قطع التشليح أغلى من القطع الجديدة

هههههههههههههههههههههه

يارجال نصابين بيحصلون طريق عليك بيلهفونك

انا اروح للوكاله واشوف سعر القطع

وبعدها اروح للتشاليح احصل أحياناً فرص حلوه من التشاليح

لكن فيه بعض القطع تستاهل تكون أغلى من الوكاله

مثل قطع البودي رفرف كبوت باب 

لانها تجي بدهان الوكاله وماتكلفك بدهان جديد

صارت معي زمان رحت ادور قطعه للكلتش كامري نسيت اسمها. في الوكاله ب٢٣٠ 
واروح للتشليح احصل واحد سعودي متكي منتفخ والله مايدري وين الدنيا رايحه 
وطلبتها منه وحددتها بالضبط قالي ب٤٠٠  !!!  قلت له الجديد ب٢٣٠ قال لا مو اصلي 
قلت سلام عليكم اروح اخذ جديد   
يعني هم فاتحينها نصب على المساكين اللي مايروحون يسألون في الوكاله 

التشاليح نصابين خصوصا السودانيين واليمانية

^^^
مسوي اصلا فيه غيرهم يشتغل بالتشليح وتحت حر الشمس وبدون كهرب ولا انوار ولا مكيفات
طيب ورنا امانتك وشطارتك ورح اشتغل بالتشليح 

^^^^^^

يعني معليش ينصبون ويبيعون أغلى من الوكالة عشانهم تحت الشمس

من الخطأ أن تذهب للتشليح قبل ما تتسعر في الوكالة أو محلات قطع الغيار ، والتشليح يفضل أخذ بعض قطع البودي مثل الأبواب والكبوت والرفرف
إذا كانت برشة الوكالة ولم تسمكر حسب ما ذكر الأخوان وكذلك قطع الديكور الداخلية وخصوصاً الطبلون وبعض القطع الخارجية مثل الصدامات والأنوار والشبك ولكن بشرط أن تكون بنصف سعر قطعة الوكالة أو الثلثين بالكثير وأن يدل مظهرها الخارجي على أنها لا زالت جيدة وأيضاً المحركات والقيرات والدفرنسات والشاصية في بعض الأحوال وكل هذه على الضمان
أما ما عداها من القطع فأنصح ما تاخذها إلا من الوكالة أو قطع الغيار خصوصاً الكهربائية منها والميكانيكية والاستهلاكية لأن أغلبها في التشاليح استعملت وانتهى عمرها الافتراضي ومظهرها الخارجي لا يعطيك انطباع صحيح عن مدى صلاحيتها 

جشع عجيب حقون الصناعية والتشاليح
رحت اليوم الصباح ابغا اركب زيقات ٤ حبات 
صغيرررة ونحيفة. والله حرام حرام اكثر من ٥٠ ريال مع ااتركيب
قلت برشها كم مع التركيب ؟ 
قلي كلو ٣٠٠ !!!  قلتلو راش الفيابر جانبية مع التركيب
٤٠٠. سوالي فيلم اخر شي رسى ١٥٠ قلتلو كثير 
رحت محل ثاني قلي ١٨٠. قلت يعمي جلدها 
اذا تجليد جناح طلع ١٠٠ ذي حدها ٣٠
الي يقلي ٧٠ والي ١٠٠. جشع ونصب بشكل سفيه

هههههههههههه قال "هي كذا سعرها و اذا مو عاجبك اشتري جديد " ... يعني انه واثق من نفسه ههههههه ... أمراض نفسية الله يعين بس

اليكم قصتي مع التشليح الله يهديهم


غيرت زيت السيارة عند البنشري وقلت له غيرلي مويه الاديتر وهو يغير قالي قربة الاديترعندك مفقوعة قلت وش الحل لحمها شوفلها دبره

قالي مافي الا قربة ثانية قلت طيب بكره بشوف حل والله اليوم الثاني على العصر انزل التشليح وادور الي يقولي 160 والي يقول 180

ولي يقول 200 والله وادور وادورالين ماحصلت وحده 155 قلت والله لقيت الصيده والله واخذها واروح عند المهندس واقول ركب وغير المويه

والله بعد كذا مرور شهر شهر ونص الا الاديتر ظارب اروح عند المهندس وش المشكلة قالي صدا وتراب (الله يكرمكم) والله واروح اسيخ الاديتر
والحمه  حتى المهندس غشني الله لايوفقه ب250 والله مافي فايده واروح  قطع الغيار واصك ب اديتر جديد ركبته

وبعد كذا دايم اغير المويه مع تغير الزيت ودايم يوم اغير المويه احصل صدا  وبلاوي وشويه البنشري يقولي  زيخ الاديتر  قلت ياهو الاديتر جديد ماله شهرين 
والله واروح مكان اديترات واقوله يا ابن الحلال شوفلنا دبره قال انظفلك الديتر مع المكينه قلت طيب رووح لعلا تنفع والله هوا يشتغل
قاالي  تعرف وش المشكلة وش قول قال قربة الاديتر هي الي فيها صدا  قلت نظفها  قالي مستحيل الصدا هذا مايطلع وانا راح انظفلك اليوم وتعال بكره وشوف المويه
والا واروح واجيه الا والمويه حالتها حاله قلت بروح التشاليح اجيبلي قربة  والله وانا رايح  قلت امر قطع الغيار الا والقا القربة ب145 اصلية  قلت  بيض الله وجهك 
                                                       
                                                               عاد طولت


الزبده
ان الي في التشاليح اغلى من قطع  الغيار الجديده 
وانا القربه ذيك سببتلي عشرين مشكلة في السياره 

وسلامتكم

الاول اسئل بالوكالة وقطع الغيار
صارت لي واحصل القطعة سعرها في التشليح٦٠٠ ريال ومصدية وبدون ضمان 
ورحت الوكالة واشتريتها ب٥٨٥ ريال جديد وكالة