثير من الشباب اصحاب السوناتا اشتكوا من هالشي

تحياتي ابو يارا

+ نصيحه لا تاخذ النص فل لانها بدون abs وب ارباق واحد !!

حسب علمي المشكلة من الكومبريسور (الكومبريسور الكتروني ويفصل اذا ارتفعت حرارته 

على عكس الموديلات القديمة التي يجي فيها الكومبريسور ميكانيكي) وهذي المكشلة  موجودة بالأزيرا

والكادينزا لأنهم فيهم نفس الكومبريسور 

نصيحه ابعد عن الكوري 

المكيف ماله حل يبي لك تركب مكيف صحراوي فوق التنده مثل حق الويت القدام 

مافيه رساوه ومافيه abs وسواقته غبيه ووزنية الطاره ابو كلب واستهلاكيه 

الله يجزاكم خير بالنسبه للبويه الرجال يحلف انو ماصدم بيها ابد وتوجك مع حج الفحص والله اعملم ان كلامه صحيح ام لا وحج الفحض يقوك ممكن تكون السيارة من الشحن من كوريا متضرره وهم الي رشين

مافيه الله اعلم لاتعرفه ولايعرفك الزمان ذا الله يكفنا شرة اكيد جاه الموتر لايقول بعد انا البويه مشهبه عنك خيارات ثانيه عندك الكامري  وعندك الاوبتيما وعندك التيما الخيار لك

^^^ نعم مكيف السوناتا فيه مشكله في الوقوف ما يبرد لاكن ابعد من المرشوشه الي مع شخص يقول مدري ومن بلدها .....+1 لايك للجميع

طيب يالغالي كم حصلت سعرها 

بالنسبة لرش البويه انا قد دقشت بسيارتي دقشه بسيطه بالكبوت والشبك المهم رحت بعدل الكبوت لأن الدفشه ماهي مستاهله ارش بويه قالوا لي لا يمكن التعديل لأنه المنيوم رحت اخذت له كبوت جديد مريت مركز كبير ومعروف شغله ممتاز قال لي يااخي وجهيت موترك مشهبه شوي ولو رشيت لك الكبوت يبين معك فرق اللون بيكون واضح سألت اكثر من واحد قالوا نعم لازم رش واجهت السيارة بالكامل اتكلت على الله ورشيتها لأني ابستخدم ولا همني تطيح قيمتها او تزود ماتفرق معي 

عشان كذا كثير ناس يقولون لك رش تجميلي 

وفيه ناس تلقاه صادم بالسيارة ويقولك رش تجميلي ! 

الاخوان يحذرونك من الاشخاص اللي يتلاعبون 


بأمكانك تكتشف الفرق بين السيارة المصدومة واللي مرشوشه تجميلي بعدة اشياء 

الجسر الداخلي اول شي تشوفه هل سليم ولا فيه اثر ضربة 

قواعد الصدام او ( جسر الصدام ) شيك عليهن 

الاديتر شف فيه لحام او اثر ضربة 

كذالك غطاء المروحة وباقي الربلات الداخليه هل هي راكبه وموزونه صح ولا تحس وزنيته ماهي مضبوطه 

المسامير اللي بالوجه + الكلبسات 

تأكد من حساسات الايرباق اللي بالشاصي قدام هل هي موجوده ولا مفكوكه وتم برمجة السيارة لااطفاء اللمبة اللي بالطبلون 

فخوذ الرفارف او ( جسور الرفارف ) تأكد من خلوها من الضربات وانها ماتغيرت 


يعني كل هالاشياء اللي ذكرت لك تبين لك هل السيارة مصدومة او مرشوشه رش تجميلي 


بالنسبة لسعر السيارة اذا كان رش بويتها اصلي ومطابق للون البدي وسلامتها من العيوب ماتتجاوز ٣٥ الف وكثير ٣٥ الف عليها علمآ ان سوق السيارات الان طايح ولا فيه احد يشتري 

معي سوناتا 2014 شوف التبريد كويس ما عدا بالظهر لازم تشغله بالتدريج يعني على درجه واحد وانتظر نص دقيقه وارفعه على 2 او 3 وتكون امورك بالسليم اما بالليل ما شاء الله تبارك الله حط على 1 وبتبرد السيارة كاملة.

بالنسبه انه يفصل ,, لا مايفصل ,, بس بكون معك صريح هو تجيه حالات احيانا لاكنت واقف عند اشارة يقل تبريده شوي بس لما تتحرك يرجع طبيعي , مدري هل المشكله بسيارتي ولا السوناتا هي كذا بس ان شاء الله اكلم الوكالة لما اوديها صيانة.

نعم كانت عندي 2013 نفس الحالة اذا مسكت خط مثلا في الدائري تعديت 4 او 5 مخارج ثم طلعت على مخرج ووقفت عن الاشاره فجأة يقلب المكيف هواء عادي بدون تبريد امشي يرجع تمام مع العلم موتري ماشي 20

نصيحه يارجل ابعد عن السوناتا 2011 اقسم بالله الرساوه صفر وغير مريحه نهائي ...

كم مره اسافر عليها واكره ام السفره كلها اصل متكسر ومنتهي .. المقاعد مافيها راحه نهائيا ..

بالنسبه للمكيف بالنهار تبريده حلو بس بالليل حطه على 1 بس وقول ماشاء الله تبارك الله