زيت القير محترق ويتاخر في التعشيق وش الحل

وعليكم السلام 
اولا فحص الكمبيوتر ما يطلع لك غير فلتر وزيت هذا من رأس اللي فحص لك قالك سوي كذا
الكمبيوتر يطلع المشاكل الكهربائية فقط 
بعدين مافيه شيء اسمه افضل زيت قير
القير بالذات لازم النوع المخصص لها فقط

الزيت مو محترق من لونه وريحته 
لكن اوقات يتاخر الغيار من n ل d او الغيار الرابع على سرعة 100 

قالو غير زيت وفلتر القير ممكن الفلتر مو نظيف يعطيك تاخير في التعشيق !

روح غيره في الوكالة يقبلونه عادي ،، التكلفة عالية شوي بس تضمن انو يتحط نفس الزيت أفضل من ان تغيره برا الوكالة وبعدين تظهر لك مشاكل انت في غنى عنها ..

المفروض ماحد يسأل ايش افضل زيت قير للسيارة الفلانية
لأنه الجواب واضح وهو زيت الوكالة او الزيت المذكور في الكاتالوج

ارجع لعند اللي فحص كمبيوتر و خبرك انه لازم تغير الزيت و قله انت واحد نصاب ما تخاف الله

ليه اخوي ايش السالفة !

فحص الكمبيوتر ما يقدر يبين لك اذ لازم تغير الزيت او انو الفلتر لازم يتغير

يعني نصب عيني عينك

الحين انت بتشتري الزيت والفلتر و هو بياخذ عليك اجرة يد فوق ال 200 ريال و يمكن الزيت توه جديد و الفلتر جديد
يعني مو ناقص غير يقلك انه في فيروس بكميوتر سيارتك و محتاج نورتن اننتفيروس

أنا ما أؤيد تغيير زيت بالوكالة والسبب كل فرع من الوكالات يعطيك زيت مختلف اللي بفرع خريص يقولك كاسترول واللي بأبها يقولك شل هيليكس 
واللي بالدمام ( المجدوعي ) زيت مادري وش اسمه عليه شعار هونداي أنا الأفضل انك تشوف نوعية الزيت من الكتالوج الخاص بالسيارة مثلا sp3
أو sp 4 وهكذا وتروح تاخذ زيت من أي شركة مثل كاسترول أو بترومين بس تتأكد انه مطابق للنوع وتروح محلات أو معتمدة وتغيره بتطلع عليك بتكلفة أقل وبالنسبة للفلتر أنا اللي أشوفه ان المصنع حاط بالكتالوج تبع السيارة حقي السوناتا انه لا يتغير الا في حالة التوضيب 
فالمصنع هو الاولى مو الوكيل لو تجيب له سيارة أصفار يقولك بأغير لك فلاتر ومادري كيف 
( وجهة نظر)