أضف سؤال أو موضوع جديد          

تحذير من السوناتا وارد كوريا

up 29 down 11
احمد ال الشيخ 2023
قبل 4 سنه و 5 شهر



السلام عليكم ورحمة الله
 
يا أخواني الكرماء لا أحد يجي ويقول أنت جالس تقطع أرزاق الناس ومدري إيش
انا عندي معلومات من حقي أشاركها مع الناس
(الرجاء من المشرفين تثبيت الإعلان وعدم حذفه)ادارة الموقع حذفت اعلاناتي للسابقة بدل من دعمها ونشرها
أرجو النشر والمستفيد من هذه النصيحة هو المستخدم أما الشريطي هو الذي لا يريد
أنت تنشر المعلومه فهو يشتري هذه السيارات من الأردن ب20 ألف ويبيعها ب40ألف 
أقسم بالله العظيم أن كل ما أذكره أدناه هي معلومات صحيحة
أنا مسؤول عنها أمام الله يوم القيامةالسوناتا وارد كوريا عن طريق الأردن بجميع موديلاتها
 عباره عن سيارات صنعتها الشركة للعمل بالغاز  
يتم التعديل عليها وتحويلها للعمل على البنزين ونتيجة سيارة 2000 سي سي (2.0L)
عزمها ضعيف جدا وصرفها للبنزين عالي وكثير يشتكون من تسريب وروائح بنزين
وخراب متكرر للمكيف ولا تدخل داخل الضمان وترفض الوكالات إدخالها للصيانة ( وأنا بنفسي وقعت في هذه المشكلة )
وإلي يقول الوكيل ملزم الوكيل ليس ملزم أبدا والسيارة غير مصنعه لهذه المنطقة
(لو تلاحظون داخليتها سوداء + جلد أسود) وعملت عليها تعديلات في نظام الوقود خارج الشركة
 ولا تتشابه في القطع مع السوناتا السعودية طبعا قطع المتعلقة بالمكينة والقير  ( وارد المجدوعي والناغي والوعلان)
وتتشابه في القطع الخارجية وأيضا رقم الهيكل لهذه السيارات خاص بكوريا
ولا يمكن لوكالة إدخاله في الكميبيوتر لمعرفة ارقام القطع التي تحتاج إلى صيانه
باختصار سيارة مغشوشه وغير آمنه وسوف تتعبك في الصيانة والقطع
( ولا ننسى مشاكل روائح البنزين والمكيف والداخلية السوداء الغير مخصصة لجونا الحار)
وكي لا يقع الجميع في فخ هذه السيارات المغشوشه سأبين لكم النقاط التي تساعدكم للتعرف عليها :
1) مكتوب في الخلف على الشنطة N20  وهذه تعني أنها تعمل على الغاز
2) داخل الشنطة تلاحظ أن هناك أثار لمسامير وهي أصلا مكان تانكي الغاز 
3) الداخلية سوداء والمقاعد جلد أسود
4) أغلبها تجي جنوط ألمنيوم مقاس 15 (صور الجنوط في الأسفل)
5. صرفية البنزين 
6. قطعها الاستهلاكية ترقيع بعضها للسوناتا والبعض الاخر للالنترا (متأكد من هالمعلومة)
7. لاتدخل الصيانة 
8.وقت البيع يطيح من سعرها شيء خيالي مو مثل السعودي (مايهم السعر) 
9. مكينتها ضعيفه
انتبهو يا أخوان أغلب هذي السيارات نتائج فحصها سليمة 100%
انتبهو يا أخوان أغلب هذي السيارات نتائج فحصها سليمة 100%
انتبهو يا أخوان أغلب هذي السيارات نتائج فحصها سليمة 100%
أرجو النشر جزاكم الله خيرا
(دعاوتكم إن الله يوفقني لشراء سيارة جديدة بعد أن تورطت في أحد هذه السيارات وخربت علي وأتعبتني)

ممكن لايك للموضوع من بعد اذنكم :)










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


اعوذ با الله.  ناس باعت. امانتها عشان فلس الله يهديهم وتسلم على طرح ولايك


up 4 down 2
مراجل2 95
قبل 4 سنه و 5 شهر



جارنا توه طاق له ازيرا الشكل الاول اللي من 2012 وتحت الجلد احمر
والجنوط مختلفه غريب شكلها 

اشوفها معه تقريبا من شهر واحسها ماشيه معه بس ماسألت 
يمكن تكون رخيصه ف الواحد اذا يبي يشتريها براحته ممكن تمشي معه

لكن اهم شي يكون عارف وجزاك الله خير 


up 4 down 0
bandara 1134
قبل 4 سنه و 5 شهر



موضوعك جميل وصدقت بكل ملاحضاتك 

لاكن مو كل الي وار الارد غاز في بنزين 

موضوعك ناقصه ترتب السطور وصيغه الكتابه من فراغات الله يوفقك 



up 2 down 2
tttt35035 925
قبل 4 سنه و 5 شهر



ناس ماعندها ﻻذمه وﻻ ضمير


up 2 down 2
صالح باسنبل 239
قبل 4 سنه و 5 شهر



كلامك صحيح 100% 

و انتشرت بسبب رخصها بس اول مايشتريها الواحد يبدأ يتفاجىء ب : 

1. صرفية البنزين 
2. قطعها الاستهلاكية ترقيع بعضها للسوناتا والبعض الاخر للالنترا (متأكد من هالمعلومة)
3. لاتدخل الصيانة 
4.وقت البيع يطيح من سعرها شيء خيالي مو مثل السعودي (مايهم السعر) 
5. مكينتها ضعيفه 


up 4 down 2
alkathiry 703
قبل 4 سنه و 5 شهر



جزاك الله خير 
ومعلوماتك سليمه 100%
نصحت اح الاخوان عنها لكن الله اراد واشتراها ظلت واقفه اكثر من شهرين لا وكالة ولا ورش تستقبلها بسبب كمبيوتر سبب تفتفه وريحة كربون قوية جداا
ماخلينا مكان بتشاليح جدة والرياض ندور علي القطعه لان السعودي يختلف ولايركب وبالاخير حصلناه ب 1500 ريال استغلال واضح


up 1 down 2
acoordian2005 358
قبل 4 سنه و 5 شهر



ذا الكواريا وش يبيون بالغاز عندم بانزين يروحون يخترعون شي يشتغل بالغاز غصب الابنشغلها بالغاز 
مدري اذا كوريا عندها ابار غاز وماعندها ابار نفط  اذا كاذا فمعذوره تصنع سيارات تشتغل بالغاز 
على الرغم ان خطرها اكبر من السياره الي بالنزين لو صار حادث ووصلت الصدمه لتانكي الغاز  بتنفجر السياره كالقنبله 
عكس البنزين يشب بتدريج يمدي الواحد ينحاش 


up 2 down 5
حسوف -54
قبل 4 سنه و 5 شهر



الوله فيها فساد كالبراكين
ميييييييييييييين ابن الكلب اللي سمح بدخول سيارات غير مطابقه للمواصفات والمقايس في الاصل ؟
الحين مانعين علينا استيراد سيارات مديلات قديمه بحجة انها اصبحت مستهلكه وغير صالحه للاستخدام خوفا وحرصا على سلامة المستهلك

والحين اشوفهم مدخلين سيارات اساسا ملعوب فيها لعب
ابوها من دوله 
دولة الواسطات والمحسوبيات 


شاقح استهد بالله 
اللي دخلها شخص مستفيد و ورط العالم فيها 
لكن ان شاءالله مع انتشار المعلومات راح تنعدم مبيعاتها


up 3 down 0
bandara 1134
قبل 4 سنه و 5 شهر



اللي دخلها واسطه تحت نظام الدوله
انت ماتدري وش قاعد يصير فهالبلد لانك ماتضررت انت بنفسك
خذي مثال بسيط

انت مريض تنتظر موعد تنويم لمدة 9 شهور
بعد ماتجي من جيزان وتاكليف سفر وسكن 
يوم توصل للمستشفى يقولك مافي سرير تم تاجيل موعدك الى 4 شهور !
مع العلم انه السرير راح بواسطه 
هذا ماتسميه ظلم 
خل المريض يجلس يعاني ويتئلم 
المستشفيات الحكوميه ماشيه على هالمنج وشفت بعيني شخصيا 
على الاقل المستشفيات الخاصه ارحم من الحكوميه
ماعنده واسطات
عندهم فلوووووس
ادفع فلوس تتنوم وتتعالج لاواسطه ولا كلام فاضي

bandara
اتمنى يجي يوم تجرب مرارة الواسطه
معامله حكوميه 
او شكوى
او ينصب عليك وتطالب بحقك ومحد حولك

وقتها بتعرف كلامي
وترا الشعب تضرر كثييير والناس بدائت تتكلم واكبر دليل شوف اليوتويب
كل شو واحد ناقز يتكشى على فلان وعلان ورئيس وغيره 

لو استمرت الاوضاع على ماهي عليه
صدقني بيجي يوم بينفجر الشعب

السيارات هذي ماسمحو بدخولها الا من شخص واصل في الدوله وله سلطته ومنصبه ونفوذه


ويقولون ممنوع تستورد سياره قديمه من مصلحة المواطن وكله عشان مصلحة الوكيل وعشان المستهلك يتجه للوكيل

طيب ياعيال الكلب الحين شلون سمحتو باستيراد سيارات معدله فيها نظام الوقود 
ماخفتوا على المواطنين انه هالسيارات ممكن تنفجر ولا تحترق فيه ؟

يارجال انت عشت بس ماشفت
وانا عشت وشفت
هذا اختصار الموضوع

بكرا واحد فيكم ينظلم فشغله مثل حقة موعد التنويم ووقتها بتعرفون كلامي صح


up 10 down 3



جزاك الله خير على التوضيح . فعلا هذه السيارات منتشره فن معارض مكه بشكل كبير


up 4 down 1
bkry 66
قبل 4 سنه و 5 شهر



ممكن ﻻيك من بعد اذنكم


up 3 down 5
احمد ال الشيخ 2023
قبل 4 سنه و 5 شهر



عندنا سوناتا 2009 نفس اللي تتكلم عنها وارد الاردن ممتازة من احلى مايكون واقتصادية جدا في البنزين الفل يمشيك حول 650كم وقطعها موجودة ومتوفرة ولا عمري دورت على قطعة مالقيتها 


up 3 down 1
al_hayek2001 179
قبل 4 سنه و 5 شهر



والله وانا اخوك كثرة اقاويل الناس عن ذا الكورية ، ناس تمدح وناس تذم

لكن ان رجعنا للجد لو انا بشتري وش الله حادني اشتري كورية اولا داخليها مهب زين اسود يسد النفس بعيدا عن الداخلي


مكينتها 2.0L يعني نفس مكينة الالنترا عزمها اكيد بيكون سيئ على حجم السوناتا ، وايضا سمعت انها 3 تغييرات ما ادري صدق ولا كذب ما ادري يعني اذا كانت ثلاث غيارات فهذي مشكلة


والكمبيوتر فعلن انا سمعت من واحد شريطي قد شراها ودخلها تلميع وبعدها ضرب عنده الكمبيوتر مايدري هو منهم ولا من الموتر ، وراح زبطه وباعها ، بس يقول استخدمتها فترة يقول حلوة ولا اشتكيت منها

ف والله شي يحير لكن انا اشوف ان الواحد ياخذ له موتر سعودي ولا مواصفات امريكية احسن بعد ، اولا ان مكينتها مناسبة على فئتها ثانيا تعرف ان الموتر ما انلعب فيه خلاص بنزين بنزين ، والشي الاهم انك ماتشيل هم قطعة ماتلقاها ولا شي


الله يعين


up 1 down 0
a.ibrahem 3241
قبل 4 سنه و 5 شهر



فين وزارة التجارة عن الكلام هذا ؟؟؟


up 0 down 0
دودي عبده 14
قبل 4 سنه و 5 شهر



اتفق مع كلام الاخ شاقح


>>
ترى انا عشت وشفت ويمكن اكثر منك


up 0 down 1
dell2012 869
قبل 4 سنه و 5 شهر



ي شباب انا عندي سوناتا 2008 ماشاء الله من يوم اخذتها الى اليوم مغيرت فيها شي غير زيت وبنزيم واقمشه اماميه  وللعلم انها محوله من غاز الى بنزيم   اخذتها قبل 5سنوات  وهي ماشيه   50 الف والحين ماشيه  200وعليها  ويومين ماسك خط   100 كيلو   ماشي 200 راجع 200   ولا احلى    


up 1 down 1
المشاكس 2014
قبل 4 سنه و 4 شهر