كم تسوى اسكنت 2014فل كامل

واحد من الشباب خذا اكسنت 2013 من حدود شهر ماشيه 45 الف تقريبا ب 33 الف لكن البودي وكاله ماجاها مخش وبشكل عام اسعار الاكسنت الفتره الاخيره طايره

مشكلتها بدون ارباق يا الغالي

وسعرها جديد ب 45 الف ريال اخصم 10 الاف ريال حقت استعمال

فتسوا 35 الف وحولها لكن على الرش فبتنزل الى 32 الف ريال تقريبا الى 33 الف ريال تقريبا

وان جاك زبون صامل بيعها وتوكل على الله

ونصيحتي بعد لك ان كانت ماطلبت شيء وماشيه معك

شل فكره البيع من راسك ولا عاد تدور سيارات للبيع واستخدم سيارتك

انا جاتني حاله ابي ابيع سياره واشتري ثانيه بسبب انه في دقات كثيره وبيطيح سعرها بعد 6 شهور لو نويت ابيع

ولا هي والله ما طلبت شيء ابدا من نوع جيب مازدا

والله ونويت على كابريس ورحت شفتها وشفت نظافتها وهي 2013

واستخرت وبعدها راحت الحبه اللي فراسي وجاني احساس يقول خل سيارتك معك

مدامها ما طلبت شيء وسرت تعرفها فهي احسن لك من سياره ماتعرفها

وثانيا خله يطيح من قيمتها ياخي ترا ما بيطيح الا 3 الى 5 الاف ريال

ومو بس انت اللي بيطيح سعر سيارتك

حتى الكابريس و السيارات الثانيه بينزل سعرها

والحمد لله ماشي معي مثل العسل وراحت فكرة البيع من راسي

كم ارباق فيها؟ 

بسم الله الرحمن الرحيم

يا جماعة صلو على النبي وش الكلام ذا الرجال يقلكم 

فل كامل وتقلون ما تجيب لك يالربع تونا شارين وحده 

2014 لاخوي نص فل ب 37800  صلو عن النبي

لا تحطمون الرجال يا صاحب الموضوع لا تستعجل بتجيب

لك قيمة إن شاء الله طيبة .

على فكرة رحنا قبل يومين الوكالة على اساس قاعدة كرسي

القير وخرشناهم وقلنا ان الموتر من مطب تفل العافية جا ابو هنود

يقول هذا سة إستخدام وبدا يلعب بذيلة عاد الله وكيلكم قلت الاخلاق

معي ناظرتة بنص عين وقمت افتل في شنبي وشوي انفخ صدري هههع

( ابو شهاب على غفله ) المهم مالك بالطويلة يو شاف العين الحمراء

واني صامل وقلت باشتكيكم على الوكيل الرسمي ووزارة التجارة 

وشافوا اني جاد قام الرجال يحلها حل ودي وقال خلاص نركبها 

لكم بلاش ما ناخذ شغل اليد وكانت التكلفة 150 قيمة القاعدة

وسلامتكم جميع .

جزاكم الله خير جميعا

ول ابو يزيد خاصتا

الضاهر اني شلت نية البيع

وبخليها معي دام ماعندة خلاف

وجزاكم الله خير ماقصرتوو

ومتشكر على مروركم