اوريون والنترا

الالنترا ، جديدة ، رخيصة قطعها ، تناسب الطالب اللي في سنك ، الاوريون والمواتر الخفيفة ذي حقت مهبل ومصافيق بكره تاخذها تطير بها هههههههههههههههههههههههههههههههههههههههههههههههههههههههههههههههه


امزح امزح ، لاجد انا اقترح عليك الالنترا الاوريون ولى زماناها موديل 2008 يعني لها الحين 7 سنوات تقريبا او 6 ومابقى شي على ال300 الف يعني فرق بينهم قرابة 130 الف هاذي ممكن تمشيها خلال 5 سنوات يالله توصل ممشى الاوريون

ههههه تسلم يبعدي 

ياحبيبي فرق بين 4 سلندر و6سلندر على العموم من تجربه خذلك اوريون رساوه وموتر اثقل من الالنترا
ومواصفاتها حلوه وعزم مجنون

اذا تبي موتر طيارة وحق مجاكرات وتحديات واكشن مالك الا الاوريون يطربك ويسدح اطلق شنب حتى ابو 6 لتر ماسلم منه ^_^ بس حاول تدور ممشى 150 الف وحولها مناسب وواجد تحصل بالمعارض بس ابعد عن حراج اسعاره مبالغ بها
اما اذا تبي شي كد ويعيش معك ومايهمك العزم ف خذلك النترا وانا افضلها لك لان الاوريون اخاف احد يستفزك بالدوام وتمسك معك غلط ^_^

250 الف ممشى الاوريون مايضرها مكائن التويوتا قويه بس 120 الف على النترا   كثير  مكائن الكوري ماتعمر زي الياباني 

الأوريون اكيد الافضل ولكن اهم شي تكون نظيفة لانك بتحتاج قطع غيار بحكم موديلها قديم
الالنترا ممشاها كثير بالنسبة ل2012 المفروض تكون حول 60الف او اقل

وتبغى النصيحة خذ لك اكسنت جديدة 2015 بحكم انك طالب عشان تريح نفسك من الصيانة لان المستعمل ماتعرف عيوبه الا بعد استخدام شهر على الاقل

الالنترا زينها وعمليه وقطع غياره رخيص مناسبه جدا جدا لك

تذكرت سالفة أحد زملائي بالثانوي
كانت معه كورولا سياحية هندل 2004
كدها طول ما هو بالجامعة و طول شوي 6 سنوات و هي معه
لان تخصصه صيدلة و بعدها توظف و اشترى اوريون 2010 فل كامل
متعود على عزم الكورولا كل الدعسه عشان تقوم
 مرة وقف عند تقاطع و دعس للاوريون و هي تقلع فيه تعدى الميه بثواني
يقول لا اراديآ طلعت مني كلمة " يلعن أمها " و هو مطوع ههههههه
و صار من أهل السرعة الله يهديه

خذ الالنترا الحين و الاوريون خلها بعدين بس انتبه فرق العزم كبير

ي صاحبي الاوريون افضل بكثير من النترا وبالنسسبه للسرعه حتى النترا تجيب 200 يعني لو تبي سرعه بتلقى بس فرق


المكينه 6 سلندر احسن لك

ي صاحبي الاوريون افضل بكثير من النترا وبالنسسبه للسرعه حتى النترا تجيب 200 يعني لو تبي سرعه بتلقى بس فرق


المكينه 6 سلندر احسن لك

شف يخوي مافيه مقارنه . اكيد الاريون افضل بكل شي . بس لازم تاخذ بالك من ناحية القطع والصيانه بما انك طالب .  وتوك بداية عمرك . في وضعك الالنترا انصحك فيهااا  .وموفق

سبب العزم الجبار بالنسبة للاوريون لأنها مكينة 6 سلندر 272 حصان وهذي المكينة موجودة بالافالون واللكزس ES ولكن وزن الافالون والكزس ES ثقيل فمع عزم المكينة تعتبر تسارع عادي جداً...
أما مع سيارة بوزن الكامري مثل الاوريون ومع المحرك الجبار راح تكون قوة عجيبة خصوصاً أنها دفع أمامي...
لذلك نشاهد بعض المقاطع اليوتيوب الاوريون يقوم قومة على الكابرس بس بالخط يروح الكابرس...

لا شوف اذا تبي تفوز ببطولة العالم للسيارات السريعة وتكسر راس البوغاتي والفراري خذ الأوريون
هههههههههههه تراه موتر عادي يمكن النترا 2.0 معدل تعديل بسيط ينافسه
وخذ الهونداي اوفر واجدد ومابيوجع راسك بخرابات

وش موتر عادي يمكن ماجربته يارجال والله لو اطاوع نفسي كل شهر اغير كفرات 
يارجل خفيف يطير طيران وعليه دعس ماهو صاحي 
لاكن السرعه ماهي طيبه ولا انصح احد يسرع 
لاكن اشهد بالله انه موتر حطه على يمناك وما يخيب ضنك فيه 
عزمه مجنون والي يستخدم اوريون بيفهم وش اقصد

الرومنسي ههههههههههه ياحليلك من يوم ماشفت ان معك كابرس عرفت ليه راد هالرد اجل النترا معدل تعديل بسيط هاه خخخخخ
ترا الالنترا الي مستهون فيها تروح على ltz حقتكم :D

اوريون 200 الف  يباني والا 120 كوري من واقع تجربه ولك الاختيار 

ماقصرتوا شباب على قول الشباب الاوريون بتفرق معي كثير ﻻن انا حاليا معي سياره عزما ماش 
سويف 2007 قير عايدي ﻻكن الالنتر عزما واستخدامها ما يفرق كثير ﻻكن بدور على موتر ممشاه اقل 
والخيره فيما اختار الله

اخوي ahoh ههههههههه اكيد الألنترا يقوم حتى على الكورفيت ولايهمك
...بس كأنك فهمتني غلط !! انا رفعت من شأن الألنترا وانت تقول مستهين فيه؟؟

بعدين اخي ahoh خل عنك حركات البزران انك تفتش على مشاركاتي وتعطي دسلايك
اظن انك اكبر من كذا