أضف سؤال أو موضوع جديد          

ملاك هيونداي جينيسيس 2015 في السعودية يواجهون مشاكل....

up 2 down 1
k9999 239
قبل 6 سنه و 11 شهر



السلام عليكم ورحمة الله وبركاته 

المربع نت – قام العديد من ملاك سيارة هيونداي جينيسيس 2015 الجديدة بتقديم العديد من الشكاوي الى فريق المربع نت حيث ذكروا انهم يعانون بشكل أساسي من مشكلة الإطارات المثبتة على السيارة حين قاموا بشرائها،
حيث انه تعرض اغلب ملاكها إلى حالات انفجار للإطارات وانسلاخ وتحبيل مما تسبب بوقوع تلفيات في السيارة وهم على طريق سفر أو السير على مسافات طويلة والبعض الأخر أوقف سيارته وقام بإستئجار سيارة آخرى وآخرون لديهم تشققات في إطارات السيارة إما الخلفية أو الأمامية مما أدى إلى تولد رهبة لديهم بعدم استخدام السيارة خوفاً على سلامتهم من الحوادث لا سمح الله،
وذكروا أن جميع السيارات المتضررة لم تصل إلى 25 الف كيلو متر من استخدامها.
وذكروا انهم قاموا بالتوجه الى وكيل هيونداي المستخرج عن طريقه السيارة وطلبوا فحص للإطارات ثم رفض الوكيل عملية الفحص أواستبدال الإطارات،
حيث قام ملاكها بعد ذلك بالتوجه إلى وكيل الإطارات في السعودية دنلوب – بن زقر والذي بدوره يحمل المسئولية الى وكلاء السيارات بسبب سوء تخزينها.


http://www.youtube.com/watch?v=49Kefzz38Bc









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ياريت ماحد يجي يدرعم ويقول كوري ابو كلب ترا المشكله من الكفرات

هاذي اتوقع سوء تخزين 


up 8 down 10
fbi991 107
قبل 6 سنه و 11 شهر



جايبين سياغة الخبر على ان العيب في السياره نفسها ههههههههههههههههههه

اخرتها طلعت الكفرات بسبب سوء تخزين 

لكن الغريب
ليش المشكله ماجات الاعلى الجينسس فقط
هل اللي تتخزن عند الوكيل هي الجينسس فقط
طيب فيه سيارات ثانيه تتخزن ؟
اعتقد الوكلاء عندهم خبر بهالشي لازم تحجير الكفرات بالهواء وقت التخزين
بدليل مطلع اكسنت 2013 جديده من الناغي ولقيت كفراتها مليانه هوا
والنترا 2015 من الوعلان ولقيت كفراتها محجره

فالسؤال
هل المشكله من سوء التخزين فعلا
ولاهناك مشكله في انظمة تعليق السياره تسبب مسحيه وتاكل سريع للكفر وغيره 


up 2 down 2
شويخ من أرض مكناس 2824
قبل 6 سنه و 11 شهر



طيب ابن زقر وش دخله فيكم 

الكفرات تجي راكبه من بلادها في كوريا 


up 0 down 0
ابــو شــهــد -87
قبل 6 سنه و 11 شهر



هذي المفروض يتحملها الوكيل
لأنه يعتبر عيب في السلعة بسبب التخزين


up 4 down 1
naac 2 2722
قبل 6 سنه و 11 شهر



انا اشتريت سيارة مخزنة ثلاث سنوات
ولا صار كذا
بس اشوف ناس كثير تشتكي من جينيسيس الجديد
يا زين الانفينتي بس ، ما عمري شكيت منها


up 6 down 14
توظيف -53
قبل 6 سنه و 11 شهر



ههههههه ها بشر بعت الانفنتي ولا للحين

انا من يوم ماشفت الجدول حق المقارنه حقك وانا غاسل ايدي منك


up 12 down 3
fbi991 107
قبل 6 سنه و 11 شهر



لا يابو شهد هم يقصدون ان الكفرات تجي من نوع دانلوب ووكيلها ابن زقر 

ومعروف اصلا ان دانلوب مغشوش واغلب اللي بالسوق اماراتي معاد تصنيعه ومكتوب عليه صنع في اليابان ههههههههههههه ( طبعا وكاله الوعلان راح تطلب من الوكيل مباشره مب رايحين يدورن بالسوق مثلنا ) 

واصلا لو تاخذ لك فرة بالسوق تلقى اسعار الدانلوب ارخص من الهانكوك الكوري ومقاربه لسعر ماكسيس التايلندي ؟ يعني بالله لو كان الدانلوب ياباني فعلا يبي يصير ارخص من الكوري والتايلندي ؟ مستحححححيل 


up 2 down 1
ابو هيثم 7 2254
قبل 6 سنه و 11 شهر



معلومة يجهلها الكثير الكفرات تركب من الوكيل تجي بالميناء على كفرات اعتقد من كوريا وسمعت أنها كفرات مؤقته إلى أن يأتي الوكيل ويركب لها كفرات بالميناء قد يتعاقد الوكيل مع شركة معينة مثل وكيل كفرات دانوب...
سمعت من إحداى اصحاب الجنسيس الجديدة أن تاريخ الكفرات 2013...
فهذا يعتبر غش وجشع والله أعلم...


up 2 down 2
acura 3755
قبل 6 سنه و 11 شهر



طبيعي السبب سؤ التخزين + الوقفه الطويله 
والمشاكل ماراح تخلص حتى لو واحد غير الكفر طقم لجل يطلع منها لا ياحبيبي تاكلها يعني تاكلها
هذا واحد ضرب حفره بالكفر الامامي وانعفط الجنط والكفر بنشر
طيب وش الحل اممممممم كم تدفعون واعلمكم ^_* 
طبعا الحل إنك تكبر طول الكفر لكن يبيلك تغير الجنط يعني تركب مثلا جنط 17 اذا تبي تنتهي مشكلة البنشر او التحبيل
او طعج الجنط كل السيارات اللي دعستها رياضيه هذي وجه نكبه ع راعيها مهما كانت مضبوطه لازم تجي بوجهك
لكن مسألت وقت فقط حتى تجيب العيد
طيب الان يبيلك تحسب مقاس الكفرات لمى تصغر الجنط بكذا تاخذ كفر يكون اطول من وكالتها 
طبعا التحبيل متواجد من الطول 45 وتحت لذالك ممكن لو يكون الطول 55 ع جنط 17 مناسب والله اعلم
الكفر الامامي الطول تبع الوكاله 40 والعرض 245
انت تخليه الطول 55 والعرض 235 او 245
والكفر الخلفي تخلي الطول 55 والعرض 255 او 265
وهذي حسبه اجتهاد مني وطبعا لو اشتريها راح اغير الجنوط مباشره لاني عارف مشاكل جنوط 19 
يجي واحد يقول تخرب المنضر ياحبيبي طز بالمنضر تبيني اقاول البنشري 
ليش اقول صغر الجنط وخذ كفر اطول عشان اذا طولت الكفر مايحك بالسيارة


up 0 down 3
999محمد999 -3
قبل 6 سنه و 11 شهر



ي جماعه بالله عليكم لحد يصرف من راسه (الكفر يركبونه في الميناء) . (الكفر مو ياباني) 

السياره جديده ما يمديها توقف
ولإول مره هيونداي تستخدم كفر غير كوري ووقعت عقد مع شركة دنلوب
لتزويد اطارة مقاس 19 خاصه للجنيسيس لان الكفرات الكوريه مشهورة بالقساوة
وكفر دنلوب معروف بليونته والظاهر ان دنلوب عندها عيب مصنعي بنفس الكفر
انه مع الحراره ينسلخ من الوسط ويكسر اللي حواليه 
وفي الحقيقه تتحملها شركة بن زقر لانه وكيل دنلوب في السعوديه

يجي كتيب ارشادات وضمان كفرات في السياره بموجبه يتقدمو بشكوى لدنلوب ولايمنع انهم يرسلون نسخه من الشكوى لهونداي عشان تتفادى المشكله 


up 2 down 0
mlay store 500
قبل 6 سنه و 11 شهر



على فكره هيونداي  تجي جنوطها مغطاه بعلبه بلاستيكيه من المصنع مايفتحها الا العميل


up 0 down 2
mlay store 500
قبل 6 سنه و 11 شهر



مارفضت الوكالة تغيير الكفرات المشكلة من اساسها ان فئة الكفرات اللي راكبه على الجنسس الموديل الحديث هي فئة A اعتقد وعلى حسب ماعرفته ان النوع هاذا من الكفرات مايتحمل درجات حرارة عالية وهاذا من اسباب انسلاخ الكفرات وعلى حسب اللي عرفته ان الشركة الام طلبوا اتسبدال الكفرات جميعها





ولعلمكم الخاص صارت هاذي المشكلة في اليوكون 2007 ويمكن اللي طلعوه ذيك السنة يذكرونها كان عليه كفرات بريلي وخالي طلعه على وكالته ما قام الموتر شهرين الا هم داقين عليه قالوا الحق تعال نستبدل لك طقم كفرات وش السالفة قالوا ان وصلت عدت شكاوي من العملاء انهم تعرضوا لحالة انسلاخ في الكفرات وخاصة الخلفية وواحد منهم صاير له حادث انسلخ الكفر على طريق الجنوب ودخل الردمية وصارت له سالفة



وراح خالي وطقوا له طقم 5 كفرات حتى الاستبنة غيروها وكان عندهم مشكلة في الدينمو هاذا اللي ينزل المفتاح معلق وطلبوه له طلبية من امريكا وغير الاستبنة اول شي قالوا له بنطق لك طقم 4 كفرات الحين تمشي عليها والاستبنة اول ماتوصلنا القطعة تجي نركبها لك ونغير الاستبنة


up 1 down 0
a.ibrahem 3167
قبل 6 سنه و 11 شهر



ههههههه كل واحد يفتي من راسه ..اجل يغيرونها بالميناء هههههه فاضين لك الوكالة يغيرون 30 الف سيارة !! وليش يغيرون. .
بالنسبة لهونداي اول مرة تتعامل مع دانلوب مو غريبة هونداي تغيرت سياستها وصارت تنافس عالميا وبقوة يعني التصاميم جابت مصمم الماني المواد والخامات تعبت عليهم ومو معقول تتهاون وتركب كفر اي كلام بس لمجرد انه كوري مثلا ...فعشان كذا ركبت دانلوب لانه الانسب للسيارة ...او قد يكون مافيه هانكوك نفس مقاس الجينسس او مو ذاك المستوی ..هانكوك طبعا جودة وحلو لكن يمكن دانلوب بهالمقاس افضل ...
اتوقع ان الكفرات مو ملائمة للحرارة فوق ال45 لاني اشوف بام يكا واوربا دانلوب نفسنا


up 0 down 0
talal abdullah 5419
قبل 6 سنه و 11 شهر



عطني لايكات على ردودي وموضوعي علشان تجيني فوق ٣٠ نقطه لو سمحت 


up 0 down 1
المحقق كونـان -99
قبل 6 سنه و 4 شهر