ما رأيكم بسوناتا وارد كوريا؟

فعلا هي 2000 سي سي و 4 سلندر ومعلومة الغاز للبنزين اول مرة اسمع فيها

خذ سوناتا خليجي امريكي سعودي

هج عن الكوري والاردني لانها محوله من غاز
وانت عارف انه متلاعب في نظام الوقود وهذا تعديل خطير

أتركك من سالفه محول غاز والاردن وخراط الشريطيه
الحين اسألك سؤال تاخذ سوناتا ٢٠١١ سعودي ماشيه فوق الميه وخمسين وملعون والديها باربعين
ولا تاخذ كوري ماشي في حدود الاربعين الف ونظيف زي المرايه بنفس السعر بس مكينته اصغر شوي ؟؟؟

للمعلوميه فيه سيارات غاز بكوريا بس سعرها تقريبا نفس سعر البنزين ما يفرق ذاك الفرق اللي يخليهم يحولونها
وعندهم سيارات نظيفة زي الورده بس لا فيها بانوراما ولا فتحه ولا مثبت سرعه بس جلد وتسخين مقاعد واحيانا شاشه مع كاميرا خلفيه
وعالعموم سبق وفحصنا واحده منها n20 الشكل القديم
والفحص نفضها نفض قال مافيها شي بس تحتاج حاجات خفيفه ما تتعدى الثلاثميه ريال
وللمعلوميه نفس مكينه i40 ونفس القطع
اللي يبغى يشيك على موقع الكوري المستخدم هذا هو
Www.autowini.com

السلام عليكم ورحمة الله يا أخواني الكرماء لا أحد يجي ويقول أنت جالس تقطع أرزاق الناس ومدري إيشأنا عندي معلومات من حقي أشاركها مع الناس (الرجاء من المشرفين تثبيت الإعلان وعدم حذفه)ادارة الموقع حذفت اعلاناتي للسابقة بدل من دعمها ونشرهاأرجو النشر والمستفيد من هذه النصيحة هو المستخدم أما الشريطي هو الذي لا يريد أنت تنشر المعلومه فهو يشتري هذه السيارات من الأردن ب20 ألف ويبيعها ب40ألف أقسم بالله العظيم أن كل ما أذكره أدناه هي معلومات صحيحة أنا مسؤول عنها أمام الله يوم القيامةالسوناتا وارد كوريا عن طريق الأردن بجميع موديلاتها عباره عن سيارات صنعتها الشركة للعمل بالغاز  يتم التعديل عليها وتحويلها للعمل على البنزينونتيجة سيارة 2000 سي سي (2.0L) عزمها ضعيف جدا وصرفها للبنزين عالي وكثير يشتكون من تسريب وروائح بنزين وخراب متكرر للمكيفولا تدخل داخل الضمان وترفض الوكالات إدخالها للصيانة ( وأنا بنفسي وقعت في هذه المشكلة ) وإلي يقول الوكيل ملزم الوكيل ليس ملزم أبدا والسيارة غير مصنعه لهذه المنطقة (لو تلاحظون داخليتها سوداء + جلد أسود) وعملت عليها تعديلات في نظام الوقود خارج الشركة ولا تتشابه في القطع مع السوناتا السعودية طبعا قطع المتعلقة بالمكينة والقير  ( وارد المجدوعي والناغي والوعلان) وتتشابه في القطع الخارجية وأيضا رقم الهيكل لهذه السيارات خاص بكوريا ولا يمكن لوكالة إدخاله في الكميبيوتر لمعرفة ارقام القطع التي تحتاج إلى صيانهباختصار سيارة مغشوشه وغير آمنه وسوف تتعبك في الصيانة والقطع ( ولا ننسى مشاكل روائح البنزين والمكيف والداخلية السوداء الغير مخصصة لجونا الحار)وكي لا يقع الجميع في فخ هذه السيارات المغشوشه سأبين لكم النقاط التي تساعدكم للتعرف عليها :1) مكتوب في الخلف على الشنطة N20  وهذه تعني أنها تعمل على الغاز2) داخل الشنطة تلاحظ أن هناك أثار لمسامير وهي أصلا مكان تانكي الغاز 3) الداخلية سوداء والمقاعد جلد أسود4) أغلبها تجي جنوط ألمنيوم مقاس 15 (صور الجنوط في الأسفل)انتبهو يا أخوان أغلب هذي السيارات نتائج فحصها سليمة 100%انتبهو يا أخوان أغلب هذي السيارات نتائج فحصها سليمة 100%انتبهو يا أخوان أغلب هذي السيارات نتائج فحصها سليمة 100%أرجو النشر جزاكم الله خيرا(دعاوتكم إن الله يوفقني لشراء سيارة جديدة بعد أن تورطت في أحد هذه السيارات وخربت علي وأتعبتني)

كفى ووفى احمد ال الشيخ ولك لايك

لحظه لحظه ..!!!
كيف سيارة فحصها يطلعها سليم بس تطلع فيها خرابات ؟؟
هذي فيها جني مو محولة من غاز ..!!

ثاني شي مين قال إن n20 و y20 هذي معناها غاز !!
الطراز القديم "الجيل الخامس" يسمى sonata n20
الطراز الجديد "الجيل السادس" يسمى sonata y20

,ومكينة 2.0L موجوده نفسها في الاوبتيما والسبورتاج والتوسان وغيرها من سيارات كيا وهيونداي
وحتى ولو كانت السيارة غاز .. المكينه هيا نفسها الفرق بس بنظام حقن الوقود والتانكي باقي القطع هيا هيا

وبعدين سيارة جات من كوريا وراحت للاردن ومن الاردن جات للسعوديه واخرتها يشتريها بعشرين !!
والله لو ناقلينها فوق سيكل 
يا عمي هات بدي سوناتا  2011نظيف  بعشرين مافيه ولا طقه وشيل المكينة اللي مزعلتك أنا اشتريها وأركب لها مكينه من التشليح كم بتطلع يعني ولسه ...كسبان
أنا ماني مستغرب من أن السيارة مشيت والناس تشتريها شي رخيص ونظيف
أنا مستغرب الدفاع المستميت من البعض بكل ما أوتي من قوه أنه يشوه صورة السياره
يمكن الشريطيه شافوا الناس لقوا بديل للسكراب اللي يبيعونه وزعلانين قاموا طلعوا اشاعه 
الله أعلم

,وهذا موضوع قبل سنه اثنين من الاعضاء ردوا بأن معهم نفس السياره ولا فيها مشاكل

http://hyundai.montada.haraj.com.sa/12182/%D8%AA%D8%AD%D8%B0%D9%8A%D8%B1%20%D9%85%D9%86%20%D8%A7%D9%84%D8%B3%D9%88%D9%86%D8%A7%D8%AA%D8%A7%20%D8%A7%D8%B3%D8%AA%D9%8A%D8%B1%D8%A7%D8%AF%20%D9%83%D9%88%D8%B1%D9%8A%D8%A7%20n20/

اخوي انا من المدينه ومعاي سوناتا ٢٠١٠ n20 اخذتها قبل سنتين اول مانزلت بالسعوديه اقسم بالله العظيم اني اخذتها ماشيه ٤٢ الف والان ماشيه ١٥٠الف المهم السياره من خط لخط مع اخواني معاي وكرف يهودي ماغيرت ولاطلبت مني الى فحمات وطرمبة بنزين بس وزيت مكينه وبالنسبه للي يقول تصرف بنزين ولا ماتصرف انا اتحدى اي واحد يطلع فيها لجده اذا كان البنزبن اقل من الربع السياره له ع سرعة ١٥٠

والي يقول السياره محوله من غاز الي بنزين طيب كثر الله خير الي حولها وحط لنا نظام ECO  هههههههههه

يابوي صدقني عشانها جات نظيفه وارخص من السوناتا السعودي المستخدم
قاموا طلعوا الاشاعه
نفس سالفه السيارات الاستخدام الامريكي
يقولك رديترها صغير ما يناسب اجوائنا
نفس الاسلوب شي انظف ولا أرخص من اللي عنده لازم يجيب لك فيه عيب