ماهو افضل زيت للهونداي أزيرا 6 سلندر 3.0

لا تغير الا بعد 5000 وشوف النوع الي تغيره الوكالة واشتريه جملة وغيره عند اي بنشري ب20 ريال

الله يعطيك خيرها ويكفيك شرها .. 
اول تغيره بعد 5 الاف : وبعد كذا كل 10 الاف كيلو 
الزيت استخدام 5w30 تخليقيه بالكامل مثل :
بترومين A
فوكس سوبر سن 
ايسديلكو 
مثل ماقلت لك فوق لاتغير هالزيوت الا ذكرتها الا بعد 10 الاف.
موفق

اخوي الزيت حط نفس اللي مسجل على الغطاء حق الزيت او الكاتلوج 
والسلام ختام

الزيوت كلها تمشي السيارات وبعض الشيبان يستخدمون ارخص الزيوت والحمد لله مكاينهم لها من 20 سنه ماشيه معهم

لاكن سياراتك 2015  مشاء الله والله يعطيك خيرها ويكفيك شر الحديد يفضل تشوف الكاتلوج وتتاكد
او تاخذ لها افضل الزيوت التخليقيه مثل موبيل 1 و وبترومين التخليقي وايضا الكاسترول وتاكد انها التخليقي والاصلي 

من قلك ان الزيت يعتبر زيت تخزين ؟
الوكاله تغيره بعد 5 الف

اما الزيوت التخليقيه كامله قيمت العلبه الواحده توصل 35
الزيوت اغلبها نصف تخليقيه اسعارها مناسبه مثل موتور كرفت

موتركرافت مناسب لانه يتغير مع انتهاء عمر فلتر الزيت الا وهو 8000

كل السيارات الجديده يكون الاحتكاك داخل المكينه عالي جدا وراح ينتج حديد ورايش كثير 
فالافضل انك تغيرالزيت على ١٠٠٠ مع الفلتر 

ويفضل استخدام زيوت تخليقيه لزوجه 5w30 
او زيوت المعدنيه الرخيصه لزوجه 10w30

اخوي رح افضل محل غيار الزايت و عطه كتلوج السياره عشان يعلمك رقم الزيت المكينه الخاص في سيارتك . او انت خذ الكتلاوج ودور رقم الزيت المكينه . وافضل زيت كرسترول gtx لنه اقل تبخر في المكينه  بس الزيت يختلف على حسب الرقم. مثل على رقم  الزيت gtxكرسترول  10w30 و5w30 . وفيه اكثر من نوع.  انت اختار النوع إلي يناسب سياره .عن طريق الكتلوج .

10w30 .. 5w30 
ماتوقع فيه احد يستخدم غيرها وﻻ فيه ذاك الفرق بينهم 
اختر الي يناسبك 

اهم شيء تخليقي كامل وريح بالك من مشاكل الصوت والتكتكة في المحرك
تخليقي ينزل فقط 
5W30 -10W40-0W20-5W20-5W40
وارجع لكتالوج سيارتك وتلاقي محدد النوع ! احد الارقام السابقة

اخ majed112345
اهنيك لفصلك بين الزيوت التخليقية والصناعية القديمة
موفقين

الزيت التخليقي من الوكيل او الموزع سعره 22.5 للعلبة مثل كاسترول ماجناتيك A5 5W30 FULL SYNTHETIC 
هذا يباع بالبنشر 40-35 حسب المزاج ههههه
وكيل موزع 22-23 كرتون فيه 12 علبة 
عندك نوعين وكلهم اصلي 100%
كاسترول الامارات 
كاسترول شركة الخريف السعودية 

اهلا






اول تبديل على 1000 كيلو

لما اشترينا النترا قال فحص وتبديل الزيت على 1000 كيلو

وان شاء الله بكره رايحين لهم



وبعدها على حسب نوع الزيت المستخدم

بعضهم يتغير على 5000 كيلو

وفي النوع الافضل يتغير على 10000 كيلو

اولا مبروك عليك الموتر والله يعطيك خيرها ويكفيك شرها .. بإذن الله راح اعطيك العلم الاكيد لان موتري نفس موترك 

1/ اذا كانت سيارتك خليجيه لازم يكون اول تغيير للزيت ( اجباريا)  على ألف كيلو .. واذا كانت سعودية على 5 الاف ( طبعا الفرق بينهم سهل لأن الخليجي مراتبه لونها جملي والسعودي المراتب لونها بيج )

2/ اذا رحت للوعلان راح يصلخك صلخ بالسعر ؟ تخيل ان التغييره الاولى للزيت بـ 262 مع التشييك ؟ والثانية بـ 320 ريال اعوذ بالله وبدون تشييك بعد ؟ 

3/ الوعلان مع انه حرامي الا انه افضل من غيره لانه يستخدم زيوت شل هيلكس وهي زيوت حديثه بتصنيف SN بينما الناغي مازال على زيت كاسترول القديم بتصنيف SL 

4/ مكتوب بالكتلوج ان اللزوجه هي 10w30 . 5w30 . 15w30 يعني لايزيد الرقم الكبير عن 30 اطلاقا ؟ بينما الوعلان يحط لك زيت ثقيل هو 10w40 ولزوجته غير موجودة بالكتلوج نهائيا ؟؟؟ 

5/ مكتوب بالكتلوج ان مقدار الزيت عند تغييره مع السيفون هو 5 لتر و 700 جرام .. والوعلان يغير لك 5 لتر ونص فقط ؟؟؟

6/ مكتوب بالكتلوج ان اقصى تحمل للزيت بالظروف القاسيه هو 1000 كيلو للتر الواحد ؟ و 1500 كيلو بالظروف العادية ( معنى الكلام انك بالصيف تمشي على الزيت 5700 كيلو فقط بعدين تغيره .. وبأيام الشتاء تخليه يمشي الى حد اقصى وهو 8500 كيلو فقط ولاتوصل 10 الاف انتبه )

7/ توضيح للنقطه السابقه .. ذكرت ان مقدار الزيت هو 5 لتر و 700 جرام ؟ اذا اضرب 1000×5.7 = 5700 كيلو .. واضرب 1500× 5.7 = 8500 كيلو 

8/ شخصيا انا جربت اغلب انواع الزيوت على موتري لكن الافضل لها هو زيت بترومين  A1 5w30  تخليقي بالكااامل وتصنيفه SN ( احدث تصنيف)  وصوت المكينه هادي جدا اضافه الى ان هذا النوع من الزيوت اقتصادي بصرفيه البنزين ( للمعلومية انا ادري ان هالزيت يمشيني حتى 15 الف كيلو لكن انا امشي ع الكتلوج واغيره كل 8500 كيلو ؟  مب شرط البلاء من الزيت لا يمكن السيفون مايتحمل )

9/ انا اخذ الزيت ذا بالكرتون من محلات الجمله ويطلع علي بـ 270 ريال وفيه 12 حبه والسيفون اخذه من الوكاله واغيره عند اقرب بنشري بـ 10 ريال ( طبعا عشان مايطلع موترك من الضمان خذ فاتورة على كرتون الزيت وكرتون السيفون ولازم يكون بالفاتورة رقم لوحه السياره انتبه لا تنساها )

10/ عندك خيار ارخص وهو موتر كرافت 10w30 نصف تخليقي وهذا اغلب اللي معاهم سيارات امريكية او مستوردة من امريكا تلقاهم مايغيرون الا هو .. وسعره 14 ريال للعلبة عند محلات الجملة .. بس لازم تغيره على 5 الاف 

أنصحك باستخدام زيت (بترومين 5w30) تخليقي بالكامل، ويمشي 10.000 كيلومتر، وملائم جداً لمحرك السيارات الجديدة، وسعره في بترومين بــ45 للتر الواحد، وعند البناشر تلقاه بــ35 - 40 ،،
أنصحك به، وتركيبه عند بترومين والاحتفاظ بكل الفواتير والاثباتات.

وفقكم الله ورعاكم ، والله يعطيك خيرهــا ويكفيك شرهــا ...

اهلا






اليوم رحنا المجدوعي الى فحص 1000 كيلو

وقال انهم يستخدموا زيت جديد يتغير اول مره على 5000 كيلو


قلت اليه لما استلمنا السيارة قال التغيير اول مرة على 1000 كيلو

يقول معلومات اللي قالك قديمة !!!


الحين اول مرة نبدل على 5000 كيلو

استخدم زيت تخليقي لزوجته 5-30 مثل بترومين a1 ميزته انه متوفر في ككل كان وسعر الكرتون 265 ريال من محلات الجمله يتغير كل 10 الاف للاستخدام الشاق بالنسبه لي معي كادينزا واغيره كل 10 الاف